TOMANGADA’ 3:17 - Sura' Madatu

¹⁷ Sipa’kadamo’ kaleku kukua: Puang Matua la umpaolai salu to malambu’ sia to tang malambu’, belanna iatu mintu’ apa sia mintu’ pengkarangan pantan den attunna.

TOMANGADA’ 3:17 ပူးပေါင်းရင်းမြစ်များ

KADADIAN 18:25

Toyang ia tondonna lalan dio mai Puang la umpogau’i tu susinnato, la umpasipatei to kadake tu to malambu’, butung Napasangtinti to kadake tu to malambu’; toyang ia tondonna lalan dio mai Puang to. Ma’apari Ia tu To Ma’paolai salunna te mintu’ lino anna tae’ra Nala umpasalunnai tu salunna?

PA’PUDIAN 96:13

Dio oloNa PUANG, belanna la sae, manassa la sae la umpaolai salunna lipu daenan; la Napaolai malambu’ salu te lino, sia mintu’ bangsa sitinaya kamarurusanNa.

PA’PUDIAN 98:9

Dio oloNa PUANG, belanna la sae umpaolai salu tu lino; anNa tang pakayun bimbang umpaolai salunna te lipu daenan, sia iatu mintu’ bangsa sitinayanna.

TOMANGADA’ 1:16

Sipa’kadamo’ kaleku kukua: Manassa kupakapuamo sia kupabudamo tu kakinaan losong na iatu mintu’ to dolo na aku tu umparenta Yerusalem; na iatu penaangku unnappa’mo kaseboanna kakinaan sia kapaissanan;

TOMANGADA’ 11:9

Melo ke parannuko, e pia muane lan attu kamangurammu, sia la sende paiman tu penaammu su’ding pia muanepoko; ondongpi turu’i tu mintu’ lalan inaammu sia patiro matammu, apa issanni kumua belanna mintu’ tu iannato la Napatamako Puang Matua pa’paolaian salu.

TOMANGADA’ 12:14

Belanna iatu simisa’-misa’ penggauranna tau la Napopennolo Puang Matua tama pa’paolaian salu diona tu mintu’ apa membuni, la melona, la kadakena.

TOMANGADA’ 2:1

Ma’kadamo’ lako kaleku kukua: Totemo la kupatobaiko kaparannuan, iamoto popaimanni tu kameloan. Apa manassa tae’ duka gai’na tu iannato.

TOMANGADA’ 3:1

Iatu mintu’ apa den attunna sia iatu apa la dadi nasambo langi’ den nasang allona.

TOMANGADA’ 8:6

Belanna mintu’ apa den attunna sia a’ganna; belanna magasa tongan tu kadakena natanggung tau.

DANIEL 11:40

Apa iake attu ma’katampakannai la sae tu datu rampe Lo’na lu urrarii tu datu rampe Daanna lu, anna iatu datu rampe Daanna lu la ullaoi umbaa kareta sia pakkanarang sia kappala’ buda; la tama ullaoi tu tondok iato sia samasai-sainna ma’parekan susito uai saba’.

DANIEL 12:4

Apa iko, e Daniel, nannai te mintu’ kada iate sia ca’i te Sura’ sae lako attu ma’katampakanna; buda tu tau la unnunnungi sia iatu kapaissanan la sakerangngan-rangnganna.

DANIEL 12:9

Apa ma’kada nakua: Malemoko, e Daniel, belanna mintu’ apa iate la manda’ dibuni sia dica’ sae lako attu ma’katampakanna.

MATIUS 16:27

Belanna iatu Anak rampan dilino la sae nakabu’ kamala’biranNa Ambe’Na naturu’ mintu’ malaeka’Na; attu iato pantan la Napapakkanni lako tau sitinaya penggauranna.

YOHANES 5:22

Belanna iatu Ambe’ moi misa’ tau tae’ Napaolai pangra’ta’, sangadinna mangka nasangmo Nasorong lako Anak tu pangra’ta’,

PENGGAURANNA RASULU’ 1:7

Nakuami Yesu lako tinde tau: Tae’ kamu patummi la unnissanni tu attu ba’tu allo, tu Napoissan misa Ambe’ situru’ lalan kuasanNa.

PENGGAURANNA RASULU’ 17:31

Belanna Napamanassamo tu allo sangallo tu la Nanii umpaolai salunna tu mintu’ issinna lino situru’ kamalamburan tete dio Misa’ To mangka Napamanassa anNa pakatuai lako mintu’ tolino, tu diona kaNapamalimbangunanNa dio mai to’ to mate.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

2 KORINTUS 5:10

Belanna tae’ nasalai tang payan nasangki’ dio tingo isungan pangra’tasanNa Kristus, anta pantan untarimai tu pakkanna, tumba tu mangkanna tapogau’ tonta lanpa batang kaleta, la melo la kadake.

1 TESALONIKA 5:1

Apa diona mintu’ attu sia allona, e sangsiulurangku, tae’mo mimanggi’ disurasan.

KADA OMBO’ LAKO RASULU’ YOHANES 11:18

Kendekmo kasengkeanna tu mintu’ bangsana to kapere’, apa saemo tu kasengkeamMi, sia attu umpaolai salunna to mate, sia nalambi’mo attunna kadiseronginna karongkosan tu mintu’ taumMi, iamotu mintu’ nabi sia mintu’ to masallo’ sia to ungkasiri’ sangamMi, la bitti’ la kapua; sia nalambi’mo attunna ussanggangi tu mintu’ to ussanggang lino.

KADA OMBO’ LAKO RASULU’ YOHANES 20:2

natoei tu naga, ula’ tua, iamotu deata bulituk sia deata patua’ ba’tang sia narante bassi sangsa’bu taunna,