TOMANGADA’ 2:11 - Sura' Madatu

¹¹ Iatongku messaile lako mintu’ panggaraga limangku, sia lako sara’ tu kunii mara’ta’ la ungkarangi tu iannato – manassa iatu mintu’nato tae’ gai’na sia susito unnula’ angin sia tae’ kamauparan lan naarrang matanna allo.

TOMANGADA’ 2:11 ပူးပေါင်းရင်းမြစ်များ

KADADIAN 1:31

Natiro Puang Matua tu mintu’ apa Napadadi, kumua lendu’ tongan melona. Tonna mangkato, makaroenmi sia melambi’, iamo allo ma’pennannanna to.

PA’PUDIAN 89:47

O PUANG, sangapapoKomi la tontong bang membuni, sia sangapapi la dukku susi api tu kasengkeamMi?

KATASSURAN 39:43

Napasileleimi matanna Musa tu mintu’ pengkarangan iato, manassamo nakarang tau iato mai susitu mintu’ Napepasanan PUANG; susimo kanakaranganna to. Napassakkemi Musa tu tau iato mai.

TOMANGADA’ 1:14

Kupemarangamo tu mintu’ pengkarangan tu dikarang lan naarrang matanna allo, manassa mintu’nato tae’ gai’na sia susito unnula’ angin.

TOMANGADA’ 1:17

susimoto kunii umpatu’tunni lan penaangku la untandai tu kakinaan sia kapaissanan sia kabagan sia katangpaissanan. Apa kutandaimo, kumua ia duka tu iannato susiki’ to unnula’ angin.

TOMANGADA’ 1:3

Apara sarona tu tolino lan mintu’ ra’ta’na, tu nakara’ta’i, lan naarrang matanna allo?

TOMANGADA’ 3:9

Apara napolean tu to mengkarang dio mai tu apa nakara’ta’i?

TOMANGADA’ 5:10

Iake kerangnganni tu ianan, inde dukato nanii kerangngan tu to ungkandei; sia apara upa’na tu to unnampui, sangadiri natirona manna mata?

TOMANGADA’ 5:16

Ondongpi ungkande bang kandena lan mintu’ allo katuoanna nakabu’ kamalillinan, sia umperasai buda karossoan penaa sia kamaparrisan sia saki inaa.

HABAKUK 2:13

Tonganna, tae’raka nalu dio mai PUANGna mintu’ ma’dandan maritik, kumua mintu’ bangsa tang mekata’ka’ umpandakaran api sia mintu’ to sangpetayanan tang mekabo’yo’ umpandakaranni tu apa tae’ gai’na.

1 TIMOTIUS 6:6

Iatu kamengkaolan tonganna kapua sarona, ke narondongi penaa manaman.