TOMANGADA’ 10:19 - Sura' Madatu

¹⁹ Napogau’mo tau tu pa’maruasan, anna poparannui penaanna, sia iatu uai anggoro’ umpamarua’ katuoanna tau, sia iatu doi’ umpadenni tu mintu’nato.

TOMANGADA’ 10:19 ပူးပေါင်းရင်းမြစ်များ

KADADIAN 43:34

Naangka’mi tau tu pa’sanduk dio mai olona Yusuf lako tingayona tau iato mai, apa iatu sandukanna Benyamin pellima losongna na iatu sandukanna to senga’. Mangiru’mi tu tau iato mai sola, sia sende-sende.

2 SAMUEL 13:28

Nasuami Absalom tu taunna susite: Manta-manta meloi, iake parannu-rannumi penaanna Amnon napobua’ anggoro’, angku kuai lako kalemi: patei tu Amnon, manassa la mipatei; da mimataku’, belanna aku ussuakomi. Iamoto la umpabatta’komi penaammi sia baranikomi.

1 OSSORANNA DATU 21:24

Apa nakua tu datu lako Ornan: Tae’ nasusito, sangadinna inang la kualli sipatunna allinna, belanna tae’ kumorai umpennoloanni lako PUANG tu apammu sia tae’ angku pemalaranni tu pemala’ ditunu pu’pu’, tu apa tang kualli.

EZRA 1:6

Iatu mintu’ to ma’tondok untikui, untundui pareanan salaka, bulaan, ianan sia patuoan sia ba’tu sangapa-apa ianan ballo, senga’pi tu mintu’ pa’kamase tanning inaa.

NEHEMIA 5:8

angku ma’kada lako kukua: Mintu’ siulu’ta, iamotu to Yahudi, tu mangka dibaluk lako to kapere’, kila’bakmo sitinaya pakulleki; apa iatu kamu mibaluk tu siulu’mi, na iatu tau iato mai umbaluk kalena lako kaleki! Kappami tu tau iato mai sia tang naissan mebali.

ESTER 1:10

Iatonna allo ma’pempitu, parannumi tu penaanna datu napobua’ anggoro’, anna mesua lako Mehuman, Bizta, Harbona, Bigta, Abagta, Zetar na Karkas, pitui tu to mase’ponna datu, tu umparakai datu Ahasweros,

PA’PUDIAN 104:15

Sia uai anggoro’ tu umpasende tolino, sia minnak tu umpatibangka’ rupanna, sia bo’bo’ tu umpamalapu’ penaanna tolino.

PA’PUDIAN 112:9

Tibungka’mo pala’ mamasena sia mamengan lako to mase-mase, iatu kamaloloanna tontong sae lakona, sia salobo’-lobo’na tu tandukna mala’bi’.

TOMANGADA’ 2:3

Kuparessa duka tu penaangku angku pemanamanni kaleku unniru’ uai anggoro’ – na iatu penaangku umpasirundunanni tu iannato diona kakinaan – sia unturu’ katangpaissanan, sae lako kutiro tu apa losong melona la napogau’ ma’rupa tau tu nasambo langi’ lan katuoan tang masae lako.

TOMANGADA’ 9:7

Iamoto parannuko ungkandei tu kandemu sia pasendei tu penaammu unniru’i tu uai anggoro’mu, belanna iake mupogau’i tu iannato, inang masai allomo pa’poraianNa Puang Matua susito.

YESAYA 23:18

Na attu iato, iatu pandakaranna sia saro passulo bonginna la dipamarimbanganan PUANG, tae’ anna patorroi ba’tu naanna, sangadinna iatu saro pa’pabu’tunna la dipalulako to tongkon dio oloNa PUANG, anna kandei sadia’na sia napetamangkale balloi.

YESAYA 24:11

Urruk mannamo dio lu lalan, belanna tae’ uai anggoro’; mintu’ kasendean pa’demo; mintu’ la’tek silelean lan lino pu’du’mo.

MATIUS 17:27

Apa dikuari daa’ anna katannarangki’ tu mati’ tau, dadi laoko mamekan rokko tasik, ammu alai tu bale bunga’ pealammu; sia iammu bungka’i tu sadangna, la mukabu’tui tu doi’ a’pa’ dirham; alai tu doi’ iato, ammu sorongi lako tu tau, pamaya’Ku na iko.

MATIUS 19:21

Nakuami Yesu ungkuanni: Iake la moraiko tae’ sayuammu, malemoko, mubalukanni tu apa-apa dio kalemu, mupa’kamaseanni lako to kalala’, ammu ampui ianan dao suruga; ammu male mai undi urrundu’Na’.

LUKAS 12:19

angku ma’kada lako deatangku susite: E deatangku, budamo ianan dio kalemu ma’toppo’-toppo’, moi pirang-pirang taun silasa duka, popelayomoko kalemu, kumandeko sia mangiru’-iru’ko sia parannu-rannuko.

LUKAS 16:9

Kukua lako kalemi: Pakei massangmane tu ianan tang manassa, sangapaoi, ke nasalaikomi, la natarima siakomi lan banua tontong sae lakona.

LUKAS 8:3

Yohana, bainena Khuza, to manappa’ lan banuanna datu Herodes sia Susana sia budapa tau senga’, tu ungkaritutui umbenni apa-apanna.

PENGGAURANNA RASULU’ 11:29

Nasituru’imi tu to menturu’ pada umpopatu patunna anna umpakatu pa’tulungna lako to menturu’ dio tana Yudea.

PENGGAURANNA RASULU’ 2:45

Dennoi umbalukan iananna sia apanna sipapantanni sola nasang, pantan napapatui naben tu mai kakuranganna.

1 PETRUS 4:3

Belanna silasamo tu attu lendu’ minii mangka umpogau’i tu pa’poraian to kapere’, umpogau’ passulo bongi, kamailuan, malango, ma’dadu tambuk, tang ussanda mangiru’, menomba sanda kadake lako deata.

TO PARENGNGE’ 14:10

Attu iato malemi tu ambe’na Simson lako baine iato, napogau’i Simson tu pa’maruasan, belanna susimo kabiasanna pia muane to.

TO PARENGNGE’ 9:13

Apa mebali tu garonto’ anggoro’, nakua: Ma’apai angku la utampei tu uai matappa’ku, tu Napoparannu Puang Matua sia mintu’ to lino, angku la male mempoyang dao lu mintu’ lolok kayu?

1 SAMUEL 25:36

Iatonna rampomo tu Abigail lako Nabal, natiromi: lan banuanna den misa’ pa’maruasan susi pa’maruasan datu sia parannu paiman tu penaanna Nabal sia lendu’ ia malangona. Iamoto anna moi sangbuku kada tae’ napokada Abigail lako kalena, la kapua, la bitti’ sae lako melambi’na.