TOMANGADA’ 2:23 - Sura' Madatu

²³ Ke ungkarangi pengkaranganna lan mintu’ allo katuoanna situang kamasussan sia karossoan, sia moi mabongi tae’ narapa’ penaanna? Ia duka tu apa iato tae’ gai’na.

TOMANGADA’ 2:23 ပူးပေါင်းရင်းမြစ်များ

KADADIAN 3:17

Ma’kadami Puang lako tolino: Belanna muperangiimo tu kadanna bainemu ammu kandei tu bua kayu Kupasanangko, kumua da mukandei, iamoto la narua tampak ropu te kuli’na padang mutumang, anna situangpi kamaparrisan angge tuomu mumane ungkandei tu burana.

KADADIAN 47:9

Mebalimi tu Yakub lako Firaun: Iatu taun kamempueangku saratu’ tallungpulomo taunna. Sidi’mora naponno nasang kamasussan tu katuoangku, tae’ napada katuoanna to doloku tonna mempue.

ESTER 6:1

Bongi iato pa’demi tu tikkaru’du’na datu. Mesuami umpopebaai tu sura’ kapengkilalan, iamotu sura’ ossoran, anna basai tau iato mai dio olona datu.

AYUB 14:1

Iatu tolino tu nadadian baine, tang masae lako tu allo katuoanna sia nabossa kamagiangan.

AYUB 5:7

Apa iatu tolino dadi la unnappa’ kamasussan, susi lelatu sipettia’-tiaran kendek langngan.

PA’PUDIAN 127:2

Tae’ gai’mi millik kale’ sia lendu’ bongi ammi mane mamma’, sia mikande pa’di’ tu ra’ta’mi, belanna Nasorongan ia Puang tu to Nakamasei, ke marassanni mamma’.

PA’PUDIAN 32:4

Belanna keallo kebongi mabanda’ tu limamMi unta’paina’, iatu utak buku lampaku silelemo marangke sangtinti ke pealloanni. Sela

PA’PUDIAN 90:15

Pasendei tu penaangki sitinaya tu allo mangka Minii umpakario-riokan sia sitinaya taun kunii mangka untiro kamandasan.

TOMANGADA’ 1:13

sia kupapatuimo penaangku la untuntun tonganni sia umparessai tu kakinaan lan mintu’ apa dadi nasambo langi’. Iamoto tu misa’ pengkarangan masussa Nasorong Puang Matua lako ma’rupa tau kumua anna mara’ta’ ungkarangi.

TOMANGADA’ 1:18

Belanna kabudanna kakinaan nanii buda kamasussan, sia iake den tau urrangnganni kapaissananna, urrangnganni duka karossoanna.

TOMANGADA’ 2:11

Iatongku messaile lako mintu’ panggaraga limangku, sia lako sara’ tu kunii mara’ta’ la ungkarangi tu iannato – manassa iatu mintu’nato tae’ gai’na sia susito unnula’ angin sia tae’ kamauparan lan naarrang matanna allo.

TOMANGADA’ 5:12

Kutiro den misa’ kamandasan tu umpa’dikki tau lan naarrang matanna allo, iamotu kasugiran nananna puangna, nama’katampakanna naposanggang.

TOMANGADA’ 5:17

Manassa inde sia tu kutiro melo, iamotu sipatu, ke kumandei sia mangiru’i tu tau sia umperasai melona diona mintu’na ra’ta’na tu nanii mara’ta’ lan naarrang matanna allo, lan sangattu’ allo katuoanna, tu Nakamaseanni Puang Matua, belanna iamoto tu taana.

TOMANGADA’ 8:16

Iatongku palan penaami la untandai kakinaan sia la untiroi tu mintu’ sara’, tu dadi dao kuli’na padang, anna tae’ natandai kamammaran tu tolino keallo sia kebongi –,

DANIEL 6:18

Nabaami tau tu misa’ batu, natuturanni tu baba lo’ko’ iato, naca’i sissin peca’na datu sia sissin peca’na to ma’parentana dikua da nadipogau’ tu senga’na diona Daniel.

PENGGAURANNA RASULU’ 14:22

na umpabatta’ penaanna to menturu’ sia napakilala kumua anna manda’ lan kapatonganan, nakua: tae’ nasalai tang buda kamaparrisan umpatuki’ tu tama ParentaNa Puang Matua.