TOMANGADA’ 2:1 - Sura' Madatu

¹ Ma’kadamo’ lako kaleku kukua: Totemo la kupatobaiko kaparannuan, iamoto popaimanni tu kameloan. Apa manassa tae’ duka gai’na tu iannato.

TOMANGADA’ 2:1 ပူးပေါင်းရင်းမြစ်များ

KADADIAN 11:7

Melo ke mengkalaoKi’ umpatangma’runduananni tu kadanna anna tangsiissanan.

2 DATU 5:5

Ma’kadami tu datu Aram nakua: Malemoko, la kupa’peammo sura’ tu datu to Israel. Malemi nabaai tu salaka sangpulo talenta, sia annan sa’bunna sikele’ bulaan sia sangpulo lamba’na pakean mala’bi’.

PA’PUDIAN 10:6

Ma’kadami lan penaanna, nakua: Tae’ angku la tibendon len, sia tae’ anna rua lenna’ kasanggangan lako osso’ sipapa’ku.

PA’PUDIAN 14:1

Lu lakona pangala sengo, Pa’pudian Daud. Nakua tu to baga lan penaanna: Tae’ ia tu Kapenomban. Lendu’ ia mesolanginna sia megi’giranna tu penggauranna tau iato mai; sia tae’i misa’ umpogau’ melo.

PA’PUDIAN 27:8

Penaangku unturu’i tu kadamMi, kumua: Daka’Na’ mipellindoiNa’. La kudaka’Komi, KupellindoiKomi, o PUANG.

SARAMBU PEADA’ 14:13

Moi anta metaa ma’din duka tasa’ding tu karossoan penaa, sia dio katampakanna kaparannuan ma’din bu’tu kamasussan.

TOMANGADA’ 11:9

Melo ke parannuko, e pia muane lan attu kamangurammu, sia la sende paiman tu penaammu su’ding pia muanepoko; ondongpi turu’i tu mintu’ lalan inaammu sia patiro matammu, apa issanni kumua belanna mintu’ tu iannato la Napatamako Puang Matua pa’paolaian salu.

TOMANGADA’ 2:10

Moi misa’ apa tu nakamorai matangku tae’ kusakkalanganni, sia tae’ kudampai tu penaangku dio mai kaparannuan moi misa’ duka, ondongpi iatu penaangku umpoparannu mintu’ sara’ku, na iatu mintu’nato iamo bunga rangka’ku.

TOMANGADA’ 2:15

Sipa’kadamo’ kaleku kukua: Iatu apa urrampoi to baga, narampoi dukana’: Apara gai’na angku tarru’ kinaa? Iamoto kusipa’kada kaleku kukua! Ia duka tu apa iato tae’ gai’na.

TOMANGADA’ 2:25

Belanna mindara tu ma’din kumande sia mindara tu ma’din umpamanaman kalena, ke tangia pa’poraianNa Puang.

TOMANGADA’ 7:4

Iatu penaanna to kinaa lan ia banua nanii passanda bolong, apa iatu penaanna to baga lan ia banua nanii kaparannuan.

TOMANGADA’ 8:15

Iamoto kupudii tu kaparannuan, belanna tae’ ia misa’ tu mandu melo lako tolino lan naarrang matanna allo na iatu kumande sia mangiru’ sia sende; anna sikambi’mora tu iannato umposara’ mintu’ sara’na lan allo katuoanna, tu Nakamaseanni Puang Matua lan naarrang matanna allo.

YESAYA 5:5

Iamoto la Kupokadangkomi totemo tu apa la Kugauranni tu pa’lak anggoro’Ku kumua: La Kulalakki tu rompo durinna, anna taloi olo’-olo’ sia la Kukakei tu tembo’na anna disilessakki.

YESAYA 50:11

E kamu sola nasang tu to umpopa’laka-laka api sia to umpasakka’ tinaran padurru’, da’ito mimale tama to’ dukku apimmi sia tama to’ dama’ mipopa’laka-laka. Iatu iannato la dadi lako kalemi lu dio mai Kaleku, ammi sumpandan situang pa’di’.

YESAYA 50:5

Napoparangimo Puangta PUANG tu talingangku, anna tae’ kumengkailing, sia tae’ kusorong boko’.

LUKAS 12:19

angku ma’kada lako deatangku susite: E deatangku, budamo ianan dio kalemu ma’toppo’-toppo’, moi pirang-pirang taun silasa duka, popelayomoko kalemu, kumandeko sia mangiru’-iru’ko sia parannu-rannuko.

LUKAS 16:19

Den misa’ to sugi’ ma’pakean melo ma’sambu’ lango-lango sia sampin ballo, ma’marua’-rua’ bang kiallo-kiallo sia manaman bang katuoanna.

LUKAS 16:23

Mate dukami tu to sugi’, nadipeliang. Iatonna lanmo naraka, maparri’mi nasa’ding, umbangunammi matanna, natiro mambelai tu Abraham sola Lazarus diong rianna.

TITUS 3:3

Belanna kita duka bagaki’ pirambongi’ sia pabali-bali sia pusa sia unturu’ ma’rupa-rupa kamailuan sia pa’poraian lino, tuo lan kakadakean sia kamagallian sia tumbuan biri’ sia sikabiri’.

YAKOBUS 4:13

E kamu to ma’kadanna kumua: Allo iate ba’tu masiang tamale lako tondok anu anta torro sangtaun dio, ma’balili sia undaka’ saro;

YAKOBUS 5:1

E kamu to sugi’, tumangi’komi sia unnorronkomi, belanna mintu’na kasanggangan la urrampoikomi.

YAKOBUS 5:5

Mangkamokomi tuo ma’pemammi’ lan te lino, sia masua’ kumande; umpelompoi bangpokomi kalemi, naallo pa’reresammo.