TOMANGADA’ 7:2 - Sura' Madatu

² Melo tu tama banua nanii passanda bolong na iatu tama banua nanii pa’maruasan; belanna iatu iannato iamo ma’katampakanna katuoanna mintu’ tolino, sia melo ke napalan penaai to tuo tu iannato.

TOMANGADA’ 7:2 ပူးပေါင်းရင်းမြစ်များ

PA’PUDIAN 90:12

Iamoto ada’ikan umbilang mintu’ alloki, angki appa’ penaa kinaa.

TOMANGADA’ 2:14

Iatu to kinaa unnampui mata la mentiro, apa iatu to baga lolang lan kamalillinan; apa kukanassai duka, kumua misa’ri lampak urrampoi tu mintu’ tau iato.

TOMANGADA’ 2:16

Belanna iatu kadikilalaianna to kinaa sia to baga pada tae’ bangmo, belanna lan allo la sae masaimo dikalupai tu mintu’na to; a’adikka’ umbara nakuato, anna pada mate bangsia tu to kinaa sia to baga!

TOMANGADA’ 3:19

Belanna iatu lampakna ma’rupa tau susi bangsia lampakna olo’-olo’, ondongpi misa’ lampakri sola duai: susitu olo’-olo’ mate, susi dukato tu ma’rupa tau mate, sia sangrupari tu napopenaa sola nasang, tae’ tu losongna tolino na olo’-olo’; belanna iatu mintu’nato tae’ gai’na.

TOMANGADA’ 3:20

Iatu mintu’nato misa’ri inan nakarampoi, sia mintu’nato lu dio nasangi mai litak sia la sule pole’ lako litak.

TOMANGADA’ 6:6

Moi anna penduan sisangsa’bu taun tu katuoanna, apa tae’ naperasai tu melona – tae’raka namisa’ri inan nanii male sola nasangi?

TOMANGADA’ 9:2

Pada bangsia mintu’na tu napotaanna mintu’ tolino, pada tu dalle’ urrampoi to malambu’ sia to tang mekaaluk, to melo sia to masero, susi duka tu to maruttak, to memala’ sia to tang memala’; susitu apa urrampoi to melo, ten dukamoto tu to kadake gau’na; susitu apa urrampoi to umpalao sumpa, ten dukamoto tu to mataku’ umpalao sumpa.

TOMANGADA’ 9:3

Inde sia tu apa tarru’ kadake tu mintu’na dadi lan naarrang matanna allo, iamotu pada tu dalle’ urrampoi sola nasang; iamoto iatu penaanna ma’rupa tau ponno kakadakean, sia kapusan lan penaanna lan mintu’ allo katuoanna; sia undinnato mintu’ tau ma’palulako inan tomate.

TOMANGADA’ 9:5

Belanna iatu to tuo naissan kumua la mate, apa iatu tomatemo tae’ apa naissan, sia tae’mo narannuanni tu poleanna, moi iatu kapengkilalanna pa’de dukamo.

YESAYA 47:7

Mukua: La ma’parentana’ tontong sae lakona, apa tae’ ammu palanni penaammu te iannate sia tae’ mukapangi kumua la susi ma’katampakanna to.

YEREMIA 16:8

Sia da mutama banua pa’maruasan la unno’ko’ kumande sia mangiru’ sola tu tau iato mai.

HAGAI 1:5

Totemo, kadanNa PUANGna mintu’ ma’dandan maritik, Nakua: Tangnga’ meloi tu apa urrampoikomi.

MALEAKHI 2:2

Iake tae’i miperangii sia tae’ mipalan penaai, ammi pangke’i tu sangangKu, kadanNa PUANGna mintu’ ma’dandan maritik, la Kuparampo tu tampak ropu lako kalemi, sia la Kupopembali tampak ropu tu pa’passakkemi; ondongpi mangkamo Kupopembali tampak ropu, belanna tae’ mipalan penaai.

KADIBILANGAN 23:10

Mindara ma’din umbilangi tu barra’-barra’na Yakub sia mindara unnia’i kabudanna Israel? Kumatemora susitu kamateanna to bulo lolong sia iatu lampakku la susi duka tau iato!

MATIUS 5:4

Maupa’ tu mintu’ to masussa, belanna tau iato la dipakatana.

PA’TOLE 32:29

Iake kinaai la untandai te iannate, sia la umpalan penaai tu apa la rampo ma’katampakanna.

PA’TOLE 32:46

Palanni penaa te mintu’ kada, tu kupokada umpakilalakomi totemo, kumua na kada iato la mipasanan tu mai anakmi la ungkaritutui te mintu’ kada Sukaran aluk iate.

FILIPI 3:19

Ma’katampakanna tau iato mendadi kasanggangan, sia umpa’deatai tambukna, sia napomasiri’na nasanga napomala’bi’, sia a’gan lino manna nainaa-naa.

IBRANI 9:27

Susitu tolino manassamo den pissan nala mate, namangkato namane dipaolai salunna,