TOMANGADA’ 5:6 - Sura' Madatu

⁶ Belanna susitu kabudanna tindo, susi duka tu to kabudanna kada tang kebattuan; apa la mukataku’ tu Puang Matua.

TOMANGADA’ 5:6 ပူးပေါင်းရင်းမြစ်များ

KADADIAN 48:16

iato Malaeka’ urrampananna’ dio mai sanda kadake Ia dukamora umpamasakkei sola duai tu pia, anna disa’bu’ tu sangangku dio te tau iate sia sanganna to doloku Abraham sola Ishak, sia anna memba’ka’ kalle-kallean te tau sola duai lan kuli’na padang!

SARAMBU PEADA’ 23:17

Da nakimburui penaammu tu to umpogau’ kasalan, sangadinna birisanko la tontong ungkataku’, PUANG,

TOMANGADA’ 10:12

Iatu kada tassu’ dio mai pudukna to kinaa iamo umpabu’tuanni kamasokanan, apa iatu lilana tobaga unnampello’ kalena tu tobaga iato.

TOMANGADA’ 3:14

Kutandaimo, kumua iatu mintu’ pengkaranganNa Puang Matua, matontongan; tae’ tau ma’din urrangnganni ba’tu unnalai; sia Napogau’ Puang Matua tu iannato, kumua anna mataku’ tu tau dio oloNa.

SURA’ KATOMINAAN 4:2

Pokadanni to Israel te kada iate: Iake denni tau kasalan natae’ naangga’i diona misa’ apa tu Nagagai PUANG umpogau’i, anna pogau’i tu misa’ apa iato:

SURA’ KATOMINAAN 4:22

Iake kasalanni tu misa’ arung, natae’ naangga’i patengkan lako misa’ pepasanNa PUANG, Kapenombanna, tu tae’ nama’din dipogau’ napobannangi kasalan,

MALEAKHI 2:7

Belanna iatu pudukna to minaa unnanna kapaissanan sia lan mai sadangna nanii tau undaka’ pangadaran diona Sukaran aluk, belanna iamo misa’ pesuanNa PUANGna mintu’ ma’dandan maritik.

MALEAKHI 3:1

Tonganna, Kusua pesuangKu, tu la umparandan lalan dio oloKu; simpolo saemi tu Puang, tu midaka’, lako Banua kabusunganNa, iamotu Malaeka’ kasibassean tu mikamali’. Tonganna la sae, kadanNa PUANGna mintu’ ma’dandan maritik.

KADIBILANGAN 15:25

Attu iato to minaa la umpadenan kadiseroian kasalan mintu’ kasirampunan to Israel, anna dipagarri’ tu kasalanna, belanna tae’ naangga’i sia belanna napennoloan tu pamengan pemala’na lako PUANG dipopemala’ pantunu sola suru’ pengkalossoranna dio oloNa PUANG bannang dio kasalanna tu tae’ naangga’i.

1 KORINTUS 11:10

Iamoto anna sipatu tu baine umpake tanda katundukanna dao ulunna, tu belanna mintu’ malaeka’.

1 TIMOTIUS 5:21

Kupa’pepasanan tongan lako kalemu dio oloNa Puang Matua sia Kristus Yesu sola mintu’ malaeka’ ditonno’, la mukaritutui tongan tu mintu’nate situru’ tang la pakayun bimbang, sia da mipogau’ apa-apa umpalosongan misa’ tau anna iatu mai senga’na.

IBRANI 1:14

Tangiaraka kumua mintu’na tu malaeka’ iamo penaa mengkaola lako Puang Matua, tu disua ungkamayai tolino, la umpomana’ kasalamaran?

YAKOBUS 1:26

Iake denni misa’ tau ussanga kalena mengkaola lako Puang Matua, apa tae’ nabelai untorei tu puduk makattikna, sangadinna umpakena penaanna, manassa kapengkaolanna tau iato lao sala.

YAKOBUS 3:2

belanna kita sola nasang buda apa tanii sala. Iake denni misa’ tau tae’ nasala lan buangan kadanna, iamoto sundun, sia ma’din duka umparenta mintu’ kalena.

2 YOHANES 1:8

Kanandai tu kalemi, anna da mikapa’dean tu apa mangkamo takarang, sangadinna kumua nasundun miappa’ tu saro ra’ta’mi.