TOMANGADA’ 7:12 - Sura' Madatu

¹² Belanna iatu kakinaan dipopentionganan, susi duka tu doi’, apa tapoupa’ ke taissanni kumua iatu kakinaan napotuo mintu’ to unnampui.

TOMANGADA’ 7:12 ပူးပေါင်းရင်းမြစ်များ

AYUB 1:10

Tang Kamu Kalenaraka tu urrinding pala’i sia banuanna sia mintu’ ianan napoapa tiku lao? Sia Mipamasakke tu bura rangka’na sia kerangngan tongan tu mai barang apanna lan tondok.

PA’PUDIAN 57:1

Lu lakona pangala sengo. Unturu’ baenan sengo: Dandi’ bala’-bala’i. Pa’pudianna Daud; misa’ ianan ballo, tonna mallai dio mai olona Saul, anna male tama lo’ko’.

SARAMBU PEADA’ 11:4

Iatu kasugiran tae’ gai’na, ke attu kasengkeanNa Puang, apa iatu kamaloloan melendokan dio mai kamatean.

SARAMBU PEADA’ 14:20

Iatu tobongko moi padanna rupa tau ungkagi’gi’ dukai, apa iatu tosugi’ buda ia sangmanena.

SARAMBU PEADA’ 2:11

Pa’timbang melo la ungkaduttu’ko, tangnga’ melo la urrinding pala’ko,

SARAMBU PEADA’ 2:7

Ia umparandananni pa’tunduan tu to bulo lollong, sia Ia napobalulang minda-minda tu to lolang tae’ sayuanna.

SARAMBU PEADA’ 3:18

Iamo napooto’ katuoan minda-minda tu untoei, sia minda-minda tu ulla’ka’i la dipudi kumua to maupa’.

SARAMBU PEADA’ 8:35

Belanna minda-minda tu unnappa’na’, ungkabu’tui katuoan sia unnappa’ kamasokanan dio mai PUANG.

SARAMBU PEADA’ 9:11

Belanna tete dio kaleku anna dipakerangngan tu allomu, sia anna dipamalambe’ tu sunga’mu.

TOMANGADA’ 10:19

Napogau’mo tau tu pa’maruasan, anna poparannui penaanna, sia iatu uai anggoro’ umpamarua’ katuoanna tau, sia iatu doi’ umpadenni tu mintu’nato.

TOMANGADA’ 2:13

Manassa kukanassaimo, kumua iatu kakinaan losong melona na iatu kabagan, susi kamasiangan losong melona na iatu kamalillinan.

TOMANGADA’ 7:19

Iatu kakinaan umpabu’tuan kuasa to kinaa losong na iatu kuasa naampui sangpulo to paa lan misa’ kota.

TOMANGADA’ 9:16

Ma’kadamo’ kukua: La’biran ia tu kakinaan na ia tu kamabukuan, apa iatu kakinaanna to bongko nasayu liu tau sia tae’ duka naperangii tu kadanna.

TOMANGADA’ 9:18

Iatu kakinaan mandu melo na iatu pa’buno rari, apa misa’ to kadake gau’na ussanggangi buda apa melo.

YESAYA 30:2

Tu male rokko Mesir, apa tang umpekutanan kadangKu, la morai umpentilindungi Firaun sia la umpentionganni Mesir.

YESAYA 32:2

Tau iato la susi pentirerungan dio mai angin bara’ sia pentilindungan dio mai uai luang sia butung to salu’-salu’ dio padang ba’ta’ sia susi bayo-bayo buntu batu kapua dio padang karangkean.

YESAYA 33:6

Tang leluk tu attummu, iamotu misa’ kaseboan kapua dio mai ma’rupa-rupa kasalamaran sia kakinaan sia kapaissanan; kapengkaolan lako PUANG iamo iananna tau iato mai.

YOHANES 12:50

Sia Kuissan kumua iatu pepasanNa iamo katuoan tontong sae lakona. Iamoto iatu Kupokadanna, susi bangsiamo tu Napokadanna Ambe’ lako kaleku, ten dukamoto tu Kupokada.

YOHANES 17:3

Inde sia tu katuoan tontong sae lakona, ke natandaiKomi, o Puang tu misari sia tongan, sia iatu Yesu Kristus tu mangka Misua.

PA’TOLE 32:47

Belanna kada iate tangia kada punala bang, sangadinna la mipotuo, iamotu tete dio kada iate la malambe’ sunga’komi torro lan tondok, tu la miala mipoapa, ke ullambanmokomi Yordan.

FILIPI 3:8

Tonganna mintu’na kusanga karugian nasang, belanna kapaissanan diona Kristus Yesu, Puangku undaoanni tu mintu’na iannato. Bannang dioRi angku perasai karugian dio mintu’na, sia kubilang romon nasang, dikua anNa Kristus kuporongko’,

TO PARENGNGE’ 9:15

Mebalimi tu oto’ duri, nakua: Iake tonganni aku la mitokko datummi, malemokomi mai sola nasang mentirerung diong onganku; apa iake tae’i nasusito, nake sunni tu api lan mai to’ duri ungkande nasangi tu mintu’ garonto’ arasi’ dao Libanon.