SURA’ KATOMINAAN 10:1 - Sura' Madatu

¹ Iatu anakna Harun iamotu Nadab sola Abihu, pantan unnala peruayanna, naparokkoi api sia napatoppo’i dupa; susimoto nanii umbaai tu api tang sipatu lako oloNa PUANG, tu tang Napepasanan Puang lako kalena.

SURA’ KATOMINAAN 10:1 ပူးပေါင်းရင်းမြစ်များ

KADIBILANGAN 26:61

Matemi tu Nadab sola Abihu, tonna baai tu api tang sipatu dio oloNa PUANG.

SURA’ KATOMINAAN 16:12

Mangkato la naala tu peroyan ponno ruaya dao mai inan pemalaran dio oloNa PUANG, anna ponnoi dupa busarungngu’ tu pala’na, tu ditu’tuk sia nabaa nasangi tama boko’ kulambu.

PA’TOLE 12:32

Iatu mintu’ apa kupasanangkomi, la mikaritutui tongan; da mirangnganni sia da mikurangi.

KADIBILANGAN 16:46

Ma’kadami Musa lako Harun nakua: Alai tu misa’ peroyan, parokkoi api lan mai inan pemalaran, patorroi dupa dao, ammu madomi’ lako kasirampunan sia padenanni kadiseroian kasalan, belanna tassu’mo tu kare’dekanNa PUANG sia randukmo tu kamandasan.

KATASSURAN 24:1

Mangkato ma’kadami tu Puang lako Musa Nakua: Kendekkomi umpennoloi PUANG la iko sia Harun sia Nadab sia Abihu sia pitungpulo to matua-tua to Israel, ammi tukku mambela.

KATASSURAN 6:23

Iatu anakna Korah disanga: Asir, Elkana na Abiasaf; mintu’na te pa’rapuanna to Korah.

PA’PUDIAN 141:2

Tarimai tu passambayangku butung to pemala’ butagari, sia pempala’ku tu butung pemala’ karoen.

SURA’ KATOMINAAN 22:9

Sipatu nakaritutui tu atorangKu, kumua da nabannang iato nanii tau untanggung kasalan sia iamo napomate, belanna napamatuna tu iannato: Akumo tu PUANG, umpamaseroi tu tau iato.

KATASSURAN 28:1

Suai tu Harun kakammu sia mintu’ anakna muane mengkareke’ lako kalemu dio mai mintu’ to Israel la ungkarang toean to minaa lako Kaleku, iamotu Harun sia Nadab sia Abihu sia Eleazar sia Itamar, anakna Harun.

KATASSURAN 24:9

Kendekmi tu Musa sola Harun sia Nadab sia Abihu na pitungpulo to matua-tua to Israel.

SURA’ KATOMINAAN 16:1

Iatonna matemo tu da’dua anakna muane Harun, tu mate tonna mennolo lako PUANG, ma’kadami tu PUANG lako Musa.

SURA’ KATOMINAAN 9:24

Tassu’mi tu api dio mai oloNa PUANG ungkandei tu pemala’ ditunu pu’pu’ sia iatu mintu’ lompo tiira’na dao inan pemalaran; iatonna tiromi bangsa iato tu iannato, siarrakammi anna tukku sae rokko padang.

KATASSURAN 27:3

Sia la mugaragan tu kurinna, tu la dipatamai au sia pesodokna sia pindan pa’pi’pikanna sia petossokna sia peruayanna; mintu’ pareanan iato tambaga la mugaraga.

IBRANI 9:4

Nalan to den bulaan pantunuan dupa sia patti basse disapu’ mintu’ bulaan mengguririk, nanii gori-gori bulaan nanii manna lan sia tekken mentarukna Harun, sia da’dua papan batu basse;

YEREMIA 44:15

Attu iato mebalimi tu mintu’ muane unnissanni, kumua iatu bainena memala’ lako kapenomban senga’ sia mintu’ baine tu bendan inde to dio, iamo misa’ kasirampunan kapua, iamotu mintu’ tau tu torro dio Patros, lan tondok Mesir, ma’kada lako Yeremia nakua:

YEREMIA 44:8

Sia mipa’dikki tu penaangKu diona mintu’ panggaraga limammi, belanna memala’komi lako kapenomban senga’ dio tana Mesir, tu miniimo male la mentiruan, ammi dadimo tampak ropu sia kaditattan dio lu mintu’ bangsa dao kuli’na padang.

YEREMIA 32:35

Sia mangkamo napabendan tu inan madaona Baal, tu diong lombok Ben-Hinom, la nanii umpemalaran anakna muane sia anakna baine lako Molokh, iamotu apa inang tae’ len Kupepasananni sia inang tae’ len bu’tu lan penaangKu, kumua la napogau’ tau iato mai tu apa megallian iate sia la nanaran tu to Yehuda umpogau’ kasalan.

YEREMIA 19:5

Sia nagaragan inan pemalaran tu Baal dao inan madao, tu nanii untunu anakna la napopemala’ ditunu pu’pu’ lako Baal; iamotu apa inang tae’ len Kupepasananni sia inang tae’ len Kupa’peissananni sia inang tae’ len bu’tu lan penaangKu.

YEREMIA 7:31

Nagaragaimi tu mintu’ inan pemalaran dao buttu-buttu Tofet diong lombok Ben-Hinom, la untunui tu mai anakna muane sia baine, iamotu apa inang tae’ len Kupepasananni sia inang tae’ len bu’tu lan penaangKu.

PA’TOLE 17:3

anna male umpengkaolai kapenomban senga’ sia tukku umpenombai, iamotu dio olona mata allo, ba’tu bulan ba’tu iatu mintu’ ma’dandan maritik dao langi’, tu apa mangka Kupa’gagai;

PA’TOLE 4:2

Da mirangnganni tu apa kupepasanan lako kalemi sia da mipasosso’i, ammi karitutui tu pepasanNa PUANG, Kapenombammi, tu kupapassanangkomi.

KATASSURAN 40:27

Natunumi tu dupa dao, susitu Napepasanan PUANG lako Musa.

KATASSURAN 38:3

Nagaragaimi tu mintu’ pareanan inan pemalaran iato, iamotu mai kurinna sia pesanglena sia pindan pa’pi’pikanna sia petossokna sia peruayanna: iatu mintu’ pareanan iato tambaga nagaragai.

KATASSURAN 37:29

Sia nagaragapa tu minna’ maindan la dipa’minnakan sia dipa’tokkoan sia dupa massang busarungngu’, susi panggaraga to pande ma’bangki’.

KATASSURAN 31:11

sia minna’ dipa’minnakan sia dipa’bolloan sia dupa pebangki’ busarungngu’ tu dipalan inan maindan; la nakarang tau iato mai susitu mintu’ apa Kupasan lako kalemu.

1 DATU 18:38

Ta’kala songlo’mi dao mai tu apinNa PUANG, anna imbakanni nakande tu pemala’ ditunu pu’pu’ sia kayunna sia mintu’ batu sia litak, sia iatu uai diong kalo’ pura nalepa’i.

KATASSURAN 8:27

Elorangkanni male tama padang pangallaran lingkan tallung allo, angki memala’ lako PUANG, Kapenombangki, susitu Napokadangkan.

KADIBILANGAN 4:18

Kanandai tonganni tu suku pa’rapuanna Kehat, da nadisabu’i dio mai to Lewi.