TOMANGADA’ 8:14 - Sura' Madatu

¹⁴ Den tu misa’ apa tae’ gai’na dadi dao kuli’na padang, iamotu den to malambu’ dipakkan penggauranna susi pakkanna penggauranna to tang mekaaluk sia den to tang mekaaluk dipakkan penggauranna susi pakkanna penggauranna to malambu’; iamoto angku ma’kada kukua: ia duka tu iannato tae’ gai’na.

TOMANGADA’ 8:14 ပူးပေါင်းရင်းမြစ်များ

AYUB 1:22

Lan te mintu’nate iatu Ayub tae’ nakasalan sia tae’ nasangai tang sipatu tu misa’ penggauranNa Puang Matua.

AYUB 21:7

Ma’apari natuopa tu to tang mekaaluk, anna matua induk, anna sakerangngan-rangnganna tu kamatotoranna?

AYUB 27:12

Inang mintu’komi untiro kalenai: ma’apari ammi ma’tangnga’ tae’ gai’na?

PA’PUDIAN 73:3

Belanna ungkemburuna’ to matampo, tongku tiroi tu upa’na to tang mekaaluk.

TOMANGADA’ 10:5

Den tu misa’ kakadakean kutiro lan naarrang matanna allo, iamotu misa’ kapusan bu’tu dio mai to paa:

TOMANGADA’ 2:14

Iatu to kinaa unnampui mata la mentiro, apa iatu to baga lolang lan kamalillinan; apa kukanassai duka, kumua misa’ri lampak urrampoi tu mintu’ tau iato.

TOMANGADA’ 4:4

Kutiro duka, kumua iatu mintu’ sara’ sia mintu’ kamalintaran mengkarang, umpabu’tu kamangimburuanna misa’ tau lako solana; ia duka tu apa iato tae’ gai’na sia susito unnula’ angin.

TOMANGADA’ 4:8

iamotu misa’ tau tae’ solana, moi anakna ba’tu siulu’na tae’ duka, apa moi susito tae’ duka upu’na tu mintu’ sara’na; sia tae’ namangingngi’ tu matanna untiroi tu mintu’ kasugiranna; – mindara la umpomaupa’i angku mara’ta’ bangra sia tang unneloran kaleku umperasai tu melona? Ia duka tu iannato tae’ gai’na sia misa’ apa kadake.

TOMANGADA’ 7:15

Sanda rupannamo tu apa kutiro lan mintu’ allo katuoangku tu tae’ gai’na: Den tu to malambu’ sanggang moi naden kamaloloanna sia den tu to tang mekaaluk malambe’ sunga’na moi naden kakadakeanna.

YEREMIA 12:1

TonganKomi Kamu o PUANG, ke la sikara-karaki’; apa moi susito, moraina’ la sipa’kada Puang diona tu mai apa malambu’, kumua: Ma’apai anna maupa’ tu lalan to tang mekaaluk, sia manaman bang ia tu mintu’ to ma’kedo tang maruru’?

MALEAKHI 3:15

Na totemo tapokada kumua maupa’ tu to matampo; tangia kumua manaman manna, moi naumpogau’ kakelokan, ondongpi natoba duka tu Puang Matua, anna tilendok siapa.