TOMANGADA’ 7:14 - Sura' Madatu

¹⁴ La paiman penaammu lan attu kamauparan, apa kilalai dukai lan allo kamasussan, kumua pada Napadadi Puang Matua tu iannato; belanna moi misa’ apa tae’ nalambi’i natandai tau tu apa la dadi undinna.

TOMANGADA’ 7:14 ပူးပေါင်းရင်းမြစ်များ

1 DATU 8:47

sia iake napalan penaai tau iato mai tu apa iato lan tu tondok dinii male umpali’i, anna mengkatoba’ sia mengkamoya lako Kalemi lan tondokna tu to umpali’i sia ma’kada nakua: kasalammokan, umpogau’mokan kakadakean sia tang mekaalukmokan,

AYUB 2:10

Apa mebali lako bainena nakua: Susiko misa’ to maro-maro ma’kada; ia mannaraka tu melona la tatarima dio mai Puang Matua, anna kadakena tae? Lan te mintu’nate tae’ tu kada sala sun dio pudukna Ayub.

PA’PUDIAN 119:71

Melo duka sia angku mangkamo narua parri’, kumua angku ma’din umpelada’i tu mintu’ apa Mipondok.

PA’PUDIAN 40:3

Mangkamo’ Naendekan diong mai liku nanii kasanggangan, diong mai buka mapullan, Napopellesei tu lentekku dao buntu batu, sia Napabantang tu tengkaku.

TOMANGADA’ 10:14

Sia ia duka tu tobaga umpabuda kadanna – apa iatu tolino tae’ natandai tu apa la dadi, anna iatu apa la dadi undinna, mindara la umpaissanni?

TOMANGADA’ 11:9

Melo ke parannuko, e pia muane lan attu kamangurammu, sia la sende paiman tu penaammu su’ding pia muanepoko; ondongpi turu’i tu mintu’ lalan inaammu sia patiro matammu, apa issanni kumua belanna mintu’ tu iannato la Napatamako Puang Matua pa’paolaian salu.

TOMANGADA’ 12:13

Inde sia tu kada ma’katampakanna tu mintu’ apa narangimo tau, iamotu kataku’i tu Puang Matua sia karitutui tu mintu’ pepasanNa, belanna iamoto tu sipatu lako mintu’ tolino.

TOMANGADA’ 12:8

Tae’ liu gai’na, kadanna Tomangada’, mintu’na tae’ nasang gai’na!

TOMANGADA’ 3:22

Iamoto kutandaimo kumua tae’ ia losong melona, sangadinna iatu tolino umposende mintu’ pengkaranganna, belanna iamoto tu taana belanna mindara la umpatunduk tolino la umpoparannui tu apa la dadi, ke matemi.

TOMANGADA’ 3:4

Den tu attu katumangiran sia den tu attu kametaan, den tu attu dinii umbating sia den tu attu dinii ma’gellu’.

TOMANGADA’ 5:17

Manassa inde sia tu kutiro melo, iamotu sipatu, ke kumandei sia mangiru’i tu tau sia umperasai melona diona mintu’na ra’ta’na tu nanii mara’ta’ lan naarrang matanna allo, lan sangattu’ allo katuoanna, tu Nakamaseanni Puang Matua, belanna iamoto tu taana.

TOMANGADA’ 8:7

Apa moi misa’ tau tae’ natandai tu apa la dadi; belanna mindara la umpokadanni, umba nakua tu lalanna.

TOMANGADA’ 9:7

Iamoto parannuko ungkandei tu kandemu sia pasendei tu penaammu unniru’i tu uai anggoro’mu, belanna iake mupogau’i tu iannato, inang masai allomo pa’poraianNa Puang Matua susito.

YESAYA 26:11

O PUANG, tie’te’ tu limamMi, apa tae’ anna mengkilala; apa la mengkilala sia masiri’ diona kamakaritutuamMi lako bangsa iato. Ondongpi iatu api ungkande to umbaliKomi, la ungkande duka tau iato mai.

YESAYA 42:25

Iamoto anNa barrakanni lako tau iato mai tu kare’dekanNa sia rari maparrang. Iamo umpadukkui tiku lao, apa tae’ nadampangi; ondongpi namampu’i, apa tae’ duka anna sopatianni.

YEREMIA 23:20

Tae’ nala toyang tu kasengkeanNa PUANG, ke tae’pi Naupu’ umpalaoi tu mintu’ lalan penaanNa; diopi allo ma’katampakanna mimane unnissan tongan-tonganni.

BATING 3:38

Tang tassu’ dioraka mai pudukNa Patodoranna tu kadake sia melo?

MIKHA 6:9

Ma’perangikomi! metamba tu PUANG lako kota – maupa’ tu tau ungkataku’ sangamMi –: Perangii tu pebamba sia iatu tau umpamanassai.

MATIUS 9:13

Apa laomokomi ammi tangnga’-tangnga’i patunna te kada iate: Kamamasean Aku tu Kukamorai, tangia pemala’, belanna tae’ Kusae untambai to malambu’, sangadinna to kasalan.

PENGGAURANNA RASULU’ 14:22

na umpabatta’ penaanna to menturu’ sia napakilala kumua anna manda’ lan kapatonganan, nakua: tae’ nasalai tang buda kamaparrisan umpatuki’ tu tama ParentaNa Puang Matua.

PA’TOLE 26:11

sia la mupoparannu tu mintu’ kameloan mangka Nasorong PUANG, Kapenombammu, lako kalemu sia to lan banuammu; la iko la to Lewi sia to sae tu misisolan.

PA’TOLE 28:47

Belanna tae’ muparannu sia sende umpengkaolai PUANG, Kapenombammu, napobua’ mintu’ kaseboanna kameloammu,

PA’TOLE 8:3

Tonganna Napamadiongammoko, Napatangdia’moko sia Napakandemoko manna, tu tae’ mutandai sia tae’ natandai nene’ to dolomu, la Nanii umpaissanniko, kumua iatu tau, tae’ nakande manna tu napotuo, sangadinna iatu tau tuo dio mintu’ apa sun dio pudukNa PUANG.

PA’TOLE 8:5

La mangakuko lan penaammu, kumua Naada’ko PUANG, Kapenombammu, susi misa’ ambe’ unnada’ anakna,

YAKOBUS 5:13

Denrokomika tu masussa? sipatu la massambayang. Denkomiraka parannu? sipatu la umpopenani pa’pudian.