TOMANGADA’ 2:4 - Sura' Madatu

⁴ Kupogau’mo tu mai apa kapua, iamotu umbangunmo’ banua sia untanannimo’ ba’tu pira-pira pa’lak anggoro’,

TOMANGADA’ 2:4 ပူးပေါင်းရင်းမြစ်များ

KADADIAN 11:4

Sia nakuapa: Maikomi anta bangun misa’ tondok sia misa’ menara tu la sumpu langan langi’ tu lolokna; susimoto la tanii unggaraganni tanda kalelean tu kaleta, da anta sisarak-sarak lan te lino.

2 SAMUEL 18:18

Iatu Absalom tonna tuopa mangkamo unnala simbuang tu diong lombok Datu, napabendanan kalena, belanna nakua: Tae’ muane tu anakku, tu dinii ungkilalai sangangku. Nasangaimi sanga kalena tu simbuang iato; iamoto nasangai tau tu simbuang iato simbuangna Absalom sae lako allo iate.

1 DATU 15:19

Den tu basse lan alla’ta, lan alla’na ambe’ku sia ambe’mi. Iate pamengan kupa’pea lako kalemi iamotu salaka sola bulaan. Ammi pokai tu bassemi sola Baesa, datu to Israel, kumua anna soro’ dio mai kaleku.

1 DATU 9:1

Iatonna mangkamo tu Salomo umbangun banuanNa PUANG sia tongkonan layukna datu sia mintu’ tu nasanganna Salomo la nagaraga,

1 OSSORANNA DATU 27:27

Iatu pangulunna mintu’ pa’lak anggoro’, iamotu Simei, to Rama; iatu pangulunna mintu’ pa’palumpunan anggoro’ lan pa’lak anggoro’, iamotu Zabdi, to Syifmi.

2 OSSORANNA DATU 26:10

Sia nabangun dukapa tu ba’tu pira-pira menara lan padang pangallaran sia buda bubun nabo’bok, belanna unnampui buda sapi sia domba na bembe’, la diong Padang Merrantena la dao Padang Rante membuntunna; sia to ma’pa’lakna sia to ma’pa’lak anggoro’na dao lu buntu sia dio lu padang malompo, belanna naporai datu tu lakoan padang.

2 OSSORANNA DATU 8:11

Nasolammi Salomo sun lan mai tondokna Daud tu lai’na Firaun lako tu banua mangka nabangunanni, belanna nakua: Moi misa’ baineku tae’ nama’din torro lan banuanna Daud, datu to Israel, belanna iatu mintu’ inan, tu nanii rampo pattinNa PUANG, maindan nasang.

PA’PUDIAN 49:11

Belanna natiro tu to kinaa mate, sia iatu to baga sia to tang paissan pada sanggang duka, anna tampeanni to senga’ tu barang apanna.

PA’TENDENG BALLO 1:14

Iatu andi’ pa’kaboro’ku butung to sangtangke bunga enna dio kaleku, lan pa’lak anggoro’ En-Gedi.

PA’TENDENG BALLO 7:12

La melambi’ki’ male lako pa’lak anggoro’, la untiroi, ba’tu la mentaruk siai tu garonto’ anggoro’, sia ba’tu la tiballa’ siai tu ta’binna, sia ba’tu la menta’bi siai tu dalima. Indemo to dio la kunii umpatiroangkomi tu mali’ku.

YESAYA 5:1

Totemo la umpopenanina’ misa’ nanian diona pa’kaboro’ku, gelongna pa’kaboro’ku diona pa’lak anggoro’na. Iatu pa’kaboro’ku den pa’lak anggoro’na dao tanete malompo.

DANIEL 4:30

Ma’kadami tu datu nakua: Tangiaraka te tu Babel kapua, tu kubangun dipoisungan kadatuan tete dio kakapuanna kuasangku, dikua anna dipakala’bi’ tu kapayungangku.