TOMANGADA’ 1:17 - Sura' Madatu

¹⁷ susimoto kunii umpatu’tunni lan penaangku la untandai tu kakinaan sia kapaissanan sia kabagan sia katangpaissanan. Apa kutandaimo, kumua ia duka tu iannato susiki’ to unnula’ angin.

TOMANGADA’ 1:17 ပူးပေါင်းရင်းမြစ်များ

PA’PUDIAN 73:16

Susito ma’tangnga-tangnga’mo’ la morai unnissanni, apa masu’sak duka kutangnga’.

TOMANGADA’ 12:8

Tae’ liu gai’na, kadanna Tomangada’, mintu’na tae’ nasang gai’na!

TOMANGADA’ 2:17

Iamoto kukagi’gi’mi te katuoan iate, belanna kadake dio pentiroku tu pengkarangan dipogau’ lan naarrang matanna allo; iatu mintu’nato tae’ gai’na sia susiki’ to unnula’ angin.

TOMANGADA’ 2:3

Kuparessa duka tu penaangku angku pemanamanni kaleku unniru’ uai anggoro’ – na iatu penaangku umpasirundunanni tu iannato diona kakinaan – sia unturu’ katangpaissanan, sae lako kutiro tu apa losong melona la napogau’ ma’rupa tau tu nasambo langi’ lan katuoan tang masae lako.

TOMANGADA’ 3:19

Belanna iatu lampakna ma’rupa tau susi bangsia lampakna olo’-olo’, ondongpi misa’ lampakri sola duai: susitu olo’-olo’ mate, susi dukato tu ma’rupa tau mate, sia sangrupari tu napopenaa sola nasang, tae’ tu losongna tolino na olo’-olo’; belanna iatu mintu’nato tae’ gai’na.

TOMANGADA’ 4:4

Kutiro duka, kumua iatu mintu’ sara’ sia mintu’ kamalintaran mengkarang, umpabu’tu kamangimburuanna misa’ tau lako solana; ia duka tu apa iato tae’ gai’na sia susito unnula’ angin.

TOMANGADA’ 4:6

Iatu kamanamanan sangraku’ losong melona na iatu duang ka’pan ponno sara’ sia unnula’ angin.

TOMANGADA’ 6:9

Melo iatu patiro mata na iatu kamailuan, tu tontong male ma’duttu’. Ia duka tu apa iato tae’ gai’na sia susito unnula’ angin.

TOMANGADA’ 8:16

Iatongku palan penaami la untandai kakinaan sia la untiroi tu mintu’ sara’, tu dadi dao kuli’na padang, anna tae’ natandai kamammaran tu tolino keallo sia kebongi –,

TOMANGADA’ 9:3

Inde sia tu apa tarru’ kadake tu mintu’na dadi lan naarrang matanna allo, iamotu pada tu dalle’ urrampoi sola nasang; iamoto iatu penaanna ma’rupa tau ponno kakadakean, sia kapusan lan penaanna lan mintu’ allo katuoanna; sia undinnato mintu’ tau ma’palulako inan tomate.

1 TESALONIKA 5:21

Sangadinna sudi tu mintu’na, na iatu melona la mitoe.