TOMANGADA’ 3:18 - Sura' Madatu

¹⁸ Sipa’kadamo’ kaleku kukua: Iatu diona ma’rupa tau la Nata’piimo Puang Matua sia la Napasomboammo, kumua iatu a’ganna susi bang olo’-olo’.

TOMANGADA’ 3:18 ပူးပေါင်းရင်းမြစ်များ

AYUB 15:16

ondongpissan tu to megi’giran sia to kadake liu, iamotu tolino, tu unniru’ kakadakean butung uai.

AYUB 40:8

Buni sola nasangi tu tau iato lan to’ barra’-barra’, pattangi lan to’ kabunianna.

PA’PUDIAN 49:12

Nasanga penaanna kumua iatu banuanna la tontong marendeng sae lakona, sia iatu pa’tondokanna la nasiosso’i; iamoto anna pasikonai kalena tu mai padangna.

PA’PUDIAN 49:14

Iamoto tu dalle’na to umposande’ bang kalena, iamo katampakanna to tu to umporai misa kadanna. Sela

PA’PUDIAN 51:4

Pemabaseina’ dio mai kakadakeangku sia seroi pindanna’ dio mai kasalangku.

PA’PUDIAN 73:22

Attu iato bagana’ sia tang paissan, butungna’ olo’-olo’ tae’ inaanna dio oloMi.

ROMA 3:4

Inang tae’ ia to! Sangadinna inang tonganna susitu dipokada kumua tongan Ia tu Puang Matua, apa mintu’na tolino buttok, susi tu disura’ kumua: AmMi payanan tongan dio kadamMi sia pataloKomi ke dipasalaKomi.

ROMA 9:23

Iamo Napogau’i susito kumua la Napa’peissanan tu kasugiran kamala’biranNa lako apa nanii kamaturu-turuan, tu Naparandanan dolomo kamala’biran?

IBRANI 9:27

Susitu tolino manassamo den pissan nala mate, namangkato namane dipaolai salunna,

1 PETRUS 1:24

Belanna: Mintu’ to lino butung riu, sia mintu’ kamala’biranna butung ta’bi riu; anna malayu tu riu sia rondon tu ta’binna;

2 PETRUS 2:12

Apa mintu’ tau iate, susi olo’-olo’ tae’ tangnga’na, dipadadi turu’ lalan biasanna la napotingkanan sia dipatei, untelle apa nakabagai; tae’ anna salai tang la sanggang natumang penggauran pasangganganna,