SURA’ KATOMINAAN 1:3 - Sura' Madatu

³ Iatu pemala’na, ke misa’i pemala’ sapi ditunu pu’pu’, manassa ia la napemalaran tu lakinna, tu tae’ tattanna. La nabaa lako ba’ba Tenda Kasitammuan kumua anna padenanni kapaimanan dio oloNa PUANG.

SURA’ KATOMINAAN 1:3 ပူးပေါင်းရင်းမြစ်များ

KADADIAN 22:13

Nabangunammi Abraham tu matanna, natiroi tu misa’ domba lako dio to’ boko’na tikadang tu tandukna lan to’ kayu, malemi naala Abraham, anna pemalaranni mendadi pemala’ ditunu pu’pu’ ussonda anakna.

KADADIAN 22:2

Ma’kadami Puang: Totemo alai tu anak tungga’mu, iamo Ishak tu mupakaboro’, solanni lako tana Moria, ammu pemalaranni dio la mendadi pemala’ ditunu pu’pu’ dao misa’ buntu, tu la Kupakitangko.

KADADIAN 22:8

Mebalimi tu Abraham, nakua: E anakku, Puang Matua Ia umpadenanni Kalena tu anak domba la ditunu pu’pu’. Malemi sola duai.

KADADIAN 8:20

Nagaragami Nuh tu misa’ inan pemalaran nanii memala’ lako PUANG, anna alai dio mai mintu’ patuoan tang dipemalianna sia manuk-manuk tang dipemalianna anna pemalaran pantunu pu’pu’ dao inan pemalaran iato.

2 OSSORANNA DATU 29:32

Iatu mintu’ pemala’ ditunu pu’pu’, tu nabaa kombongan iato, iamotu sapi pitungpulo, domba laki saratu’ sia domba duaratu’. Mintu’nate dipopemala’ ditunu pu’pu’ lako PUANG.

2 OSSORANNA DATU 35:12

Napasenga’mi tu pemala’ ditunu pu’pu’, la disorong lako mintu’ rapunna to buda, ke sisangtandoanoi, la dipopemala’ lako PUANG, susitu apa tisura’ lan sura’na Musa; napasusi dukato tu mai sapi.

PA’PUDIAN 110:3

Iatu taumMu masorok penaanna ussorong kalena, ke Muarakki lao parari. Anna situang kassa’ diangkaran lako malolona tu to manguramMu siduruk lako Kalemu, butungi to to’do ambun natambuk dannari lambe’.

PA’PUDIAN 40:8

Kukuami: Tiromi, rampoMo’; nalan tu sura’ tilulun diniimo mangka ussura’i tu a’gangKu.

KATASSURAN 12:5

La muala tu misa’ anak domba laki tang tattan, tu sangtaunnamo; iamotu dio lu mintu’ domba ba’tu bembe’ la minii unnalai.

KATASSURAN 24:5

Nasuami tu ba’tu pira to mangura to Israel, umposara’i tu pemala’ ditunu pu’pu sia umpemalaran sapi laki napopemala’ kasalamaran lako PUANG.

KATASSURAN 29:18

Iatu domba laki iato la mutunu pu’pu’ nasang dao inan pemalaran; iamo pemala’ ditunu pu’pu’ lako PUANG, la dadi bau busarungngu’; iamoto tu pemala’ pantunu, dipemalaran lako PUANG.

KATASSURAN 29:4

Attu iato la musua tu Harun sola tu mai anakna muane mennolo lako tenda kasitammuan, ammu dio’i uai.

KATASSURAN 29:42

Iamote tu la tontong dadi pemala’ ditunu pu’pu’ la misiosso’i dio ba’ba tenda kasitammuan dio oloNa PUANG; na inde to dio la Kunii sae ussitammuangko la ma’kada lako kalemu.

KATASSURAN 32:6

Iatonna melambi’ napemalarammi tau iato mai tu pemala’ ditunu pu’pu’ sia napennoloan tu pemala’ kasalamaran, anna unno’ko’ kumande sia mangiru’; mangkato bendanmi ma’marua’-rua’ maningo.

KATASSURAN 35:21

Pada saemi tu mintu’ to tiakka’ penaanna sia masorok ba’tengna umbaa pa’duruk lako PUANG la dipake unggaragai tenda kasitammuan sia la dipake lan mintu’ kamenomban sia la digaraga pakean masero.

KATASSURAN 35:29

Mintu’ muane sia baine tu tiakka’ penaanna la umbaai tu apa la dipopengkarangan tu Napa’pesuan PUANG nalopian Musa – mintu’ to Israel umpopa’langngo’ penaanna umbaai to la napopamengan lako PUANG.

KATASSURAN 35:5

Dio mai tu apammi la miala pira ammi pa’durukanni lako PUANG; mintu’i tu tau la umbaai butung pamengan lako PUANG situru’ kamasorokan penaanna: Iamotu bulaan sia salaka sia tambaga,

KATASSURAN 36:3

Natarimami dio mai Musa tu mintu’ pa’duruk tu nabaa to Israel la dipake lako pengkarangan, tu dikarang menomba, lan inan maindan, kumua anna karangi tu pengkarangan iato. Apa iake melambi’oi tontongpa nabaa tau iato mai tu pamengan langngo’ penaa.

KATASSURAN 38:1

Iatu inan pemalaran pantunuan, kayu simmin nagaragai limang siku tu lambe’na, na limang siku duka tu sangka’na, massulapa’ a’pa’, na tallung siku tu langka’na.

YESAYA 1:11

Apara gai’na lako Kaleku tu kabudanna pemala’ pangrere’mi? kadanNa PUANG; nabossaMo’ tu mai pemala’ domba laki ditunu pu’pu’ sia iatu mai lompona anak sapi dipelompoi. Tae’ angKu kaduangi rara sapi laki ba’tu domba, ba’tu bembe’ laki.

YEHEZKIEL 20:40

Belanna dao buntu maindanKu, dao buntu malangka’na Israel, kadanNa Puangta PUANG, inde to la nanii mintu’ to Israel umpenombaiNa’, iamotu mintu tau lan tondok iato. Indeto dio la nanii unnalai penaangKu sia inde to dio la Kunii umpalaku pa’duruk sia iatu melona pamengammi, dio mai mintu’ apa mipamarimbangan.

YEHEZKIEL 40:39

Nalan sarambi babangan nanii bendan da’dua meda, misa’ indena mai namisa’ diona lu, tu nanii tau untunu pemala’ ditunu pu’pu sia suru’ pengkalossoran sia suru’ pangakuan sala.

SURA’ KATOMINAAN 1:10

Iatu pemala’na, ke patuoan bitti’ susi domba sia bembe’ la dipopemala’ ditunu pu’pu’, la napopennolo tu lakinna tu tae’ tattanna.

SURA’ KATOMINAAN 14:10

Ianna allo ma’pengkaruamo la unnala domba da’dua tu tae’ tattanna sia domba birang sangtaunmo tu tae’ tattanna sia tallung taan sangpulona epa ta’pung mani’sa’ dipasigerok minna’ la dipokande dipemalaran, sia misa’ logo minna’.

SURA’ KATOMINAAN 16:7

Mangkato namane unnalai tu bembe’ laki da’dua, anna pabendanni dio oloNa PUANG dio to’ ba’ba Tenda Kasitammuan,

SURA’ KATOMINAAN 17:4

anna tae’ nabaai lako to’ ba’ba Tenda Kasitammuan, kumua napennoloan napopemala’ lako PUANG dio tingayo kemaNa PUANG – manassa iatu rara iato la dipatanggungi tu tau iato, belanna umpatibollo rara; iatu tau iato la disabu’i lan mai bangsana.

SURA’ KATOMINAAN 17:8

La mupokada lako tau iato mai kumua: Minda-mindai tu to Israel ba’tu to sae, tu torro dio lu kalemi, ke umpemalaranni misa’ pemala’ ditunu pu’pu’ ba’tu pemala’ pangrere’,

SURA’ KATOMINAAN 17:9

anna tae’ nabaai lako to’ ba’ba Tenda Kasitammuan, kumua anna pemalaranni lako PUANG, tau iato la disabu’i lan mai bangsana.

SURA’ KATOMINAAN 23:12

Iato allo minii ussorong untarima sulei tu sanguyun bura padang iato, la mipasakka’ tu misa’ domba sangtaunmo tu tae’ tattanna, la dipemalaran ditunu pu’pu’ lako PUANG,

SURA’ KATOMINAAN 23:18

Sisola tu roti iato la mipemalaran tu pitu domba sisangtaunmo tu tae’ tattanna sia misa’ sapi laki mangura sia da’dua domba laki; mintu’nato la dipopemala’, ditunu pu’pu’ lako PUANG sola kande dipemalaran sia pemala’ pantedok, la dadi pemala’ pantunu Napobau busarungngu’ PUANG.

SURA’ KATOMINAAN 3:1

Iatu pemala’na ke pemala’ kasalamaran, sia iake sapi napemalaran, la napennoloan lako PUANG tu misa’ sapi laki ba’tu birang tu tae’ tattanna.

SURA’ KATOMINAAN 4:15

Anna mintu’ pekaamberanna kasirampunan iato la urremme’ ulu sapi laki iato dio oloNa PUANG sia la natunu tau tu sapi laki iato dio oloNa PUANG.

SURA’ KATOMINAAN 4:23

manassa, iake nakanassai tu kasalan napogau’, la umpemalaran misa’ bembe’ laki, iamotu misa’ bembe’ laki, tu tae’ tattanna.

SURA’ KATOMINAAN 4:3

iake to minaa tu mangka dibolloi minna’ kasalan, napotete anna diparampo sala lako mintu’ tau, manassa la napennoloan lako PUANG tu misa’ anak sapi laki, tu tae’ tattanna belanna kasalanna, la diposuru’ pengkalossoran.

SURA’ KATOMINAAN 4:32

Iake umpemalaranni misa’ domba diposuru’ pengkalossoran, la napemalaran tu misa’ domba birang tang tattan.

SURA’ KATOMINAAN 5:15

Iake denni tau tang maruru’ sia tang naangga’i umpogau’ kasalan diona apa dipamaindanan PUANG, la napemalaran lako PUANG tu misa’ domba laki tu tae’ tattanna dio mai domba sia bembe’ diposuru’ pangakuan sala, la usseroi tu kasalanna, na iatu angga’na dibutunganni unturu’ sikele’ salaka, iamotu pada gasa sikele’ maindan.

SURA’ KATOMINAAN 5:18

La nabaa lako to minaa tu misa’ domba laki, dio mai domba sia bembe’ tu tae’ tattanna dibutunganni angga’na, diposuru’ pangakuan sala, anna to minaa la umpadenanni kadiseroian kasalan diona tu apa napogau’ natae’ naangga’i namane dipagarri’.

SURA’ KATOMINAAN 6:2

Iake denni misa’ tau umpogau’ kasalan sia tang maruru’ lako PUANG sia messakka’ lako sangtondokna tu diona apa dipopenanna, ba’tu apa dipa’pentoean lako kalena, ba’tu apa narampa, ba’tu untoro’ apanna sangtondokna,

SURA’ KATOMINAAN 6:8

Ma’kadami tu PUANG lako Musa Nakua:

SURA’ KATOMINAAN 7:16

Iake iatu pemala’ direre’ tu napopemala’, misa’ pemala’ pangallonan, ba’tu misa’ pemala’ tanning inaa, la dikande bangsiamo lan to allo nanii umpemalaranni tu pemala’ direre’, sia iatu torronapa ma’dinmo dikande, ke masiangmi.

SURA’ KATOMINAAN 8:18

Mangkato napopengkareke’mi tu domba laki dipopemala’ ditunu pu’pu’, anna remme’i Harun sola tu mai anakna tu ulu domba laki iato;

SURA’ KATOMINAAN 8:21

Apa iatu tambuk barinni’na sia gariginna nabasei, anna tunui Musa tu mintu’ domba laki dao inan pemalaran; iamoto tu misa’ pemala’ ditunu pu’pu’ dipobau busarungngu’, iamotu pemala’ pantunu, dipemalaran lako PUANG, susitu Napepasanan PUANG lako Musa.

SURA’ KATOMINAAN 9:2

Ma’kadami lako Harun nakua: Alangko kalemu misa’ anak sapi iamotu misa’ sapi mangura, la diposuru’ pengkalossoran, sia misa’ domba laki la dipopemala’ ditunu pu’pu’, tu tae’ tattanna, ammu pennoloanni lako PUANG.

ZAKHARIA 13:7

E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

MALEAKHI 1:14

Tampak ropu duka lako tu to ma’pakena, ke denni misa’ patuoan laki lan tuntunanna, tu mangka nadandi lan pangallonanna, apa napennoloan tu misa’ patuoan tu den tattanna lako PUANG! Belanna Aku te, Datu pasareongan, kadanNa PUANGna mintu’ ma’dandan maritik, sia metakuran tu sangangKu dio lu mintu’ bangsa.

KADIBILANGAN 15:3

sia mipemalaran lako PUANG tu pemala’ pantunu, la pemala’ ditunu pu’pu’, la pemala’ pangrere’, la umpangallonni misa’ pangallonan, ba’tu pemala’ tanning inaa, ba’tu pemala’ allo kapuammi, la umpadenan PUANG misa’ bau busarungngu’ dio mai sapi ba’tu domba sia bembe’,

KADIBILANGAN 15:8

Iake mupemalaranni tu misa’ sapi dipopemala’ ditunu pu’pu’, ba’tu la dipopemala’ pangrere’, la umpalesso’ misa’ pangallonan ba’tu dipopemala’ kasalamaran lako PUANG,

KADIBILANGAN 19:2

Inde sia tu atoran sukaran aluk tu Napepasanan PUANG, kumua: Pokadanni to Israel, kumua la nabangko misa’ sapi birang mararang, tu tang tattan, sia tang dipapassannipa ayoka.

KADIBILANGAN 23:19

Iatu Puang Matua tangia tolino, anNa ma’kada tang tongan; ba’tu misa’ ma’rupa tau, anNa menassan. Ma’kadaraka anna tang umpogau’i, ba’tu mangallu’, anNa tang umpadadii?

KADIBILANGAN 23:27

Ma’kadami tu Balak lako Bileam: Malekomi mai, angku solangkomi lako inan senga’; umbai nasipatu sia dio pentiroNa Puang Matua, na inde to dio mai minii untampakanna’ ropu tu tau iato.

KADIBILANGAN 23:3

Mangkato ma’kadami tu Bileam lako Balak nakua: Malekomi bendan dio to’ pemala’ ditunu pu’pu’mi, angku male; umbai la sae tu PUANG umpessitammuina’, sia apa tu Napamanassanna’, iamoto la kupa’peissannan lako kalemi. Attu iato tuka’mi langngan misa’ tanete karing.

KADIBILANGAN 23:30

Napogau’mi Balak susitu mangka napokadanni Bileam, sia napemalaran tu misa’ sapi laki sia misa’ domba laki, ke misa’o inan pemalaran.

KADIBILANGAN 28:11

Iake pamulanna bulanmi la mipemalaran lako PUANG tu pemala’ ditunu pu’pu’, iamotu da’dua anak sapi laki, misa’ domba laki, pitu domba sisangtaunmo, tu tae’ tattanna,

KADIBILANGAN 28:19

La mipemalaran lako PUANG tu pemala’ pantunu, iamotu pemala’ ditunu pu’pu’, da’dua anak sapi laki, misa’ domba laki sia pitu domba sisangtaunmo, tu tae’ tattanna.

KADIBILANGAN 28:31

Senga’ ia tu pemala’ ditunu pu’pu’ kiallo-kiallo la miparandan tu iannato di pasisola tu kande dipemalaran; la tae’ tattanna tu patuoan iato, dipasisola pemala’ pantedok.

KADIBILANGAN 29:13

La mipennoloan tu pemala’ ditunu pu’pu’, tu pemala’ pantunu, la dipobau busarungngu’ lako PUANG, iamotu sangpulo tallu anak sapi laki, da’dua domba laki sia sangpulo a’pa’ domba sisangtaunmo tu tae’ tattanna.

KADIBILANGAN 29:2

Sia la miparandan tu pemala’ ditunu pu’pu’, la dipobau busarungngu’ lako PUANG, iamotu misa’ anak sapi laki, misa’ domba laki sia pitu domba sisangtaunmo, tu tae’ tattanna;

LUKAS 1:35

Mebalimi tu malaeka’ lako nakua: Iamotu Penaa Masallo’ la songlo’ lako kalemu sia kamatotoranNa Puang Patodoranna unnonganniko, iamoto dadi iatu Pia la mudadian la disangai Pia masallo’ sia AnakNa Puang Matua.

YOHANES 1:36

Iatonna kitami tu Yesu sumalong-malong, nakuami: Tiromi tu Anak dombaNa Puang Matua.

YOHANES 10:7

Nakua pole’omi Yesu: Tonganna tongan Kukua mati’, Akumote tu ba’ba domba.

YOHANES 10:9

Akumote tu ba’ba. Iake denni tau unnolaiNa’, iamo makarimman sia lu tama lu lan mai naungkabu’tui kande.

2 KORINTUS 8:12

Belanna iake denni diong penaa iamoto nadikaringnganan sitinaya tu apa den dio kalena, tangia sitinaya apa tae’ dio kalena.

2 KORINTUS 9:7

Da’ito anna pantan mamengan situru’ kamatinurusan penaanna, da naturu’i katangmasorokan penaa ba’tu diparuku. Belanna iatu Puang Matua ungkamasei to masorok penaanna mamengan.

EFESUS 2:18

belanna bannang dioRi anta belai patomalinta umpennoloi Ambe’, Naria to Penaa misa’.

EFESUS 5:27

sia kumua anna Ia kalena umpabendanni tu kombongan dio oloNa sikambi’ kamala’biran tang den kadakena ba’tu tingkurrungna ba’tu senga’na, sangadinna masero tae’ sayuanna.

PA’TOLE 12:27

La mupasakka’ tu pemala’ ditunu pu’pu’mu, iamotu duku’ sia rara dao inan pemalaranNa PUANG, Kapenombammu, na iatu rarana pemala’ pangrere’mu la dibolloan dao inan pemalaranNa PUANG, Kapenombammu, apa iatu duku’ ma’din mukande.

PA’TOLE 15:21

Apa iake denni tattanna, iamotu ke keppai ba’tu butai, ba’tu mandu maro’i tu tattanna, da mutunui dio oloNa PUANG, Kapenombammu.

PA’TOLE 17:1

Da mupemalaran misa’ sapi ba’tu domba sia bembe’ tu den tattanna, ba’tu sayuan lako PUANG, Kapenombammu, belanna iatu iannato Nakagalli PUANG, Kapenombammu.

IBRANI 7:26

Belanna pato’ lako kita misa’ Tominaa Kapua susito, iamotu masallo’, tae’ Nakasalan, tae’ attanganNa, dipamarimbangan dio mai mintu’ to kasalan sia dipamatande anna mintu’ langi’,

IBRANI 9:14

ontong polepa tu raraNa Kristus, tu mangkamo umpemalaran Kalena tang sayuan lako Puang Matua tete dio Penaa matontongan, usseroi tu batu ba’tangta dio mai penggauran mate, kumua anta mengkaola lako Puang Matua matontongan.