TOMANGADA’ 2:26 - Sura' Madatu

²⁶ Belanna iatu to melo dio pentiroNa Puang Naben kakinaan, kapaissanan sia kaparannuan, apa iatu to tae’ naalai penaanNa, Napatakoi pengkarangan la mangrampun sia ma’pakombong, kumua anna sorongi lako minda-minda tu naala penaanNa Puang Matua. Ia duka tu apa iato tae’ gai’na sia susito unnula’ angin.

TOMANGADA’ 2:26 ပူးပေါင်းရင်းမြစ်များ

KADADIAN 7:1

Undinnato ma’kadami PUANG lako Nuh Nakua: Tamamoko lembang sola mintu’ to lan banuammu, belanna ikomo tu Kutiro malambu’ dio oloKu tu mintu’na tau attu iate.

AYUB 32:8

Manassa kumua iatu penaa lan ba’tengna ma’rupa tau sia penaanna To umpoissan angge maritik, tu umbenni kapaissanan lako tau iato mai.

AYUB 38:36

Mindara umpatorroi kakinaan tu salebu’ malillin, ba’tu mindaraka umbenni patiro penaa tu ma’rupa-rupa ma’lodokna salebu’?

PA’PUDIAN 39:6

Manassa iatu sunga’ku sangdangkanri mangka Milampak, sia iatu katuoangku butung bayo-bayo bangri dio oloMi; ondongpi mintu’ tau bendan, susi bangri damo’. Sela

PA’PUDIAN 51:6

Mati’ Kalemi, ondong mati’ manna Kalemi kuniimo kasalan, sia umpogau’ apa kadake dio pentiroMi, kumua amMi sanda tonganna lan bisaramMi, sia malambu’ lan pa’paolaimMi salu.

SARAMBU PEADA’ 13:22

Iatu to melo la untampean mana’ lanto mimi’na, apa iatu iananna tokadake gau’na untayan to malambu’.

SARAMBU PEADA’ 2:6

Belanna PUANG Ia tu umpa’kamasean kakinaan, lan mai pudukNa nanii tassu’ tu kapaissanan sia tangnga’ kinaa.

SARAMBU PEADA’ 28:8

Minda-minda tu urranganni iananna medenne’ doi’ sia mesaro la’da’, umpangrampunan to uangkamasei tobongko.

TOMANGADA’ 1:13

sia kupapatuimo penaangku la untuntun tonganni sia umparessai tu kakinaan lan mintu’ apa dadi nasambo langi’. Iamoto tu misa’ pengkarangan masussa Nasorong Puang Matua lako ma’rupa tau kumua anna mara’ta’ ungkarangi.

TOMANGADA’ 1:14

Kupemarangamo tu mintu’ pengkarangan tu dikarang lan naarrang matanna allo, manassa mintu’nato tae’ gai’na sia susito unnula’ angin.

TOMANGADA’ 2:25

Belanna mindara tu ma’din kumande sia mindara tu ma’din umpamanaman kalena, ke tangia pa’poraianNa Puang.

TOMANGADA’ 3:10

Kupemarangamo tu pengkarangan Nasorong Puang Matua lako mintu’ ma’rupa tau kumua anna mara’ta’ ungkarangi.

LUKAS 1:6

Iatu tau sola duai malambu’ penaanna langngan Puang Matua, napengkaolai bang tu pepasanNa sia Sukaran alukNa Puang, tae’ napasalai penaa.

YOHANES 16:24

Sae lako te totemo tae’ bangpa mipalaku apa tete dio sangangKu. Palakumi, ammi appa’i, nasundun tu kaparannuammi.

YAKOBUS 3:17

Apa iatu kakinaan songlo’ lu dao mai tipamulanna masallo’, ungkabarii kamarampasan, mabalele, matinuru’, ponno kamamasean sia bua-bua maelo, tae’ nabata, sia tae’ nabelo puduk.