TOMANGADA’ 6:9 - Sura' Madatu

⁹ Melo iatu patiro mata na iatu kamailuan, tu tontong male ma’duttu’. Ia duka tu apa iato tae’ gai’na sia susito unnula’ angin.

TOMANGADA’ 6:9 ပူးပေါင်းရင်းမြစ်များ

AYUB 31:7

Ianna sumepang tu tengkaku dio mai lalan tongan, sia iatu penaangku unturu’ kamailuanna matangku, sia iake denni kadisayuan le’ke’ dio limangku,

TOMANGADA’ 1:14

Kupemarangamo tu mintu’ pengkarangan tu dikarang lan naarrang matanna allo, manassa mintu’nato tae’ gai’na sia susito unnula’ angin.

TOMANGADA’ 1:17

susimoto kunii umpatu’tunni lan penaangku la untandai tu kakinaan sia kapaissanan sia kabagan sia katangpaissanan. Apa kutandaimo, kumua ia duka tu iannato susiki’ to unnula’ angin.

TOMANGADA’ 1:2

Tae’ liu gai’na, kadanna Tomangada’, tae’ liu gai’na! Mintu’na tae’ nasang gai’na!

TOMANGADA’ 11:9

Melo ke parannuko, e pia muane lan attu kamangurammu, sia la sende paiman tu penaammu su’ding pia muanepoko; ondongpi turu’i tu mintu’ lalan inaammu sia patiro matammu, apa issanni kumua belanna mintu’ tu iannato la Napatamako Puang Matua pa’paolaian salu.

TOMANGADA’ 2:11

Iatongku messaile lako mintu’ panggaraga limangku, sia lako sara’ tu kunii mara’ta’ la ungkarangi tu iannato – manassa iatu mintu’nato tae’ gai’na sia susito unnula’ angin sia tae’ kamauparan lan naarrang matanna allo.

TOMANGADA’ 4:4

Kutiro duka, kumua iatu mintu’ sara’ sia mintu’ kamalintaran mengkarang, umpabu’tu kamangimburuanna misa’ tau lako solana; ia duka tu apa iato tae’ gai’na sia susito unnula’ angin.

TOMANGADA’ 5:18

Susi dukato minda-minda tu Nakamasei Puang Matua kasugiran sia ianan buda sia Naelorampa la ungkandei to sia la unnalai tu taana, sia la umposende ra’ta’na – iatu iannato misa’ pa’kamaseNa Puang Matua.

TOMANGADA’ 6:2

iamotu tau Naben Puang Matua kasugiran, ianan buda sia kapaan, naurungan moi misa’ tae’ kurang tu mintu’ apa nakamorai, apa tae’ Naeloranni Puang Matua la umperasai melona, sangadinna to senga’ pura ungkandei. Iatu apa iato tae’ gai’na sia umpa’dikki tongan penaa.

YEREMIA 2:20

Belanna tempon diopa mai ammu tessei tu ayokamu sia muka’tuan tu peporimmu ammu ma’kada kumua: Manokamo’ la dipokaunan. Apa dio lu mintu’ tanete malangka’ sia diong lu garonto’ kayu maluna munii mamma’ ma’gau’ sala.