TOMANGADA’ 11:9 - Sura' Madatu

⁹ Melo ke parannuko, e pia muane lan attu kamangurammu, sia la sende paiman tu penaammu su’ding pia muanepoko; ondongpi turu’i tu mintu’ lalan inaammu sia patiro matammu, apa issanni kumua belanna mintu’ tu iannato la Napatamako Puang Matua pa’paolaian salu.

TOMANGADA’ 11:9 ပူးပေါင်းရင်းမြစ်များ

KADADIAN 3:6

Natiromi tinde baine, kumua melo la dikande tu bua kayu iato sia dipora’dik untiroi, ondongpi iamo misa’ kayu sipatu dikaduangi la umpabu’tu kamanarangan, naalami tu buanna nakandei sia naben duka muanena, anna kandei sola.

KADADIAN 6:2

natiromi anak Puang Matua tu baine bati’ tolino, kumua melo tu pantarisanna, anna pobainei minda-minda tu naala penaanna.

1 DATU 18:12

Iake malemo’ untampekomi, anna saemo tu PenaanNa PUANG umbaa senga’komi, na tae’ kutandai umba tu minii, sia iake rampomo’ umpokadanni Ahab, anna tae’ naappa’komi, manassa napateina’. Na iate aku taummi mengkaola bangna’ lako PUANG tempon bitti’ku.

1 DATU 18:27

Iatonna ma’tangngamo allo natellemi Elia nakua: Metamba polekomi umpekapuai gamarammi, belanna kapenomban ia. Manassa marassanpa ma’tangnga’, ba’tu untoyanganpi kalena, ba’tu malepi lao; umbai naleppengpa, iamoto la ditundanpa.

1 DATU 22:15

Iatonna saemo lako datu, ma’kadami tu datu lako nakua: E Mikha ma’dinrakannika lao urrarii Ramot, lili’na Gilead, ba’tu da’i bangmiraka to? Mebalimi nakua: Ke’de’mokomi, manassa la maupa’komi, belanna la Nasorong PUANG tama limanna datu.

AYUB 31:7

Ianna sumepang tu tengkaku dio mai lalan tongan, sia iatu penaangku unturu’ kamailuanna matangku, sia iake denni kadisayuan le’ke’ dio limangku,

PA’PUDIAN 81:12

Apa iatu taungKu noka umperangiiNa’, sia tae’ naporaiNa’ to Israel.

TOMANGADA’ 12:1

Iamoto, kilalai tu Totumampamu lan attu kamangurammu, namane sae tu allo kadake sia taun, tu la mupokada diona a’ganna: Tae’ naalai penaangkuto.

TOMANGADA’ 12:14

Belanna iatu simisa’-misa’ penggauranna tau la Napopennolo Puang Matua tama pa’paolaian salu diona tu mintu’ apa membuni, la melona, la kadakena.

TOMANGADA’ 2:10

Moi misa’ apa tu nakamorai matangku tae’ kusakkalanganni, sia tae’ kudampai tu penaangku dio mai kaparannuan moi misa’ duka, ondongpi iatu penaangku umpoparannu mintu’ sara’ku, na iatu mintu’nato iamo bunga rangka’ku.

TOMANGADA’ 3:12

Kutandaimo, kumua tae’ na tolino ungkuasai tu iannato, apa iake parannui sia umpasannang kalena lan mintu’ allo katuoanna,

TOMANGADA’ 3:17

Sipa’kadamo’ kaleku kukua: Puang Matua la umpaolai salu to malambu’ sia to tang malambu’, belanna iatu mintu’ apa sia mintu’ pengkarangan pantan den attunna.

TOMANGADA’ 6:9

Melo iatu patiro mata na iatu kamailuan, tu tontong male ma’duttu’. Ia duka tu apa iato tae’ gai’na sia susito unnula’ angin.

TOMANGADA’ 7:14

La paiman penaammu lan attu kamauparan, apa kilalai dukai lan allo kamasussan, kumua pada Napadadi Puang Matua tu iannato; belanna moi misa’ apa tae’ nalambi’i natandai tau tu apa la dadi undinna.

YEREMIA 23:17

Tontong bang tu tau iato mai ma’kada lako to untattaNa’ nakua: Iatu PUANG mangkamo ma’kada Nakua: La marampa’komi, sia ma’kada lako mintu’ to lolang unturu’ kamakarrasanna penaanna, nakua: Moi misa’ tae’ tu kadake la urrampoikomi.

YEREMIA 7:24

Apa tang ma’perangi tu tau iato mai, sia tae’ napalidanni talinga, sangadinna makarra’ bang unturu’ lalan penaa kadakena; iatu tau iato mai sorong boko’, tae’ namennolo,

BATING 3:27

Melo tu mai muane, ke mangurapi, anna passan ayoka.

KADIBILANGAN 15:30

Apa minda-minda tu unnangga’i umpogau’ kasalan, la batang to Israel, la to sae, iamo umpa’kada solangi PUANG, na tau iato mai la disabu’i dio mai bangsana,

KADIBILANGAN 15:39

Iatu iannato la miporombe-rombe; iake mitiroi lako, la umpakilalakomi tu mintu’ pepasanNa PUANG ammi karitutui tang unturu’ tangnga’ bu’tu lan penaammi ba’tu pa’poraianna matammi, da midinaran la pasandak salu lako rampanan kapa’,

KADIBILANGAN 22:32

Ma’kadami tu Malaeka’Na PUANG lako, nakua: Ma’apai mubambai totemo tu keledai birangmu pentallun? Manassa tassu’Na’ la unneako, belanna iate lalan iate mebaa lako kasanggangan dio oloKu.

MATIUS 5:28

Apa Aku Kukua mati’ kumua, minda-minda tu umpenunu misa’ baine anna sae kamoraianna lako, mangkamo ia pasandak salu lako rampanan kapa’ lan penaanna lako tu baine to.

LUKAS 12:19

angku ma’kada lako deatangku susite: E deatangku, budamo ianan dio kalemu ma’toppo’-toppo’, moi pirang-pirang taun silasa duka, popelayomoko kalemu, kumandeko sia mangiru’-iru’ko sia parannu-rannuko.

PENGGAURANNA RASULU’ 14:16

Iamotu umpopa’elo’na mintu to kapere’ unturu’ lalan pa’poraianna lan lino diboko’imo,

PENGGAURANNA RASULU’ 24:25

Apa iatonna uleleanni Paulus tu diona kamalamburan sia diona kauntaloian kale sia iatu kadipaolaian salu, mataku’mi tu Feliks, nama’kada nakua: Da’ito laomoko, nadennopa palambi’ku kutambaiko.

ROMA 14:10

Na iatu iko, ma’apai mupasala siulu’mu? Ba’tu iatu iko, ma’apai ammu telle siulu’mu? Belanna mintu’ki’ sola nasang la umpentingayoi isungan pangra’tasanNa Puang Matua.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

2 KORINTUS 5:10

Belanna tae’ nasalai tang payan nasangki’ dio tingo isungan pangra’tasanNa Kristus, anta pantan untarimai tu pakkanna, tumba tu mangkanna tapogau’ tonta lanpa batang kaleta, la melo la kadake.

PA’TOLE 29:19

Apa ianna den misa’ tau urrangii te pa’tampak ropu sia nasanga napomasakke, nama’kada nakua: La marampa’na’, ke unturu’na’ lalan penaa makarra’ku – napobannang umparampo kasanggangan lako padang kauaian sia lako padang karangkean –,

IBRANI 9:27

Susitu tolino manassamo den pissan nala mate, namangkato namane dipaolai salunna,

YOSUA 7:21

Belanna kutiro lan to apa dirampa sanglamba’ bayu lamba’ Sinear, lendu’ melona, sia dua ratu’ sikele’ salaka sia sanglongki’ bulaan, tu limangpulo sikele’ magasanna, kukamoraimi, angku alai. Mintu’na to kubuni diong padang lan tangnga-tangnga tendaku sia iatu salakana diongna lu.

2 PETRUS 3:7

Apa iate langi’ sola lino te denna totemo, susi ianan dianna rara’, diparandanan api, tete dio duka kada iato sae lako allo kadiukungan sia kasangganganna mintu’ to battuk.