TOMANGADA’ 12:5 - Sura' Madatu

⁵ Iake nakataku’i tau tu inan matande sia den apa napotiramban dio lu lalan; to ke menta’bimi tu garonto’ badam sia iatu batik napela’-pela’ bang lumingka sia iatu bunga kappari’ tae’mo gai’na –, belanna iatu tolino sule lako banua matontonganna sia mintu’ to umbating lu lako lu dio mai dio lu batatta.

TOMANGADA’ 12:5 ပူးပေါင်းရင်းမြစ်များ

KADADIAN 42:38

Apa nakua tu Yakub: Iate anakku tae’ na la lao sola kamu, belanna iatu kakanna matemo na misa-misa mira totemo; iake matumba-tumbai lako lalan tu la miolainna, manassa la mipatama liang tu ubanku natumang kamapa’diranna penaangku.

KADADIAN 44:29

Iake la miala poleoi te pia anna matumba-matumba, manassa mipatama liang tu ubanku natumang kamapa’diranna penaangku.

KADADIAN 44:31

tae’ nasalai, ke natiroi pa’de te to mangura, manassa la mate, na iate kami la umpatamakan liang ubanna kaunanmi, ambe’ki natumang kamapa’diranna penaanna.

AYUB 15:10

Den duka dio kaleki tu to ubanan sia to matua induk, tu mandu matua anna ambe’mu.

AYUB 17:13

Iake kukampai tu lino tomate susito banuangku, sia kuballa’ tu inan mamma’ku lan kapittukan,

AYUB 30:23

Ondongpi kuissan, kumua Puang ussolanna’ lako kamatean, lako to’ inan kasirampunanna mintu’ apa kepenaa.

PA’PUDIAN 71:18

Iamoto da Mitampena’ sae lako matua indukku, sia ma’lullung bura-buraku, o Kapenomban, angku pa’peissananni tu kamawatangamMi lako to dadi totemo. Sia kuasamMi lako mintu’ osso’na to dadi undi.

SARAMBU PEADA’ 16:31

Iatu uban iamo misa’ makota mala’bi’, tu dikabu’tui dio lu lalan kamaloloan.

SARAMBU PEADA’ 20:29

Iatu belona to mangura iamotu kamatotoranna, sia iatu kamala’biranna to matua, iamotu uban.

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

YESAYA 46:4

Sae lako matuammi, iatu Aku tontong bangNa’, sia sae lako ubanammi Aku la ussompokomi; Akumo tu umpogau’i sia Akumo la unnangka’komi sia Akumo la ussompokomi sia Akumo la urrampanangkomi.

YEREMIA 1:11

Sae pole’omi tu kadanNa PUANG urrampoina’, Nakua: Apara mutiro e Yeremia? Mebalimo’ kukua: Untirona’ misa’ takke’-takke’ kayu badan.

YEREMIA 9:16

Sia la Kupasisarak-sarak tu tau iato mai dio lu mintu’ bangsa, tu tae’ natandai sia tae’ natandai nene’ to dolona sia la Kupaula’i pa’dang, sapuranna Kusabu’i.

SURA’ KATOMINAAN 19:32

La ke’de’ko dio tingayona to keuban sia kasiri’i tu to matua sia kataku’i tu Kapenombammu: Akumo tu PUANG.

IBRANI 9:27

Susitu tolino manassamo den pissan nala mate, namangkato namane dipaolai salunna,