TOMANGADA’ 12:1 - Sura' Madatu

¹ Iamoto, kilalai tu Totumampamu lan attu kamangurammu, namane sae tu allo kadake sia taun, tu la mupokada diona a’ganna: Tae’ naalai penaangkuto.

TOMANGADA’ 12:1 ပူးပေါင်းရင်းမြစ်များ

KADADIAN 39:2

Iatu Yusuf Narondong PUANG naurunganni maupa’ lan mintu’na sia torro mengkarang lah banuanna puangna, iamotu to Mesir.

KADADIAN 39:23

Tae’ napasalai bangi mata pangulu pa’tarungkuan tu apa napoissan Yusuf, belanna narondong PUANG sia iatu apa napogau’ Napamaupa’ duka PUANG.

2 SAMUEL 19:35

Totemo karuamo’ pulona taunna, umbapa la kukua umpasisengaranni tu kadake anna melo? Umbapa la kukua umpemammi’i marasanna tu apa la kukande sia kuiru’? Umbapa la kukua urrangi tu gamaranna to menani muane sia baine? Apaopa gai’na la kupamagasa tu puangku, datu?

2 SAMUEL 19:36

La lao mannara’ unnanta’ puangku sanglengko dilalan sambali’ Yordan sia ma’apai anna la umpakkan susiri puangku lako kaleku to?

1 DATU 14:13

Na mintu’ to Israel la umbatingi sia lao ullamunni; belanna iatu mintu’ bati’na Yerobeam ia manna te tu la rokko lamunan. Belanna dio lu mintu’ bati’na Yerobeam ia manna tu diapparan melona lako PUANG, Kapenombanna to Israel.

1 DATU 18:12

Iake malemo’ untampekomi, anna saemo tu PenaanNa PUANG umbaa senga’komi, na tae’ kutandai umba tu minii, sia iake rampomo’ umpokadanni Ahab, anna tae’ naappa’komi, manassa napateina’. Na iate aku taummi mengkaola bangna’ lako PUANG tempon bitti’ku.

NEHEMIA 4:14

Kutiromi angku ke’de’ sia ma’kada lako tu mai to la’bi’, pangulu sia mintu’ to buda, kukua: Da mikataku’i tu tau iato mai; kilalai tu Puang pasareongan sia dikabangnga’, ammi pararian mintu’ siulu’mi, anakmi muane sia anakmi baine, bainemi sia banuammi.

AYUB 30:2

Moi kuporai, apara gai’na lako kaleku tu kamawatangan limanna? Iatu sumanga’na sia kamatotoranna tau iato moro’mo,

PA’PUDIAN 119:55

Iake bongi kukilalai bang tu sangamMi, o PUANG, sia kuallonni tu sukaran alukMi,

PA’PUDIAN 34:11

Iatu anak singa kapu’duran sia ussa’ding tangdia’, apa iatu to undaka’ PUANG tae’ nala kapu’duran len apa maelo.

PA’PUDIAN 63:6

Iatu deatangku butung la dipedia’i sanda mammi’na sia malompona. Sia iatu randan dipudukku la mela’tek umpudiKomi.

PA’PUDIAN 90:10

Iatu mintu’ allo katuoangki, pitungpulo taunna, iake marendengkanni karua pulona taunna; apa iatu diposattuanna to, kamasussan manna sia karossoan, bellanna madoi’ bang lendu’, angki pa’de poton.

SARAMBU PEADA’ 22:6

Ada’i tu pia muane situru’ tu sipatunna la napogau’, moi sae lako matuanna, manassa tae’ nala sepang dio mai.

SARAMBU PEADA’ 8:17

Kukamali’ tu to ungkamali’na’, naminda-minda tu birisan, undaka’na’ manassa la naapparanna’.

TOMANGADA’ 11:10

Iamoto, kanandai tu penaammu da natama karossoan sia patoyangi tu kamasussan dio mai kalemu belanna iatu kamanguranta sia kamalolleranta, tae’ gai’na.

TOMANGADA’ 11:2

Taa pitui, ondongpi taa karuai tu iannato belanna tae’ muissanni kamandasan apara la urrampoi te lino.

TOMANGADA’ 11:8

Iamoto, iake tuoi tu tau masai, melo, ke parannui tu penaanna diona tu mintu’nato, apa sipatu duka la nakilalai, kumua buda tu allo la nanii kamalillinan: Iatu mintu’na apa la dadi tae’ gai’na.

YESAYA 26:8

Susi dukato dio lalan ukungamMi kipeagi bangkomi, o PUANG; mamali’ bang tu penaangki lako sangamMi sia lako kadikilalaiamMi.

BATING 3:27

Melo tu mai muane, ke mangurapi, anna passan ayoka.

DANIEL 1:17

Nakamaseimi Puang Matua kapaissanan, kamatarrusan untandai mintu’ sura’ sia kakinaan tu to mangura sola a’pa’i, na iatu Daniel matarru’mo untandai ma’rupa-rupa patiro mendeata sia tindo.

HOSEA 7:9

Napurai to salian lembang tu kamawatanganna, apa tae’ nasa’dingi. Ondongpi nasitutu’imo uban, apa tae’ naissanni.

LUKAS 1:15

Belanna ia la kapua dio oloNa Puang sia tae’ nala unniru’ uai anggoro’ ba’tu apa palangona ke diiru’i sia iamo la Naponnoi Penaa Masallo’ tempon dio mai natambukna indo’na.

LUKAS 18:16

Apa Natambai Yesu tu pia’-pia’ sae urreke’i, Nakua: Popa’elo’nai tu pia’-pia’ sae lako Kaleku, da migagai, belanna iamotu to susite tu unnampui ParentaNa Puang Matua.

EFESUS 6:4

E mintu’ ambe’, da mipamasaki ara’ anakmi, sangadinna ada’i situru’ peada’ sia pa’pakilala lu dio mai Puang Matua.

PA’TOLE 8:18

Apa la mukilalai tu PUANG, Kapenombammu, belanna Iamo, tu ungkamaseangko kamatotoran la ungkabu’tui tu ianan, kumua anNa palanda’i tu basse, tu Natanan sola nene’ to dolomu Napalaoi sumpa, susitu a’ganna te allo iate.

2 TIMOTIUS 3:15

sia tempon dio mai bitti’mu mutandaimi tu mintu’ Sura’ MadatunNa Puang Matua, tu ma’din umpakinaako la umpabu’tu kamakarimmanan tete dio kapatonganan lako Kristus Yesu.

1 SAMUEL 1:28

Iamoto la kusorong duka lako PUANG lan mintu’ allo katuoanna, belanna inang tisorongmo lako PUANG. Tukkumi tu pia iato menomba lako PUANG.

1 SAMUEL 16:7

Apa sae tu kadanNa PUANG lako Samuel, nakua: Da narupanna bang mutiro ba’tu kakalandoanna kalena, belanna tae’ naalai penaangKu. Belanna iatu natirona tolino, tae’ na ia bang tongan; belanna iatu tolino ia manna tu apa dio tingayona natiro, apa PUANG untiroi tarru’ tama ba’teng.

1 SAMUEL 2:18

Apa iatu Samuel tontong umpogau’ toena dio oloNa PUANG; mangurapa ia sia ma’sambu’ lenang.

1 SAMUEL 2:26

Iatu Samuel, to mangura iato, sakapua-puana, sanaala-alanna penaanNa PUANG sia tolino.