TOMANGADA’ 2:21 - Sura' Madatu

²¹ Belanna moi nakara’ta’i tau tu misa’ pengkarangan situang kakinaan sia kapaissanan sia kamanarangan, inang la natampe napotaai to tang ungkara’ta’i. Ia duka tu apa iato tae’ gai’na sia kadake tongan.

TOMANGADA’ 2:21 ပူးပေါင်းရင်းမြစ်များ

2 OSSORANNA DATU 34:2

Napogau’mi tu apa malolo dio pentiroNa PUANG sia naturu’ tu bate lalanna Daud, nene’ to dolona, sia tae’ nasepang lako kanan ba’tu lako kairi.

2 OSSORANNA DATU 35:18

Randuk dio mai linona nabi Samuel tae’pa nadipakaraya len tu Pa’pasa susite lan Israel; sia moi misa’ datu to Israel; tae’ bang umpakaraya Pa’pasa susitu napakaraya Yosia sola tu mai to minaa sia to Lewi sia mintu’ to Yehuda sia to Israel dio ren sola pa’tondokan Yerusalem.

PA’PUDIAN 39:7

Iatu mintu’ tau timbayo bangri susi bayo-bayo; ussara’i punala bang kalena, untombon ianan, apa tae’ naissanni minda la umpomaruai.

PA’PUDIAN 49:10

Kumua anna marendeng tuo, sia da nasitiro tang merambu.

PA’PUDIAN 49:11

Belanna natiro tu to kinaa mate, sia iatu to baga sia to tang paissan pada sanggang duka, anna tampeanni to senga’ tu barang apanna.

TOMANGADA’ 2:20

Iamoto tibalikmi tu penaangku tang urrannuammo sara’ku tu kunii mara’ta’ lan naarrang matanna allo.

TOMANGADA’ 4:4

Kutiro duka, kumua iatu mintu’ sara’ sia mintu’ kamalintaran mengkarang, umpabu’tu kamangimburuanna misa’ tau lako solana; ia duka tu apa iato tae’ gai’na sia susito unnula’ angin.

TOMANGADA’ 4:8

iamotu misa’ tau tae’ solana, moi anakna ba’tu siulu’na tae’ duka, apa moi susito tae’ duka upu’na tu mintu’ sara’na; sia tae’ namangingngi’ tu matanna untiroi tu mintu’ kasugiranna; – mindara la umpomaupa’i angku mara’ta’ bangra sia tang unneloran kaleku umperasai tu melona? Ia duka tu iannato tae’ gai’na sia misa’ apa kadake.

TOMANGADA’ 9:18

Iatu kakinaan mandu melo na iatu pa’buno rari, apa misa’ to kadake gau’na ussanggangi buda apa melo.

YEREMIA 22:15

Datukomiraka, ammi sipatomporanra kayu arasi’? Iatu ambe’mi tang kumanderaka sia mangiru’ sia umpogau’ salunna sia kamalamburan? Iatonna iato manaman ia.

YEREMIA 22:17

Apa tae’ mikemata sia kepenaa dio kalemi, sangadinna ungkamoraikomi saro bu’tu kadake sia umpatibollo rarana to tang kasalan sia umpandasa sia umpakario-rio tau.