TOMANGADA’ 2:15 - Sura' Madatu

¹⁵ Sipa’kadamo’ kaleku kukua: Iatu apa urrampoi to baga, narampoi dukana’: Apara gai’na angku tarru’ kinaa? Iamoto kusipa’kada kaleku kukua! Ia duka tu apa iato tae’ gai’na.

TOMANGADA’ 2:15 ပူးပေါင်းရင်းမြစ်များ

1 DATU 3:12

manassa la Kupogau’ susitu kadammu; tonganna la Kukamaseangko penaa kinaa sia kamatarrusan, naurunganni tae’ padammu te attu lendu’ sia iate attu mutingayo lako tae’ la bendan tu padammu.

TOMANGADA’ 1:14

Kupemarangamo tu mintu’ pengkarangan tu dikarang lan naarrang matanna allo, manassa mintu’nato tae’ gai’na sia susito unnula’ angin.

TOMANGADA’ 1:16

Sipa’kadamo’ kaleku kukua: Manassa kupakapuamo sia kupabudamo tu kakinaan losong na iatu mintu’ to dolo na aku tu umparenta Yerusalem; na iatu penaangku unnappa’mo kaseboanna kakinaan sia kapaissanan;

TOMANGADA’ 1:18

Belanna kabudanna kakinaan nanii buda kamasussan, sia iake den tau urrangnganni kapaissananna, urrangnganni duka karossoanna.

TOMANGADA’ 1:2

Tae’ liu gai’na, kadanna Tomangada’, tae’ liu gai’na! Mintu’na tae’ nasang gai’na!

TOMANGADA’ 2:16

Belanna iatu kadikilalaianna to kinaa sia to baga pada tae’ bangmo, belanna lan allo la sae masaimo dikalupai tu mintu’na to; a’adikka’ umbara nakuato, anna pada mate bangsia tu to kinaa sia to baga!

TOMANGADA’ 6:11

Moi anna buda tu kada dipokada narangnganni bang tu apa tae’ gai’na. Apara napomaupa’ tolino tu iannato?

TOMANGADA’ 6:8

Apara kalosonganna tu to kinaa na to baga, apara napolosong tu to bongko unnissan lolang ma’kedo melo dio lu to tuo?