TOMANGADA’ 8:6 - Sura' Madatu

⁶ Belanna mintu’ apa den attunna sia a’ganna; belanna magasa tongan tu kadakena natanggung tau.

TOMANGADA’ 8:6 ပူးပေါင်းရင်းမြစ်များ

AYUB 10:13

Apa inde sia tu Mibuni lan penamMi-kutandai kumua iatu iannate mipangudumo –,

AYUB 33:17

la umpatibalikki tu ma’rupa tau dio mai penggauranna, sia la umpatoyangi tu tolino dio mai kamatampoanna,

AYUB 33:19

Iatu tolino dipakilala duka diona kamapa’diran dao patindoanna, anna tontong sirari tu kamapa’diran lan buku lampana;

TOMANGADA’ 11:9

Melo ke parannuko, e pia muane lan attu kamangurammu, sia la sende paiman tu penaammu su’ding pia muanepoko; ondongpi turu’i tu mintu’ lalan inaammu sia patiro matammu, apa issanni kumua belanna mintu’ tu iannato la Napatamako Puang Matua pa’paolaian salu.

TOMANGADA’ 3:1

Iatu mintu’ apa den attunna sia iatu apa la dadi nasambo langi’ den nasang allona.

TOMANGADA’ 3:11

Mangkamo Napadadi melo tu mintu’na lan attunna sia Napatama duka lan penaanna tolino tu pa’tangngaran diona apa situran-turan tempon dio mai, apa moi misa’ tae’ natandai tolino tu diona pengkarangan Nakarang Puang Matua dio mai pamulanna sae lako ma’katampakanna.

TOMANGADA’ 3:17

Sipa’kadamo’ kaleku kukua: Puang Matua la umpaolai salu to malambu’ sia to tang malambu’, belanna iatu mintu’ apa sia mintu’ pengkarangan pantan den attunna.

LUKAS 13:25

Iamoto ke ke’de’mi tu ampu banua nasalli’i tu ba’ba, ammi randukmo bendan bang dio salian undedek ba’ba, mikua: O Puang, bungkarangkan kami, anNa mebalimo Nakua: Tae’ Aku kutandaikomi, lu umbarokomi nii sae?