TOMANGADA’ 11:2 - Sura' Madatu

² Taa pitui, ondongpi taa karuai tu iannato belanna tae’ muissanni kamandasan apara la urrampoi te lino.

TOMANGADA’ 11:2 ပူးပေါင်းရင်းမြစ်များ

NEHEMIA 8:10

Ma’kadami tu Nehemia, iamotu to maraa, sola Ezra, tu to minaa na pandita sura’ sola mintu’ to Lewi, tu unnada’i bangsana, nakua: Maindan te allo iate lako PUANG, Kapenombammi; iamoto da namasussa tu penaammi sia da mitumangi’. Belanna tumangi’ tu mintu’ bangsa iato, tonna rangii tu kada Sukaran aluk.

ESTER 9:19

Iamoto napakarayai mintu’ to Yahudi lan lu tondok, iamotu mai tau torro lan lu kota, tu tang dirinding tembo’, tu allo ma’pessangpulo a’pa’ bulan Adar susi misa’ allo kaparannuan sia pa’maruasan sia susi misa’ allo tu nanii tau pada sikada’pan.

ESTER 9:22

belanna allo iamote tu nanii to Yahudi unnappa’ karapasan dio mai ualinna sia bulan iamote tu nanii kamasussan membali kaparannuan lako tau iato mai sia passanda bolongan membali misa’ allo pa’gauran, sia allo iato la dipadadi allo pa’maruasan sia kaparannuan, tu nanii tau pada sikada’pan sia umpa’bengan pa’kamase lako to mase-mase.

AYUB 5:19

Pennannanko lan kapussakan, anna Ia urrampananko, sia pempitu tae’ nanii urruako kakadakean.

PA’PUDIAN 112:9

Tibungka’mo pala’ mamasena sia mamengan lako to mase-mase, iatu kamaloloanna tontong sae lakona, sia salobo’-lobo’na tu tandukna mala’bi’.

SARAMBU PEADA’ 19:17

Minda-minda ungkamasei tobongko, ma’peindan lako PUANG, Puangmo la umpakkanni tu kameloanna.

SARAMBU PEADA’ 6:16

Inde sia tu annan pasirua tu Nakabiri’ PUANG, ondongpi pitu tu Nakagalli tongan:

TOMANGADA’ 11:3

Ianna maru’gun tu gaun, umbanasami tu uran kamban tama lino; sia ianna songka tu batang kayu lu sau’ ba’tu lu rekke, iatu nanii songka, inde dukato nanii sumpandan.

TOMANGADA’ 11:8

Iamoto, iake tuoi tu tau masai, melo, ke parannui tu penaanna diona tu mintu’nato, apa sipatu duka la nakilalai, kumua buda tu allo la nanii kamalillinan: Iatu mintu’na apa la dadi tae’ gai’na.

TOMANGADA’ 12:1

Iamoto, kilalai tu Totumampamu lan attu kamangurammu, namane sae tu allo kadake sia taun, tu la mupokada diona a’ganna: Tae’ naalai penaangkuto.

DANIEL 4:27

Iamoto, e datu, lala siai manii naala penaammi tu pa’pakilalangku kumua puttaimi tu kasalammi tete dio kamalamburan sia puttaimi tu kakelokammi tete dio ungkamasei to makario-rio, dennoupa’ anna dipamalambe’ tu karapasan dio kalemi.

MIKHA 5:5

tu la umpakandei domba tu tondok Asyur sia tondokna Nimrod lan lu babanganna, anna purai pa’dang. Sia la mangrampanan dio mai Asyur, ke saei tu tau iato mai tama tondokta sia iake ullesei lili’ta.

MATIUS 18:22

Nakuami Yesu lako: Kukua mati’: tae’ nasae manna lako ma’pempitunna, sangadinna sae lako ma’pempitungpulona pempitu.

MATIUS 5:42

Benni tu to malaku lako kalemu, sia da mupa’taeranni tu to la morai mangindan mati’.

LUKAS 17:4

Iake kasalanni lako kalemu pempitu lan sangallo, napempitu duka sae lako kalemu kumua: menassanmo’, la mupamasero duka kasalanna.

GALATIA 6:1

E kamu sangsiulurangku, iake denni misa’ tau diappa’ umpogau’ kasalan, kamu tu Natorroinna Penaa la umpemeloi tau iato situru’ sorong inaa, ammi kanandai kalemi, da anna kamu duka narampoi peroso.

EFESUS 5:16

da mimatei punala allo, belanna attu iate, attu kadake.

IBRANI 13:3

Kilalai tu to ditarungku, butung pada ditarungkukomi, sia iatu to dipakario-rio butung batang kalemi dipakario-rio.

1 SAMUEL 25:8

Melo mipekutanan tu iannato lako taummi, manassa napokada tau iato mai lako kalemi. Iamoto melo ke umpa’pekitanangkomi pa’kamaseammi lako tau iato mai, belanna saekanni ussitammuangkomi lan attu melo. Benni dikka’ te kaunanmi sia Daud, anakmi, padami narurunna limammi.