TOMANGADA’ 9:1 - Sura' Madatu

¹ Tonganna, mintu’na te kupalan nasangmo penaangku sia kuparessa nasang, kumua mintu’ to malambu’ sia to kinaa sia mintu’ pengkaranganna lan nasang limanNa Puang Matua, susi dukato tu kamamaliran sia kasikabirisan; tae’ apa natandai tolino tu diona apa natingayona lako.

TOMANGADA’ 9:1 ပူးပေါင်းရင်းမြစ်များ

AYUB 12:10

Iatu deatanna mintu’ apa tuo, lan limanNa sia penaanna mintu’ ma’ rupa tau.

AYUB 27:12

Inang mintu’komi untiro kalenai: ma’apari ammi ma’tangnga’ tae’ gai’na?

AYUB 5:8

Apa iake aku, la umpekutananna’ Puang Matua, sia lako Puang Matua la kunii umpennoloanni tu a’gangku.

PA’PUDIAN 10:14

Manassa Mitiro tu iannato, belanna Mitiro tu kamaparrisan sia Karossoinaan. La Mipapakkanni lan lisu pala’Mi, lako duka Kalemi nanii umpasande’ kalena tu to mase-mase; belanna inang Kamu tu patunduanna pia biung.

PA’PUDIAN 119:109

Tontong bang narandanni kasanggangan tu sunga’ku, apa tae’ angku kalupai len sukaran alukMi.

PA’PUDIAN 31:5

La Midu’dukna’ lan mai porro’ natananan-bunianna’ tau, belanna Kamumo sanderan matoto’ku.

PA’PUDIAN 73:3

Belanna ungkemburuna’ to matampo, tongku tiroi tu upa’na to tang mekaaluk.

SARAMBU PEADA’ 16:3

Sorongi tu mintu’ pengkarangammu lako PUANG, iake susimito, la dadi tu tanan penaammu.

TOMANGADA’ 1:17

susimoto kunii umpatu’tunni lan penaangku la untandai tu kakinaan sia kapaissanan sia kabagan sia katangpaissanan. Apa kutandaimo, kumua ia duka tu iannato susiki’ to unnula’ angin.

TOMANGADA’ 10:14

Sia ia duka tu tobaga umpabuda kadanna – apa iatu tolino tae’ natandai tu apa la dadi, anna iatu apa la dadi undinna, mindara la umpaissanni?

TOMANGADA’ 7:15

Sanda rupannamo tu apa kutiro lan mintu’ allo katuoangku tu tae’ gai’na: Den tu to malambu’ sanggang moi naden kamaloloanna sia den tu to tang mekaaluk malambe’ sunga’na moi naden kakadakeanna.

TOMANGADA’ 7:25

Kupapatui penaa tu iannato sia naparinaamo penaangku la unnappa’ kapaissanan, la ma’paressa sia la undaka’i tu pa’rampoananna situang kakinaan sia la untandai, kumua iatu katangmekaalukan iamo kabagan sia iatu katangpaissanan iamo kapusan.

TOMANGADA’ 8:14

Den tu misa’ apa tae’ gai’na dadi dao kuli’na padang, iamotu den to malambu’ dipakkan penggauranna susi pakkanna penggauranna to tang mekaaluk sia den to tang mekaaluk dipakkan penggauranna susi pakkanna penggauranna to malambu’; iamoto angku ma’kada kukua: ia duka tu iannato tae’ gai’na.

TOMANGADA’ 8:16

Iatongku palan penaami la untandai kakinaan sia la untiroi tu mintu’ sara’, tu dadi dao kuli’na padang, anna tae’ natandai kamammaran tu tolino keallo sia kebongi –,

TOMANGADA’ 8:7

Apa moi misa’ tau tae’ natandai tu apa la dadi; belanna mindara la umpokadanni, umba nakua tu lalanna.

TOMANGADA’ 9:6

Susimoto tu kamamaliranna sia kasikabirisanna sia kamangimburuanna masaimo pa’de; sia tae’mo apa napotaa sae lakona tu mintu’na dadi lan naarrang matanna allo.

YESAYA 26:12

O PUANG, Kamumo la umpabu’tuangkan kamarampasan belanna iatu mintu’ penggaurangki Kamu umpogaurangkan.

YEREMIA 43:6

iamotu mai muane sia baine sia pia sia anakna baine datu sia mintu’ tau tu napatorro Nebuzaradan, pangulu to ma’kampa, lako Gedalya, anakna Ahikam, anakna Safan, la nakampai, sia ia dukapa tu nabi Yeremia sola Barukh, anakna Neria.

PA’TOLE 33:3

Tonganna Nakamasei tu mai bangsa iato; mintu’ to maserona – lan nasang limamMi, matindo dio to’ lentekMi sia untarima pirang-pirang buku kadamMi.

2 TIMOTIUS 1:12

Iamo bannangnato, angku perasai dukai te mintu’nate. Apa tae’ duka kupomasiri’i, belanna kuissan kumua minda tu kupatonganmo sia kukatappa’i, kumua Iamo kuasa la ungkarimmanni tu apa kupa’peannan landa’ lako tu Allo iato.

1 PETRUS 1:5

tu Narinding pala’ kuasanNa Puang Matua tete dio kapatonganan lu lako kamakarimmanan tu diparandan la dipasombo, ke attu ma’katampakanna.

1 SAMUEL 2:9

Ia ungkaritutui tu lentekna mintu’ pa’kaboro’Na, apa mintu’ to tang mekaaluk la sabu’ lan kamalillinan, belanna tae’ natete dio kamatotoranna tu misa’ muane pasau’.