TOMANGADA’ 1:9 - Sura' Madatu

⁹ Iatu apa denmo dolona, ia dukato tu la den; sia iatu apa dipogau’mo, ia dukato tu la dipogau’; moi misa’ tae’ tu ba’runna lan naarrang matanna allo.

TOMANGADA’ 1:9 ပူးပေါင်းရင်းမြစ်များ

TOMANGADA’ 1:10

Iake den misa’ apa tu napokada tau: Tiromi, iamote tu ba’ru – inang denmo ia dolo-dolona to na linota.

TOMANGADA’ 2:12

Mangkato messaileomo’ la untiro kakinaan sia kabagan sia katangpaissanan, belanna umba nakua tu tangnga’na tau tu la ussonda datu tu diona apa mangka napogau’ datu?

TOMANGADA’ 3:15

Mintu’na tu apa den totemo, inang den dolomo, sia iatu apa la den inang den dukamo dolona; sia Natuntun pole’ Puang Matua tu apa lendu’mo.

TOMANGADA’ 6:10

Moi umba nakua tu tau, apa disa’bu’mo tu sanganna dolo sia ditandaimo kumua tolino iato; tae’ nakullei umparapa’ Puang, tu mandu matoto’ na ia.

TOMANGADA’ 7:10

Da muma’kada kumua: Matumbari anna melo ia tu mintu’ attu dolo na iatu attu totemo? Belanna tae’ nabannang dio kakinaan munii umpekutananni tu iannato.

YESAYA 43:19

manassa la umpadenNa’ apa ba’ru, sia la mellolo; ma’apai ammi tang la unnissanni undinna? La Kupaden tu batatta dio lu padang aak sia salu dio lu padang talo.

YEREMIA 31:22

Sangapapako la ma’marempa-rempa, e anak dara, magasa penaanna? Belanna Napadenmo PUANG tu misa’ apa ba’ru lan lino, iamotu baine umpakatuan pangngan muane.

2 PETRUS 2:1

Apa den dukamo dolona ba’tu pira nabi mo’rang dio lu to Israel, susi duka tu kamunna la bu’tu ba’tu pira guru ma’papusa, la umbaa buni pangadaran sala, tu untumang tau, sia napeonganni tu Puang mangka ulla’bakki’, sia umpasae kasanggangan madoi’ lako kalena.

KADA OMBO’ LAKO RASULU’ YOHANES 21:1

Pakalan kutiro polemi tu langi’ ba’ru sia lino ba’ru, belanna iatu langi’ sia lino bunga’na lanna’mo, sia iatu tasik tae’ dukamo.

KADA OMBO’ LAKO RASULU’ YOHANES 21:5

Pakalan na iatu To unnisung dao isungan kapayungan iato, ma’kada Nakua: Tiroi, Kupopemba’ru nasang. Sia Nakuapa: Sura’i, belanna kada iate matappa’ sia tonganna.