TOMANGADA’ 5:11 - Sura' Madatu

¹¹ Iatu kamatindoanna to mengkarang manaman, la sidi’ la buda tu kandena; apa iatu kadiaranna to sugi’ napobannang tang mamma’.

TOMANGADA’ 5:11 ပူးပေါင်းရင်းမြစ်များ

KADADIAN 12:16

Dibenmi apa tu Abram belanna diona baine iato; naampuimi Abram tu domba sia sapi sia keledai sia kaunan muane sia kaunan baine sia keledai birang sia unta.

KADADIAN 13:2

Iatu Abram lendu’ ia sugi’na, sugi’ patuoan sia salaka sia bulaan.

SARAMBU PEADA’ 23:5

Iake mupenunui, simpolo pa’de, belanna ta’pa unggaragan kalena pani’, susito langkan maega mettia’ langngan langi’.

TOMANGADA’ 11:9

Melo ke parannuko, e pia muane lan attu kamangurammu, sia la sende paiman tu penaammu su’ding pia muanepoko; ondongpi turu’i tu mintu’ lalan inaammu sia patiro matammu, apa issanni kumua belanna mintu’ tu iannato la Napatamako Puang Matua pa’paolaian salu.

TOMANGADA’ 2:9

Susimoto tu kataromposangku sia kasugirangku losong na iatu to dolo dio Yerusalem na aku; lan mintu’nato tontong bang tu kakinaangku urrondongna’.

TOMANGADA’ 5:12

Kutiro den misa’ kamandasan tu umpa’dikki tau lan naarrang matanna allo, iamotu kasugiran nananna puangna, nama’katampakanna naposanggang.

TOMANGADA’ 6:9

Melo iatu patiro mata na iatu kamailuan, tu tontong male ma’duttu’. Ia duka tu apa iato tae’ gai’na sia susito unnula’ angin.

YEREMIA 17:11

Susi manuk lampung unnarranni tangia tallo’na, susi dukamoto tu to urrampun tang malolo ianan; lan kamatangnga – taunna manassa la natampe sia iatu kama’tampakanna la susito baga.

HABAKUK 2:13

Tonganna, tae’raka nalu dio mai PUANGna mintu’ ma’dandan maritik, kumua mintu’ bangsa tang mekata’ka’ umpandakaran api sia mintu’ to sangpetayanan tang mekabo’yo’ umpandakaranni tu apa tae’ gai’na.

1 YOHANES 2:16

Belanna mintu’na tu lan lino, iamotu kamailuan pa’kalean, kamailuan mata, sia kasolleran, tae’ nalu dio mai Ambe’, sangadinna lu dio mai lino.