TOMANGADA’ 6:3 - Sura' Madatu

³ Iake pessaratu’i tu tau kianak sia tuo ba’tu pirang-pirang taun, na iatu kamala’biranna pada tande umuru’na, apa tae’ nadipedia’i tu penaanna diona tu melona sia tae’ nadikamayai ke dilamunni – manassa nakua kadangku: La’biran iatu pia dadi mangura na iatu tau iato.

TOMANGADA’ 6:3 ပူးပေါင်းရင်းမြစ်များ

KADADIAN 33:5

Iatonna bangunanni Esau tu matanna, natiromi tu mintu’ baine sola anakna, ma’kadami nakua: Mindara te mai musolan. Mebalimi Yakub nakua: Iamote tu mintu’ pia tu Napa’kamaseammo Puang Matua lako kaleku.

KADADIAN 47:9

Mebalimi tu Yakub lako Firaun: Iatu taun kamempueangku saratu’ tallungpulomo taunna. Sidi’mora naponno nasang kamasussan tu katuoangku, tae’ napada katuoanna to doloku tonna mempue.

2 DATU 10:1

Iatu Ahab pitungpulo tu anakna muane dio Samaria. Nasura’mi Yehu tu misa’ sura’ napakatui lako Samaria, lako tu mai pangulu Yizreel, sia mintu’ pekaamberan sia mintu’ to naangka’ Ahab ma’pangada’, nakua:

2 DATU 9:35

Malemi tu tau ullamunni, apa tae’ bangmora tu kalena naala, sangadinna kararo ulunna mannamo sia lentekna patomali sola limanna patomali.

1 OSSORANNA DATU 28:5

Dio mai mintu’ anakku muane – belanna Nakamaseina’ PUANG buda pia muane – Natonno’ tu anakku muane Salomo la unnisung dao isungan kadatuanNa PUANG umparenta to Israel.

2 OSSORANNA DATU 11:21

Napalosongammi penaa Rehabeam tu Maakha, anakna Absalom, mandu na iatu mintu’ bainena sia gundi’na, belanna iatu bainena sangpulo karua na iatu gundi’na annan pulona; na iatu anakna muane duangpulo ngkarua na iatu anakna baine annan pulona.

ESTER 5:11

Nauleleanmi Haman lako tau iato mai tu kakapuanna kasugiranna sia kabudanna anakna muane sia kanapakala’biranna datu sia kanapamatandeanna na iatu mintu’ arung sia taunna datu.

ESTER 7:10

Nasulami tau tu Haman dao lentong tu napabendanan Mordekhai. Namane pa’de tu kare’dekan ara’na datu.

AYUB 3:11

Ma’apai natae’ kumate tongku dadi, anna tae’ naka’tu tu sunga’ku tonna tibussananna’ indo’ku?

AYUB 3:16

Ba’tu ma’apai anna tae’ angku dadi mangura, tu ditanan, susitu pia’-pia’ tu tang untiropa masiang?

PA’PUDIAN 58:8

Melo ke be’ko’i tu tau iato mai susi uai mere, iake umpessumpiranni tinaranna, melo ke bussui.

SARAMBU PEADA’ 17:6

Iatu lanto mimi’ napomakota nene’, sia iatu to padadian napomala’bi’ anak.

TOMANGADA’ 4:3

Sia kumua losong pole’pa ia upa’na na mintu’ tau iato tu to tae’pa nadadi sia tae’pa natiroi tu penggauran kadake tu dipogau’ lan naarrang matanna allo.

TOMANGADA’ 6:4

Belanna tama lino situang a’ganna tae’ gai’na, anna male lan kamalillinan, anna samboi kamalillinan tu sanganna.

YEREMIA 22:19

Sangadinna la nalamun tau susito ullamun keledai mate, iamotu diriu’ sia ditibe dio lu salian babangan Yerusalem.

YEREMIA 36:30

Iamoto nakua kadanNa PUANG tu diona Yoyakim, datu Yehuda: Moi misa’ tau dio mai kalena tae’mo tu la unnisung dao kapayunganna Daud sia iatu batang rabukna la dipembuangan anna alloi ke masiangi sia anna tarru’i dingin ke mabonginnai.

YEREMIA 8:2

Anna tale’i dio patu allo sia bulan sia mintu’ ma’dandan maritik dao langi’, tu nakamali’ sia napengkaolai sia naturu’ sia nadaka’, nanii menomba; mintu’ buku iato tang la dirampun ba’tu dilamun, sangadinna la mempangangku’ dio lu padang.

MATIUS 26:24

Inang la maleNa tu Anak rampan dilino, belanna mangkamo disura’ tu iannato; apa upu’ allona tu tau iato, tu umpa’peturoan Anak rampan dilino! La’bi’pissan ia kenna tae’ nadidadian tu tau iato.