TOMANGADA’ 7:25 - Sura' Madatu

²⁵ Kupapatui penaa tu iannato sia naparinaamo penaangku la unnappa’ kapaissanan, la ma’paressa sia la undaka’i tu pa’rampoananna situang kakinaan sia la untandai, kumua iatu katangmekaalukan iamo kabagan sia iatu katangpaissanan iamo kapusan.

TOMANGADA’ 7:25 ပူးပေါင်းရင်းမြစ်များ

KADADIAN 34:7

Iatonna saemo tu anakna Yakub dio mai padang anna rangii tu iannato, mapa’di’mi tu penaanna sia re’dek tongan tu ara’na, belanna mangkamo tu Sikhem ma’gau’ baga dio to Israel, nagau’ sala tu anakna Yakub, tu inang tang sipatu napogau’.

2 SAMUEL 13:12

Apa nabali nakua: Tae’ nasusito, e kakangku; da mupalaoi siri’ku, belanna tae’ nasielle’ tu penggauran susito dio lu to Israel; da napogau’i kakangku tu penggauran tang massipa’ iate.

SARAMBU PEADA’ 17:12

Melo ia tu sitammu beruang birang sisayuran anakna, na iatu sitammu to baga lan kabaganna.

SARAMBU PEADA’ 26:11

Iatu tobaga tu ma’tole-tole umpokada kabaganna, susito asu sule ungkande luana.

TOMANGADA’ 10:13

Iatu kada bunga’ sun dio randan pudukna iamo katangpaissanan, anna ma’katampakanna iamotu kabagan pasanggangan.

TOMANGADA’ 2:12

Mangkato messaileomo’ la untiro kakinaan sia kabagan sia katangpaissanan, belanna umba nakua tu tangnga’na tau tu la ussonda datu tu diona apa mangka napogau’ datu?

TOMANGADA’ 2:15

Sipa’kadamo’ kaleku kukua: Iatu apa urrampoi to baga, narampoi dukana’: Apara gai’na angku tarru’ kinaa? Iamoto kusipa’kada kaleku kukua! Ia duka tu apa iato tae’ gai’na.

TOMANGADA’ 2:20

Iamoto tibalikmi tu penaangku tang urrannuammo sara’ku tu kunii mara’ta’ lan naarrang matanna allo.

TOMANGADA’ 7:27

Tonganna, indemo tu kuappa’, kadanna Tomangada’ – kupasitimbang tu misa’ na iatu misa’na, la ungkabu’tui tu misa’ pa’rampoanna,

YOSUA 7:13

Ke’de’moko, mupamaseroi te bangsa iate, sia la mukua: Pamaseroi tu kalemi sae lako masiang, belanna inde sia tu kadanNa PUANG, Kapenombanna to Israel, Nakua: Den tu pepayu dio lu kalemi, e to Israel, iamoto natae’ muattai bendan unnea ualimmu, ke tae’pi mipatoyangi dolo dio mai kalemi tu pepayu.