TOMANGADA’ 3:20 - Sura' Madatu

²⁰ Iatu mintu’nato misa’ri inan nakarampoi, sia mintu’nato lu dio nasangi mai litak sia la sule pole’ lako litak.

TOMANGADA’ 3:20 ပူးပေါင်းရင်းမြစ်များ

KADADIAN 25:17

Inde sia tu lambe’na sunga’na Ismael: saratu’ tallungpulo mpitu taunna; ka’tumi angin dipudukna sia ronta’mi tondon to batangna, nadipatama batu dilobang dipasola rapunna.

KADADIAN 25:8

Ka’tumi angin dipudukna Abraham sia ronta’mi tondon to batangna tonna matua indukmo banu’ karurungan, nadipatama batu dilobang dipasola rapunna.

KADADIAN 3:19

La to’dopi tu ma’pu’mu, mumane ungkande kandemu, sae lako sulemu pole lako litak, belanna dio mai dinii unnalako. Apa litakko, dadi la sule lako dukako litak!

AYUB 14:10

Apa iake misa’ muane mate, manassa sumpandan sia tang pandiu-diumo; sia iake ka’tumi sunga’na tu tolino, umbara nanii torro?

AYUB 14:14

Iake matei tu misa’ tau la tuoraka sule? Iake susito, la ma’rannuanna’ lan mintu’ allo kamara’tasangku, sae lako saena tu passondaku.

AYUB 17:13

Iake kukampai tu lino tomate susito banuangku, sia kuballa’ tu inan mamma’ku lan kapittukan,

AYUB 30:24

Tonganna, tae’raka nala umpendondongan limanna tu tau lako to tobang, ke tae’i tu pa’tunduanna lan kamandasanna?

AYUB 34:15

manassa attu iato mintu’ apa kepenaa pada-pada la ka’tu sunga’na, sia la sule tu tolino lako barra’-barra’.

AYUB 7:9

Susito gaun pa’demo sia sumayo-mayo male kabu’, susi duka tu minda-minda mengkalao rokko lino tomate, tae’mo nakendek sule.

PA’PUDIAN 103:14

Belanna Naissan tu garaganta, sia Nakilalai kumua kita te losso’ bangri.

PA’PUDIAN 104:29

IamMi buni lindoMi, tirambanmi, sia iamMi alami tu penaanna, matemi, anna sule lako litak.

PA’PUDIAN 49:14

Iamoto tu dalle’na to umposande’ bang kalena, iamo katampakanna to tu to umporai misa kadanna. Sela

TOMANGADA’ 12:7

sia iatu litak sule rokko padang, susi a’gan dolona, sia iatu penaa sule lako Puang Matua, tu mangka ungkamaseanni.

TOMANGADA’ 3:21

Mindara untiroi tu penaanna ma’rupa tau kendek langngan anna iatu penaanna olo’-olo’ ma’palurokko mangapi’na tana?

TOMANGADA’ 6:6

Moi anna penduan sisangsa’bu taun tu katuoanna, apa tae’ naperasai tu melona – tae’raka namisa’ri inan nanii male sola nasangi?

TOMANGADA’ 7:2

Melo tu tama banua nanii passanda bolong na iatu tama banua nanii pa’maruasan; belanna iatu iannato iamo ma’katampakanna katuoanna mintu’ tolino, sia melo ke napalan penaai to tuo tu iannato.

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

DANIEL 12:2

Anna buda tu to matindomo lan lipu daenan, la malimbangun sule, den lu lako katuoan sae lakona, den lu lako kaditattan, iamotu apa megi’giran sae lakona.

KADIBILANGAN 27:13

Iake mutiromi, la sisarak dukamoko angin dipudukmu sule lako nene’ to dolomu susi siulu’mu Harun.