TOMANGADA’ 1:13 - Sura' Madatu

¹³ sia kupapatuimo penaangku la untuntun tonganni sia umparessai tu kakinaan lan mintu’ apa dadi nasambo langi’. Iamoto tu misa’ pengkarangan masussa Nasorong Puang Matua lako ma’rupa tau kumua anna mara’ta’ ungkarangi.

TOMANGADA’ 1:13 ပူးပေါင်းရင်းမြစ်များ

KADADIAN 3:19

La to’dopi tu ma’pu’mu, mumane ungkande kandemu, sae lako sulemu pole lako litak, belanna dio mai dinii unnalako. Apa litakko, dadi la sule lako dukako litak!

AYUB 28:3

Natappui tau tu kamalillinan, sia sumpu sae rokko nanii tau umparessai tu membatunna lan kamalillinan sia lan kapittukan.

PA’PUDIAN 111:2

Mala’bi’ tongan tu mintu’ penggauranNa PUANG, tu sipatu nanannung mintu’ to umposendei.

SARAMBU PEADA’ 18:1

Minda-minda untoyangan kalena iamo unturu’ lalan pa’poraianna, sia karede-redean, unnea mintu’ pa’tangngaran melo.

SARAMBU PEADA’ 18:15

Iatu penaanna to unnampui tangnga’ kinaa, ungkabu’tui kapaissanan, sia iatu talinganna to kinaa undaka’ kapaissanan.

SARAMBU PEADA’ 23:26

E anakku, sorongi tu penaammu lako kaleku, sia la naposende matammu tu diona lalanku.

SARAMBU PEADA’ 25:2

Iamo Napomala’bi Puang Matua tu umbuni apa Napogau’, apa iatu napomala’bi’ datu iamotu umparessa kara-kara.

SARAMBU PEADA’ 4:7

Iatu pamulanna kakinaan, iamotu sipatu la mudaka’ tu kakinaan, sia daka’i tu pakita penaa siangga’ mintu’ apa dio kalemu.

TOMANGADA’ 1:17

susimoto kunii umpatu’tunni lan penaangku la untandai tu kakinaan sia kapaissanan sia kabagan sia katangpaissanan. Apa kutandaimo, kumua ia duka tu iannato susiki’ to unnula’ angin.

TOMANGADA’ 11:5

Susitu iko tae’ mutandai tu lalanna angin sia umba nakua tu bukunna pia lan pa’tambukanna misa’ baine ma’tambuk, susi dukamoto tae’ muissanni tu penggauranNa Puang Matua, tu ungkombong mintu’na.

TOMANGADA’ 12:12

Na iatu senga’nato, e anakku, kana’nai tu kalemu, belanna iatu untono’ buda sura’, tae’ upu’na, sia iatu umparessa buda apa, umpalangga’ kaleta.

TOMANGADA’ 2:23

Ke ungkarangi pengkaranganna lan mintu’ allo katuoanna situang kamasussan sia karossoan, sia moi mabongi tae’ narapa’ penaanna? Ia duka tu apa iato tae’ gai’na.

TOMANGADA’ 2:26

Belanna iatu to melo dio pentiroNa Puang Naben kakinaan, kapaissanan sia kaparannuan, apa iatu to tae’ naalai penaanNa, Napatakoi pengkarangan la mangrampun sia ma’pakombong, kumua anna sorongi lako minda-minda tu naala penaanNa Puang Matua. Ia duka tu apa iato tae’ gai’na sia susito unnula’ angin.

TOMANGADA’ 3:10

Kupemarangamo tu pengkarangan Nasorong Puang Matua lako mintu’ ma’rupa tau kumua anna mara’ta’ ungkarangi.

TOMANGADA’ 3:11

Mangkamo Napadadi melo tu mintu’na lan attunna sia Napatama duka lan penaanna tolino tu pa’tangngaran diona apa situran-turan tempon dio mai, apa moi misa’ tae’ natandai tolino tu diona pengkarangan Nakarang Puang Matua dio mai pamulanna sae lako ma’katampakanna.

TOMANGADA’ 4:4

Kutiro duka, kumua iatu mintu’ sara’ sia mintu’ kamalintaran mengkarang, umpabu’tu kamangimburuanna misa’ tau lako solana; ia duka tu apa iato tae’ gai’na sia susito unnula’ angin.

TOMANGADA’ 4:8

iamotu misa’ tau tae’ solana, moi anakna ba’tu siulu’na tae’ duka, apa moi susito tae’ duka upu’na tu mintu’ sara’na; sia tae’ namangingngi’ tu matanna untiroi tu mintu’ kasugiranna; – mindara la umpomaupa’i angku mara’ta’ bangra sia tang unneloran kaleku umperasai tu melona? Ia duka tu iannato tae’ gai’na sia misa’ apa kadake.

TOMANGADA’ 7:25

Kupapatui penaa tu iannato sia naparinaamo penaangku la unnappa’ kapaissanan, la ma’paressa sia la undaka’i tu pa’rampoananna situang kakinaan sia la untandai, kumua iatu katangmekaalukan iamo kabagan sia iatu katangpaissanan iamo kapusan.

TOMANGADA’ 8:9

Mintu’nate kutiromo tongku nannungi tu mintu’ penggauran dipogau’ lan naarrang matanna allo, ke attunna misa’ tolino ungkuasai senga’na anna pomandasai tu to dikuasai.

1 TIMOTIUS 4:15

La mupalan ara’ tu iannato, sia la mupangu’gui, anna payan lako mintu’ tau tu sakakendek-kendekammu.