TOMANGADA’ 1:6 - Sura' Madatu

⁶ Iatu angin mangiri’ ma’palusau’, namane tibalik ma’palurekke, natontong male mengguririk, nasuleo dio pengguririkanna.

TOMANGADA’ 1:6 ပူးပေါင်းရင်းမြစ်များ

AYUB 37:17

kamu tu to nananang allo pakeammi, ke rammanni tu kuli’na padang napobua’ kamalassuan dio mai rampe lo’nalu?

AYUB 37:9

Iatu angin bara’ tassu’ lan mai pangrampunanna, sia kamadinginan lan mai pa’palumpunanna.

PA’PUDIAN 107:25

Ma’kadami umpasae angin bara’, tu umpakapua mintu’ bombangna.

PA’PUDIAN 107:29

Naparadanmi tu bara’ iato, anna rapa’ tu bombang.

TOMANGADA’ 1:7

Iatu mintu’ salu lolong tama tasik, apa tae’ naponno len tu tasik; iatu naninna salu lolong, inde dukato nanii tontong lolong.

TOMANGADA’ 11:5

Susitu iko tae’ mutandai tu lalanna angin sia umba nakua tu bukunna pia lan pa’tambukanna misa’ baine ma’tambuk, susi dukamoto tae’ muissanni tu penggauranNa Puang Matua, tu ungkombong mintu’na.

YUNUS 1:4

Apa Napasae PUANG tu angin bara’ dao tasik, anna ma’pamumbuk lan tasik, naurungan iatu kappala’ sidi’mora nasabu’.

MATIUS 7:24

Iamoto minda-minda tu urangii te mintu’ kadangKu naturu’i, iamo dipasusi misa’ to kinaa tu umpabendan banuanna dao batu lappa’,

MATIUS 7:27

saemi uran kamban, nasaba’ tu uai sia angin bara’ ma’pamumbuk anna tu’ba’i tu banua: ro’pokmi naumbassan male.

YOHANES 3:8

Iatu angin umba-umba ia nanii mangiri’ tu naporainna, na mirangi sia tu mongngo’na, apa tae’ miissanni umba nanii sae sia umba naola. Tenmoto tu mintu’nato dadi lu dio mai tu Penaa.