TOMANGADA’ 8:11 - Sura' Madatu

¹¹ Belanna tae’ namadomi’ dipaolai ukungan tu penggauran kadake, iamoto na iatu penaanna mintu’na ma’rupa tau morai bang la umpogau’ kadake.

TOMANGADA’ 8:11 ပူးပေါင်းရင်းမြစ်များ

2 SAMUEL 11:15

Sia nasura’ lan sura’ iato, nakua: La mupadio patu surodadu tu Uria dio to’naninna rari maparrang, ammu sorong boko’ dio mai, anna ruai namate.

AYUB 24:23

Puang ungkarimmanni kamarampasan tu tau iato, anna posanderanni sia matanNa Puang ummanta-mantai tu lalanna.

PA’PUDIAN 10:4

Nakua tu to tang mekaaluk naturu’ a’gan matampona, kumua: Tae’ ia Namepapakkanni tu Puang; belanna iatu mai passanganna nakua: Tae’ ia Kapenomban.

PA’PUDIAN 10:6

Ma’kadami lan penaanna, nakua: Tae’ angku la tibendon len, sia tae’ anna rua lenna’ kasanggangan lako osso’ sipapa’ku.

PA’PUDIAN 86:15

Apa kamu, o Puang, tu Kapenomban sumpu mamase sia sa’pala buda, sia kalando pesuka’ sia kapua tu kamasokanamMi sia kamarurusamMi.

KATASSURAN 34:6

Lendu’mi tu PUANG dio tingayona sia meongli’ Nakua: PUANG, PUANG, Puang Matua sumpu mamase liu kaboro’, kalando pesuka’ sia kapua kamasokananNa sia kamarurusanNa,

KATASSURAN 8:15

Iatonna tiromi Firaun kumua radanmo tu kamandasan, magasaomi penaanna, naurungan tang umperangii tu kadanna sola duai, susitu Napokada PUANG.

KATASSURAN 8:32

Apa moi susito, attu ia duka bangsiato anna umpabattuk, penaanna tu Firaun naurungan tang naeloran male tu bangsa iato.

TOMANGADA’ 9:3

Inde sia tu apa tarru’ kadake tu mintu’na dadi lan naarrang matanna allo, iamotu pada tu dalle’ urrampoi sola nasang; iamoto iatu penaanna ma’rupa tau ponno kakadakean, sia kapusan lan penaanna lan mintu’ allo katuoanna; sia undinnato mintu’ tau ma’palulako inan tomate.

YESAYA 26:10

Moi anna dikatirinnai tu to tang mekaaluk, inang tae’ anna pelada’i tu kamaloloan, sangadinna umpogau’ kakelokan illan tondok nanii kamalamburan sia tae’ duka anna tiroi tu kamala’biranNa PUANG.

YESAYA 57:11

Namindara tu mukagiang sia mukataku’, ammu tang maruru’mo sia tae’mo muingaranNa’ sia umpalan penaai tu iannato? Iaraka tu masaiNa’ kappa, ammu tang ungkataku’moRa’?

YEREMIA 42:15

iamoto perangiimi totemo tu kadanNa PUANG, e kamu tu torronapa dio mai to Yehuda, kadanNa PUANGna mintu’ ma’dandan maritik, Kapenombanna to Israel, kumua: Iake mipalulakoi Mesir tu lindomi sia la male lako la mentiruran dio,

YEREMIA 48:11

Tempon manguranna tu Moab torro manaman; mari’pi bang daona lu mentainna tae’ len naditua’ lan mai busso misa’ lako busso senga’, sia tae’ lenpa nadipali’; iamoto natontong bang tu mammi’na sia tae’ namembali tu busarungngu’na.