TOMANGADA’ 5:1 - Sura' Madatu

¹ Da mumadomi’ ma’kada sia da nasasai penaammu umpatassu’ kada dio oloNa Puang Matua; belanna lan Ia suruga tu Puang Matua, ammu dao iko kuli’na padang, iamoto la sidi’ri tu kadammu.

TOMANGADA’ 5:1 ပူးပေါင်းရင်းမြစ်များ

2 OSSORANNA DATU 26:16

Apa iatonna makuasamo matampomi tu datu, naurunganni ma’gau’ kadake tongan sia tae’mo namaruru’ lako PUANG, Kapenombanna, iamotu tama banua kabusunganNa PUANG la untunu dupa dao inan pemalaran pantunuan dupa.

AYUB 11:2

Ma’dinraka tu kada la’bi tang dipebalii, sia to umbeloi kadanna la ditonganan?

AYUB 22:12

Tang unnisungiraka matandena langi’ tu Puang Matua? Tiroi, sangapa malangka’na langngan tu bintoen!

PA’PUDIAN 89:7

Belanna mindara lan ba’tangna langi’ tu ma’din la dipasitenderan PUANG? Sia mindara tu mai disanga pekapuangan tu la sitinti batunna PUANG?

KATASSURAN 3:5

Ma’kadami Puang lako Nakua: Da mureke’i mai, alai tu sepatummu, belanna iatu munii bendan, padang maindan.

KATASSURAN 30:18

Sia la unggaragako misa’ pembasean tambaga, la dinii membase, sia patorroi lan kasiallaranna tenda kasitammuan anna inan pemalaran, anna dipatamai uai.

SARAMBU PEADA’ 10:19

Lan kabudanna kada dipokada tae’ natang den tu sala, apa minda-minda unta’tan lilana, iamo misa’ to unnampui tangnga’ melo.

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

SARAMBU PEADA’ 21:27

Iatu pemala’na to tang mekaaluk iamo misa’ kamagallian, ondong pole’ ke napemalaranni situang tangnga’ kadake.

YESAYA 66:3

Minda-minda urrere’ misa’ sapi, samanna umpatei tau; minda-minda umpemalaran anak domba, samanna to ulle’to pasallo asu; minda-minda umpennoloan kande dipemalaran, samanna to umpemalaran rara bai; minda-minda untunu dupa napopemala’ kapengkilalan, samanna umpudi dipa’deatainna. Susitu tau iato mai unturu’ lalan pa’poraianna, sia umposende penggauran megi’giranna,

SURA’ KATOMINAAN 10:3

Ma’kadami tu Musa lako Harun nakua: Inde sia tu Napokada PUANG Nakua: Lako tu tau rengke’ tongan dio Kaleku, la Kupamanassan kumua MaindanNa’ sia dio pentirona mintu’ bangsa la Kupapayan tu kamala’birangKu. Kappami tu Harun.

PENGGAURANNA RASULU’ 10:33

Iamoto kusua tu tau untambaikomi; kurre sumanga’na misaemo. Iamoto angki dio nasang ren indete totemo dio oloNa Puang Matua la umperangii tu mintu’ apa Napepasanan Puang lako kalemi.

PENGGAURANNA RASULU’ 17:11

Iatu to inde to dio masokan ia na to Tesalonika, belanna iatu tau iato matinuru’ untarimai tu kada sia kiallo-kiallo untuntun tu lanna Sura’ Madatu, kumua ba’tu susi tonganni to.

1 KORINTUS 11:22

Tae’raka banuammi minii kumande sia mangiru’? Ba’tu mitapa’rika tu kombongan to SaraninNa Puang Matua sia mipakasiri’ tu to tae’? Apara la kukua lako kalemi? La kupudirokomika? Tae’ kupudikomi diona te iannate.

IBRANI 10:26

Belanna iake taangga’i umpogau’ kasalan, ke mangkamoki’ unnappa’ kapaissanan diona kamanapparan, tae’mo suru’ pengkalossoran,

YAKOBUS 1:19

Kanassai te iannate, e sangsiuluran pa’kaboro’ku. Melo ke mintu’ tau matira’ ma’perangi, napela’i ma’kada-kada sia sengke.

YOSUA 5:15

Ma’kadami tu Arungna mintu’ ma’dandan maritikNa PUANG lako Yosua, Nakua: Alai tu sepatummu, belanna iatu inan munii bendan, maindan. Napogau’mi Yosua te.