SURA’ KATOMINAAN 13:4 - Sura' Madatu

⁴ Apa iake panoanni tu naninna saki dio kuli’na, sia tae’ napayan kumua mandalan na iatu kuli’na sia tae’ namemmabusa tu bulunna, la nakurung to minaa tu to masaki iato pitung allo.

SURA’ KATOMINAAN 13:4 ပူးပေါင်းရင်းမြစ်များ

KADIBILANGAN 12:15

Dipasalianmi to’ tenda tu Miryam pitung allo; iatu tau iato tae’pa nake’de’ dio mai, tonna tae’pa nasule tu Miryam sirau tau.

1 TIMOTIUS 5:24

Iatu kasalanna tau pira payan bang, naurunganni undoloi lako ukunganna; apa iatu kasalanna tau pira undipi namane payan.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

YEHEZKIEL 44:10

Apa iatu to Lewi, tu untoyangan tarru’mo kalena dio mai Kaleku, tonna pusa tu to Israel-inang memboko’mo tu tau iato mai dio mai Kaleku unturu’ rapang-rapang dipodeatanna –, iatu to Lewi iato mai la untanggung kakadakeanna.

PA’TOLE 13:14

attu iato la muparessa melo sia la mupekutanan tongan; iake tonganni sia manassa, kumua den apa megallian dipogau’ dio lu kamu,

SURA’ KATOMINAAN 13:3

Anna to minaa iato untiroi tu naninna saki iato dio kuli’na; iake memmabusai tu bulu dio to’ naninna saki sia payan tu saki iato mandu mandalan anna kuli’na, manassamo golen. Iake mangkami natiro la napamanassa to minaa kumua maruttak.

SURA’ KATOMINAAN 13:5

Iake allo ma’pempitu, la natiromo to minaa to; ianna payanmo kumua tontong bang sia tu naninna saki iato sia tae’ namanglalla’ dio kuli’na, manassa la nakurung pole’pa to minaa pitung allo.

SURA’ KATOMINAAN 13:11

iamoto tu golen masaimo dio kuli’na, sia tae’mo na la ungkurungi to minaa, belanna maruttak ia.

SURA’ KATOMINAAN 13:31

Apa iake natiroi to minaa tu inan nanii kele sia tae’ napayan kumua mandalan na kuli’na, sia tae’ duka beluak malotong dio, la nakurung to minaa tu to kelean pitung allo.

SURA’ KATOMINAAN 13:25

la natiro to minaa; na iake payanmi kumua membali mabusamo tu bulu dio pano iato sia iake payanmi kumua mandu mandalan na kuli’na, manassamo golen tu la dio pangla’poan iato; na to minaa la umpamanassai kumua maruttak; iamoto tu golen.

SURA’ KATOMINAAN 13:26

Apa iake natiroi to minaa, anna payan kumua tae’ bulu mabusa dio pano iato sia tae’ namandalan na iatu kuli’na, apa tangganmo marorrong, iamoto la nakurung to minaa pitung allo.

SURA’ KATOMINAAN 13:50

La natiro to minaa tu inan sanggang iato, anna palumpunni tu apa sanggang pitung allo.

SURA’ KATOMINAAN 14:38

la tassu’ tu to minaa lan mai banua iato unnola ba’ba, anna tutu’i tu banua iato pitung allo.

KADIBILANGAN 12:14

Ma’kadami tu PUANG lako Musa, Nakua: Iake natittudui ambe’na tu lindona, tae’raka na la dipakasiri’ lan pitung allo? Elo’namo nadipasalian to’ tenda pitung allo, namane ma’din sule sirau tau.