TOMANGADA’ 4:1 - Sura' Madatu

¹ Kutiro pole’omi tu mintu’ pa’pakario-rio tu dipogau’ lan naarrang matanna allo, tiromi tu uai matanna mintu’ to dipakario-rio, namoi misa’ tae’ tau umpakatanai tu tau iato mai; rampe dio tu to ma’pakario-rio den kakuasan – namoi misa’ tae’ tau umpakatanai tu tau iato mai.

TOMANGADA’ 4:1 ပူးပေါင်းရင်းမြစ်များ

AYUB 16:4

Ma’din dukana’ ma’kada susi kamu, ke susinna kamu narampoi kamandasan susi aku; la kutolorangkomi kada mammi’ sia kuiling-ilingangkomi ulu.

AYUB 35:9

Moi anna sumarro tu tolino diona kabudanna pa’pakario-rio sia metamba umpalaku pa’tunduan napobua’ kamasa’garanna to paa,

AYUB 6:29

Tangnga’ meloi, da naden katangmaloloan; ondongpi la mintangnga’ tongan, iatu katonganangku tang tilento.

AYUB 9:24

Iatu lino disorong tama kuasanna to tang mekaaluk sia Natampun Puang tu lindona to ma’paolai salunna; iake tangia Puang umpogau’i, minda pole’opa?

PA’PUDIAN 12:5

Iamotu mintu’ to ma’kada nakua: Lilaki la kipopatalo! Sia pudukki umpangeaikan; mindapara tu la umparentakan?

PA’PUDIAN 142:4

Iake bonnongi tu penaangku lan, Mitandai tu lalanku. Tau iato mai untananni bunina’ poya, dio to’ lalan la kuolai.

PA’PUDIAN 142:5

Iake mentirona’ lako kananku sia umpata’pa matangku – moi misa’ tau tae’ ussailena’; iake tae’mo pentionganangku – moi misa’ tau tae’ ungkambaroanna’.

PA’PUDIAN 42:3

Ma’rang tu deatangku lako Puang Matua, ondongpi lako Puang Matua matontongan; ba’tu piran kula sae la mennolo dio oloNa Puang Matua?

PA’PUDIAN 42:9

Iake allona Napasonglo’ PUANG tu kamasokananNa, sia iake bonginna umpopenanina’ nanian dipudianNi, ondongpi misa’ passambayang langngan Puang Matua, oto’na katuoangku.

PA’PUDIAN 69:20

Miissan tu kadibe’seangku sia siri’ku sia attangangku, sia mintu’ to umpandasana’ bendan dio oloMi.

PA’PUDIAN 69:21

Iatu kadibe’sean urranna’mo penaangku, napourunganni langga’ tu kaleku, untayanna’ masena tau, apa tae’ra, sia untayanna’ to ma’pakatana, apa tae’ra.

PA’PUDIAN 80:5

O PUANG, Kapenombanna mintu’ ma’dandan maritik, sangapapira tu kasengkeamMi ungkanoka passambayangna taumMi?

KATASSURAN 1:16

Iammi pakianak baine to Ibrani, tiro meloi ke kianakmi: iake pia muane tu anakna la mipatei, apa iake pia baine, da’ito natuo.

KATASSURAN 1:22

Mesuami tu Firaun lako mintu’ taunna, nakua: Mintu’ tu pia muane la dadi, tae’ mitang la umpembuanganni rokko salu Nil, apa iatu mintu’ pia baine patuoi.

SARAMBU PEADA’ 19:7

Iatu to kalala’ nakabiri’ mintu’ siulu’na, ondong pissanpi iatu mintu’ sangmanena untoyangan kalena dio mai. Iake napaula’i kadanna, – ta’deomi tu tau iato.

SARAMBU PEADA’ 28:3

Iatu to kalala’, tu umpakario-rio to bongko, susi bang uran kamban sae ussoloi kande.

SARAMBU PEADA’ 29:2

Iake sakerang-rangngannai kamatotoranna tu to malambu’ parannu tu to buda, apa iake ma’parentai tu to tang mekaaluk, sumarro tu to buda.

TOMANGADA’ 3:16

Den siapa kutiro tu inan pa’paolaian salu lan naarrang matanna allo: inde to nanii kakelokan; sia iatu inan nanii kamaloloan; inde to nanii katangmalamburan.

TOMANGADA’ 5:8

Maupa’ sia tu tondok lan mintu’nato, ke denni misa’ datu, tu ungkanandai lakoan padang.

TOMANGADA’ 7:7

Tonganna iatu pa’pakario-rio umpopendadi baga to kinaa sia iatu pappe’ ungkadakei penaa.

TOMANGADA’ 8:9

Mintu’nate kutiromo tongku nannungi tu mintu’ penggauran dipogau’ lan naarrang matanna allo, ke attunna misa’ tolino ungkuasai senga’na anna pomandasai tu to dikuasai.

YESAYA 5:7

Iatu pa’lak anggoro’Na PUANGna mintu’ ma’dandan maritik iamotu bati’na Israel na iatu mintu’ to Yehuda iamo misa’ tananan Naposende; untayan parenta malambu’, apa to’doan raraora; umpeagi kamalamburan, apa kamarukkanora narampoi.

YESAYA 51:23

Sangadinna la Kupaka’panan to mangka umpakario-rioko sia ungkuangko kumua: Lumbangko angki ponanakanni tu boko’mu; ammu lumbang anna polalanni, sia napobatattai tau tu boko’mu.

YESAYA 59:7

Iatu lentekna matira’ la umpogau’ kakadakean sia madomi’ umpatibollo rarana to tang sala; mintu’ karangan inaanna, tangnga’ kabulitukan manna sia dio lalanna kasanggangan manna sia kamatilakan.

YEREMIA 16:7

Sia tae’ tau sae unti’pek-ti’pek roti tanda maindunna la umpakatana to kamatean, sia la umbenni pangiru’ pa’pakatana, moi anna ambe’na ba’tu indo’na.

BATING 1:16

Iamoto angku tumangi’ bang, iatu matangku, iatu matangku sitanutuan tu uainna, belanna sikambelana’ to ma’pakatana, tu umpapaya deatangku; iatu mai anakku muane pussakmo, belanna mawatang tu uali!

BATING 1:17

Umballa’mo limanna tu Sion, apa moi misa’ tau tae’ umpakatanai; Natambaimi PUANG la unnea Yakub tu mai sanglembangna Yakub butung to pabali-bali. Iatu Yerusalem dadimo butung misa’ to maruttak lan lu tangngana tau iato mai.

BATING 1:2

Unnade-ade tumangi’ situ’turan bongi, sia umpendau’ uai matanna, moi misa’ tau tae’ bang umpakatanai, dio lu tu mintu’ muane ungkamali’i; iatu mintu’ sangmanena tang maruru’mo lako kalena, anna mendadi ualinna.

BATING 1:9

Iatu kamaruttakanna le’ke’ lako biring dodona; tae’ natangnga’-tangnga’i tu katampakanna, anna tobang rokko posi’ tana lambe’, na moi misa’ tau tae’mo umpakatanai. Tiroi, o PUANG, tu kamaparrisangku, belanna matampo tu ualingku!

AMOS 3:10

Ondongpi tae’ naissanni umpogau’ malambu’na, kadanNa PUANG, iamo tu to umpasipapa’ pa’pandasa sia pa’pakario-rio lan mintu’ bentengna.

AMOS 3:9

Pa’perangianni tu apa iate dao lu mintu’ benteng lan Asdod sia dao lu mintu’ benteng lan tondok Mesir, ammi ma’kada kumua: Sirampunkomi dao mintu’ buntunna Samaria, ammi tiroi tu kamarukkan kapua lan tu tangnga-tangngana sia pa’pakario-rio lan kotana.

MALEAKHI 2:13

Iatu ma’penduanna mipogau’, susite, iamotu mipasitutu’i uai matammi tu inan pemalaranNa PUANG, ke tumangi’komi sia sumarro, belanna tae’mo Nasailei tu pemala’ sia tae’mo Natarimai diong mai limammi butung to apa nakalo’ penaanNa.

MALEAKHI 3:18

Attu iato la balik tu penaammi, ammi tiroi tu kasisengaranna to malambu’ sia to kelok, sia kasisengaranna minda tu mengkaola lako Puang Matua na minda tu tae’ namengkaola lako Kalena.

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

MATIUS 26:56

Apa mintu’na te dadi, kumua anna sundun tu lanna sura’na mintu’ nabi. Sangmallaiammi tu anak gurunNa ussitampei.

PA’TOLE 28:33

Iatu bura padangmu sia bura rangka’mu la nakande misa’ bangsa tang mutandai; tontong bangko dipakario-rio sia dilullu’.

PA’TOLE 28:48

iamoto la napotauko mintu’ ualimmu, tu Napake’de’ PUANG ullaoiko, ammu tangdia’ sia ma’rang sia ma’kambelang sia kapu’duran mintu’ apa; Puang la umpapassanni ayoka bassi dao sokkongmu, anNa pisanniko.

YAKOBUS 5:4

Tiromi, iatu sarona to umpeparei bela’mi, tu milando pa’dui mipatadang, metamba sia iatu sarona to mepare tamamo talinganNa Puang Zebaot.

TO PARENGNGE’ 4:3

Meongli’mi tu to Israel lako PUANG, belanna iatu Sisera iato unnampui kasera ratu’na kareta parari bassi sia napakario-rio tongan tu to Israel situang kamasa’garanna lan duangpulo taunna.