TOMANGADA’ 1:3 - Sura' Madatu

³ Apara sarona tu tolino lan mintu’ ra’ta’na, tu nakara’ta’i, lan naarrang matanna allo?

TOMANGADA’ 1:3 ပူးပေါင်းရင်းမြစ်များ

TOMANGADA’ 2:11

Iatongku messaile lako mintu’ panggaraga limangku, sia lako sara’ tu kunii mara’ta’ la ungkarangi tu iannato – manassa iatu mintu’nato tae’ gai’na sia susito unnula’ angin sia tae’ kamauparan lan naarrang matanna allo.

TOMANGADA’ 2:18

Ondongpi, kukagi’gi’ tu mintu’ sara’ku, tu kunii mara’ta’ lan naarrang matanna allo, belanna inang la kutampean to undi na aku.

TOMANGADA’ 2:19

Sia mindara untandai, ba’tu to kinaaraka, ba’tu to baga; moi nasusi to iamo la ungkuasai tu mintu’ apa kukara’ta’i sia kukarang situang kakinaangku lan naarrang matanna allo; ia duka tu apa iato tae’ gai’na.

TOMANGADA’ 2:22

Apara poleanna tu tau diona mintu’ sara’na sia mintu’ apa naanga’ penaanna, tu nakara’ta’i lan naarrang matanna allo.

TOMANGADA’ 3:9

Apara napolean tu to mengkarang dio mai tu apa nakara’ta’i?

TOMANGADA’ 4:3

Sia kumua losong pole’pa ia upa’na na mintu’ tau iato tu to tae’pa nadadi sia tae’pa natiroi tu penggauran kadake tu dipogau’ lan naarrang matanna allo.

TOMANGADA’ 4:7

Kutiro pole’omi tu misa’ apa tae’ gai’na lan naarrang matanna allo;

TOMANGADA’ 5:16

Ondongpi ungkande bang kandena lan mintu’ allo katuoanna nakabu’ kamalillinan, sia umperasai buda karossoan penaa sia kamaparrisan sia saki inaa.

TOMANGADA’ 5:18

Susi dukato minda-minda tu Nakamasei Puang Matua kasugiran sia ianan buda sia Naelorampa la ungkandei to sia la unnalai tu taana, sia la umposende ra’ta’na – iatu iannato misa’ pa’kamaseNa Puang Matua.

TOMANGADA’ 6:12

Mindara untandai tu apa napomelona tolino lan katuoan iate, lan allo katuoan sangattu’ na, tu tae’ gai’na, tu tuo lan sangattu’ sangtinti bayo-bayo? Belanna mindara ma’din la umpokadanni tolino tu apa la dadi undinna lako kalena lan naarrang matanna allo?

TOMANGADA’ 7:11

Iatu kakinaan pada melona mana’ sia napoupa’ tu to untiro mata allo.

TOMANGADA’ 9:13

Ia dukamote kutiro tu misa’ apa lan naarrang matanna allo iato tu kakinaan, tu umpatiakka’ tongan penaangku.

TOMANGADA’ 9:3

Inde sia tu apa tarru’ kadake tu mintu’na dadi lan naarrang matanna allo, iamotu pada tu dalle’ urrampoi sola nasang; iamoto iatu penaanna ma’rupa tau ponno kakadakean, sia kapusan lan penaanna lan mintu’ allo katuoanna; sia undinnato mintu’ tau ma’palulako inan tomate.

TOMANGADA’ 9:6

Susimoto tu kamamaliranna sia kasikabirisanna sia kamangimburuanna masaimo pa’de; sia tae’mo apa napotaa sae lakona tu mintu’na dadi lan naarrang matanna allo.

YESAYA 55:2

Ma’apai ammi palaoi doi’ tu tangia kande sia polean ra’ta’mi tu tang mepedia’ina? Perangii meloNa’, ammi kandei tu apa maelo, sia anna pasende kalena tu deatammi situang kaseboan.

HABAKUK 2:13

Tonganna, tae’raka nalu dio mai PUANGna mintu’ ma’dandan maritik, kumua mintu’ bangsa tang mekata’ka’ umpandakaran api sia mintu’ to sangpetayanan tang mekabo’yo’ umpandakaranni tu apa tae’ gai’na.

HABAKUK 2:18

Apara gai’na tu rapang-rapang dipodeata dipa’, belanna to ma’pa’ unggaragai? Apara gai’na tu rapang-rapang dipodeata dipati’no’, iamotu misa’ panganda’ tang tongan, moi anna posande’ bangi to unggaragai tu panggaraga limanna? Tae’raka nadeata mamang tu nagaragai?

MATIUS 16:26

Belanna apara la napomaupa’ tau, moi naassangi te lino, apa karugian deatanna? Ba’tu apara tu sipatu la nasorong tau la nasondan deatanna?

YOHANES 6:27

Da mira’ta’i kalemi undaka’i tu kande tang marendeng, sangadinna iari tu kande marendeng, tu la Nabenkomi tu Anak rampan dilino; belanna Iamotu mangka Napamanassa Puang Matua Ambe’.

1 KORINTUS 16:16

Ammi mengkaola lako tu to susito sia lako tu mai mintu’ to patunduan sia to mara’ta’.