SURA’ KATOMINAAN 7:2 - Sura' Madatu

² Dio inan dinii untunui tu pemala’ ditunu pu’pu’, iamo la dinii untunui tu suru’ pangakuan sala; sia iatu rarana la dipa’pi’pikan tiku lao dao inan pemalaran.

SURA’ KATOMINAAN 7:2 ပူးပေါင်းရင်းမြစ်များ

YESAYA 52:15

susi dukato buda bangsa la bangngo ara’na, sia la napotangtiku’bi’ pudukna mintu’ datu, belanna iatu apa tang nauleleanpa tau, nata’paimo matanna, sia iatu apa tang tamapa talinganna, naissanmo.

YEHEZKIEL 36:25

La Kubura’komi uai masero, ammi masero; la Kupamaserokomi dio mai mintu’ kamaruttakammi sia dio mai mintu’ rapang-rapang dipodeatammi.

YEHEZKIEL 40:39

Nalan sarambi babangan nanii bendan da’dua meda, misa’ indena mai namisa’ diona lu, tu nanii tau untunu pemala’ ditunu pu’pu sia suru’ pengkalossoran sia suru’ pangakuan sala.

SURA’ KATOMINAAN 1:11

La natunu dio rampe daanna lu inan pemalaran dio oloNa PUANG; anna anakna Harun, tu to minaa la umpi’pikki rara tiku lao dao inan pemalaran iato.

SURA’ KATOMINAAN 1:3

Iatu pemala’na, ke misa’i pemala’ sapi ditunu pu’pu’, manassa ia la napemalaran tu lakinna, tu tae’ tattanna. La nabaa lako ba’ba Tenda Kasitammuan kumua anna padenanni kapaimanan dio oloNa PUANG.

SURA’ KATOMINAAN 1:5

Mangkato natunumi tu sapi iato dio oloNa PUANGna iatu anakna Harun, tu mai to minaa, unnalai tu rara nabaai la napa’pi’pikan tiku lao dao inan pemalaran, tu dio to’ ba’ba Tenda Kasitammuan.

SURA’ KATOMINAAN 14:13

La narere’ tu domba iato dio inan nanii tau urrere’ suru’ pengkalossoran sia iatu pemala’ ditunu pu’pu’, dio to’ inan maindan, belanna susi suru’ pengkalossoran susi dukamoto tu suru’ pangakuan sala, napotaa to minaa, iamoto tu tarru’ maindan.

SURA’ KATOMINAAN 3:2

La naremme’ tu ulu pemala’na sia la natunu dio to’ ba’ba Tenda Kasitammuan, sia iatu rarana la napa’pi’pikan to minaa, iamotu mai anakna Harun, tiku lao dao inan pemalaran.

SURA’ KATOMINAAN 3:8

sia la naremme’ tu ulu pemala’na, anna tunui dio to’ ba’ba Tenda Kasitammuan, sia iatu rarana la napa’pi’pikan anakna Harun tiku lao dao inan pemalaran.

SURA’ KATOMINAAN 4:24

La naremme’ tu ulu bembe’ laki iato sia la natunu dio to’ inan, tu dinii untunu pemala’ ditunu pu’pu’ dio oloNa PUANG; iamote tu suru’ pengkalossoran.

SURA’ KATOMINAAN 4:29

La naremme’ tu ulu suru’ pengkalossoran iato, anna tunui tu suru’ pengkalossoran dio to’ inan dinii untunu pemala’ ditunu pu’pu’.

SURA’ KATOMINAAN 4:33

La naremme’ tu ulu suru’ pengkalossoran iato, anna tunui diposuru’ pengkalossoran dio to’ inan dinii untunu pemala’ ditunu pu’pu’.

SURA’ KATOMINAAN 5:16

Iatu maindanna tu naposala la nasondai sia la narangnganni pole’pa pissan taa ma’pellimanna; la nabaa lako to minaa anna to minaa umpadenanni kadiseroian kasalan tete dio domba laki iato tu diposuru’ pangakuan sala, namane dipagarri’.

SURA’ KATOMINAAN 5:7

Apa iake tang nabelai umpaden misa’ patuoan bitti’, la napennoloan lako PUANG tu da’dua bu’ku’, ba’tu da’dua anak dangan-dangan la usseroi tu kasalan napogau’, iamotu misa’ la diposuru’ pengkalossoran, na iatu misa’ dipopemala’ ditunu pu’pu’.

SURA’ KATOMINAAN 5:9

Iatu rara suru’ pengkalossoran la napa’pi’pikan pira dio to’ rinding inan pemalaran, apa iatu rara torronapa la diparra tu duku’na, anna to’do tu rarana dio to’ lette’ inan pemalaran; iamote tu misa’ suru’ pengkalossoran.

SURA’ KATOMINAAN 6:25

Pokadai lako Harun sia lako mintu’ anakna kumua: inde sia tu atoran suru’ pengkalossoran: dio inan dinii untunu pemala’ ditunu pu’pu’, inde dukato la dinii untunui tu suru’ pengkalossoran dio oloNa PUANG, iamoto tu tarru’ maindan.

SURA’ KATOMINAAN 6:7

Napadenanni kadiseroian kasalan to minaa dio oloNa PUANG, namane dipagarri’ tu diona mintu’ apa naposala.

KADIBILANGAN 6:12

Anna pamarimbanganan polei PUANG tu attu nasirinNa Puang Matua, anna pennoloanni tu misa’ domba sangtaunmo la diposuru’ pangakuan sala; iatu attu dolo tang la dibilangmo, belanna iatu Kanasirinna maruttakmo.

IBRANI 11:28

Bannang dio dukamora kapatonganan anna pogau’i tu Pa’pasa sia aluk ma’pi’pik rara, kumua da anna rumbui malaeka’ umbaa kasanggangan tu mai anak pa’bunga’na to Israel.

IBRANI 12:24

sia lako Yesu, To paritangngana basse ba’ru, sia lako rara dipa’pi’pikan, tu umpokada apa mandu melo na iatu napokadanna rarana Habel.

1 PETRUS 1:2

tu ditonno’ situru’ paissan temponNa Puang Matua, Ambe’, Napamasallo’ Penaa lu lako kaumpengkaolaian Yesu Kristus sia pa’pi’pikan raraNa: denno upa’ anna sakerangngan-rangnganna tu pa’kamasean sia kamarampasan lako kalemi.