TOMANGADA’ 12:13 - Sura' Madatu

¹³ Inde sia tu kada ma’katampakanna tu mintu’ apa narangimo tau, iamotu kataku’i tu Puang Matua sia karitutui tu mintu’ pepasanNa, belanna iamoto tu sipatu lako mintu’ tolino.

TOMANGADA’ 12:13 ပူးပေါင်းရင်းမြစ်များ

KADADIAN 22:12

Ma’kadami tu Malaeka’ Nakua: Da mupata’pai lima tu pia, sia da mupatumba lenni, apa Kuissanmo totemo tu kaungkatakurammu Puang Matua, belanna ia duka ia tu anakmu, anak tungga’, tae’ ammu pessinampei lako Kaleku.

1 DATU 2:3

Sia pogau’i tu mintu’ Natuntunna PUANG, Kapenombammu: iamotu unturu’ lalanNa sia ungkaritutui mintu’ apa Napondok sia pepasanNa sia atoranNa sia pangadaranNa, susitu mintu’ apa disura’ lan sukaran alukna Musa, ammu palolang marampa’i tu mintu’ apa mupogau’ sia mintu’ apa mukarang.

AYUB 28:28

apa lako tolino ma’kada Nakua: Manassa iatu kamatakuran lako Puang – iamo kakinaan sia toyang dio mai kakadakean, iamo patiro penaa.

PA’PUDIAN 111:10

Iatu ungkataku’ PUANG oto’na mintu’ kakinaan; minda-minda umpogau’i susito, iamoto kinaa. Sia iatu kadipudianNa tontong sae lakona.

PA’PUDIAN 145:19

La napopembua malapu’ tu panganga’na mintu’ to ungkataku’I, sia la Natananni talinga tu pengkamoyana, anna lendokanni.

PA’PUDIAN 147:11

Iatu PUANG Naporai tu to ungkataku’I, sia iatu to urrannuan kamasokananNa.

SARAMBU PEADA’ 1:7

Ungkataku’ PUANG iamo pamulanna mintu’ kapaissanan: apa iatu to baga ussayu kakinaan sia peada’.

SARAMBU PEADA’ 19:23

Iatu kamatakuran lako PUANG umpabu’tu katuoan; iatu tau iato ma’pedia’ ke mamma’i sia tae’ narampoi kamandasan.

SARAMBU PEADA’ 23:17

Da nakimburui penaammu tu to umpogau’ kasalan, sangadinna birisanko la tontong ungkataku’, PUANG,

TOMANGADA’ 2:3

Kuparessa duka tu penaangku angku pemanamanni kaleku unniru’ uai anggoro’ – na iatu penaangku umpasirundunanni tu iannato diona kakinaan – sia unturu’ katangpaissanan, sae lako kutiro tu apa losong melona la napogau’ ma’rupa tau tu nasambo langi’ lan katuoan tang masae lako.

TOMANGADA’ 3:14

Kutandaimo, kumua iatu mintu’ pengkaranganNa Puang Matua, matontongan; tae’ tau ma’din urrangnganni ba’tu unnalai; sia Napogau’ Puang Matua tu iannato, kumua anna mataku’ tu tau dio oloNa.

TOMANGADA’ 5:7

Iake untiroko to bongko dipakario-rio sia dilullu’ tu katonganan sia kamaloloan lan propinsi, da mukamangngai tu iannato, belanna iatu misa’ to kapua pangka’na umpenunui tu misa’na, sia den pole’opa ia tu madaona umpenunui tu tau iato mai.

TOMANGADA’ 6:12

Mindara untandai tu apa napomelona tolino lan katuoan iate, lan allo katuoan sangattu’ na, tu tae’ gai’na, tu tuo lan sangattu’ sangtinti bayo-bayo? Belanna mindara ma’din la umpokadanni tolino tu apa la dadi undinna lako kalena lan naarrang matanna allo?

TOMANGADA’ 7:18

Melo ke mukaritutui tu misa’ sia da murampananni tu misa’na, belanna minda-minda ungkataku’ Puang Matua la tilendok dio mai mintu’nato.

TOMANGADA’ 8:12

Belanna iatu to kadake gau’na umpogau’ kakadakean pessaratu’, anna malambe’ siapa tu sunga’na. Moi nasusito kuissan, kumua la salama’ tu to mengkaola lako Puang Matua belanna mataku’ dio oloNa.

TOMANGADA’ 8:5

Minda-minda unturu’ pepasan, iamo tae’ narampoi kadake, sia iatu penaanna to kinaa unnissan attu sia a’gan.

MIKHA 6:8

Napokadammoko, e tolino, umba tu melo sia apa tu Natuntun PUANG dio mai kalemu: tae’ senga’na, sangadinna umpogau’ kamalamburan sia ungkamali’kamarurusan sia umpamadiong penaa lolang sikadamak Kapenombammu.

LUKAS 1:50

manassa iatu kamamaseanNa tontong nasiosso’i mintu’nato ungkataku’I.

PA’TOLE 10:12

E to Israel, apara Natuntun PUANG, Kapenombammu, dio mai kalemu, sangadinna la mukasiri’ tu PUANG, Kapenombammu, unturu’i tu mintu’ lalanNa, sia la mukamali’, sia ponno penaammu sia kalebu deatammu umpenombai tu PUANG, Kapenombammu,

PA’TOLE 10:20

La mukataku’ tu PUANG Kapenombammu, sia la mupengkaolai sia la’ka’ko lako sia umpalaoko sumpa tete dio sanganNa.

PA’TOLE 4:10

kumua iatu allo munii bendan dio oloNa PUANG Kapenombammu, dio Horeb, tonna ma’kada tu PUANG lako kaleku, Nakua: TambanNa’ sae sirampun tu mai bangsa, la Kupaissanni tu kadangKu, kumua napelada’i tu tau iato ungkataku’Na’ lan mintu’ allo, tu nanii tuo dao kuli’na padang sia anna ada’i tu mai anakna.

PA’TOLE 4:2

Da mirangnganni tu apa kupepasanan lako kalemi sia da mipasosso’i, ammi karitutui tu pepasanNa PUANG, Kapenombammi, tu kupapassanangkomi.

PA’TOLE 6:2

kumua ammu kataku’i tu PUANG, Kapenombammu, ke mukaritutui tu mintu’ aluk Napondok sia pepasan, tu kupapassanangko, la iko la anakmu sia ampomu lan mintu’ allo katuoammu sia anna malambe’ tu sunga’mu.

1 PETRUS 2:17

Kasiri’i tu mintu’ tau. Pakaboro’i tu mintu’ sangsiuluran. Kataku’i tu Puang Matua. Pangke’i tu datu kapua.

KADA OMBO’ LAKO RASULU’ YOHANES 19:5

Denmi gamara dirangi dao mai isungan kapayungan iato nama’kada nakua: Pudi tu Puangta, e kamu mintu’ taunNa tu ungkataku’I, la to bitti’ la to kapua!

1 SAMUEL 12:24

PUANG manna tu la mikataku’ sia mipengkaolai situang kamarurusan sia penaa kalebummi, belanna tiromi tumbai kapuana tu apa Napogau’ lako kalemi.