TOMANGADA’ 4:4 - Sura' Madatu

⁴ Kutiro duka, kumua iatu mintu’ sara’ sia mintu’ kamalintaran mengkarang, umpabu’tu kamangimburuanna misa’ tau lako solana; ia duka tu apa iato tae’ gai’na sia susito unnula’ angin.

TOMANGADA’ 4:4 ပူးပေါင်းရင်းမြစ်များ

KADADIAN 26:14

Den bembe’ sola domba tu daka’na, sapi sia kaunan buda, naurunganni nakemburu to Filistin.

KADADIAN 31:1

Narangimi Yakub tu kadanna anakna Laban tu mai muane, nakua: Naala nasangmo Yakub tu mintu’ apanna ambe’ta, na iatu barang apanna ambe’ta iamo naposugi’.

SARAMBU PEADA’ 27:4

Masarrang tu kare’dekan ara’na tau sia nakabu’ kasengkeanna, apa iatu kamangimburuanna minda la unnattai?

TOMANGADA’ 1:14

Kupemarangamo tu mintu’ pengkarangan tu dikarang lan naarrang matanna allo, manassa mintu’nato tae’ gai’na sia susito unnula’ angin.

TOMANGADA’ 1:17

susimoto kunii umpatu’tunni lan penaangku la untandai tu kakinaan sia kapaissanan sia kabagan sia katangpaissanan. Apa kutandaimo, kumua ia duka tu iannato susiki’ to unnula’ angin.

TOMANGADA’ 2:21

Belanna moi nakara’ta’i tau tu misa’ pengkarangan situang kakinaan sia kapaissanan sia kamanarangan, inang la natampe napotaai to tang ungkara’ta’i. Ia duka tu apa iato tae’ gai’na sia kadake tongan.

TOMANGADA’ 2:26

Belanna iatu to melo dio pentiroNa Puang Naben kakinaan, kapaissanan sia kaparannuan, apa iatu to tae’ naalai penaanNa, Napatakoi pengkarangan la mangrampun sia ma’pakombong, kumua anna sorongi lako minda-minda tu naala penaanNa Puang Matua. Ia duka tu apa iato tae’ gai’na sia susito unnula’ angin.

TOMANGADA’ 4:16

Tae’ bang upu’na tu to buda, iamotu mintu’ to undi unturu’i. Apa iatu to dadi undi tae’mo naposendei. Tonganna ia duka tu apa iato tae’ gai’na sia susito unnula’ angin.

TOMANGADA’ 6:11

Moi anna buda tu kada dipokada narangnganni bang tu apa tae’ gai’na. Apara napomaupa’ tolino tu iannato?

TOMANGADA’ 6:9

Melo iatu patiro mata na iatu kamailuan, tu tontong male ma’duttu’. Ia duka tu apa iato tae’ gai’na sia susito unnula’ angin.

MATIUS 27:18

Belanna naissanmo, kumua kamabirisanna tu tau anna sorongI.

PENGGAURANNA RASULU’ 7:9

Apa mangimburu tu nene’ to dolota lako Yusuf anna balukanni lako Mesir, anNa rondongi Puang Matua,

YAKOBUS 4:5

Ba’tu misangaraka tae’ patunna tu dipokada lan Sura’ kamua: iatu penaa Napalan kaleta Nakamali’ Puang Matua, Naurunganni mangimburu?

1 YOHANES 3:12

Tae’ nasusi Kain, tu lu dio mai deata bulituk, umpongko siulu’na. Apa bannangna anna pongkoi? Belanna mintu’ penggauranna kadake, apa penggauranna siulu’na malambu’ ia.