RUT 4:6 - Sura' Madatu

⁶ Ma’kadami tu to mangla’bak iato nakua: Iake susito tang kubela ulla’bakki, belanna la ussanggang kalenana’ mana’ku. Kamu bangmo ulla’bakki tu apa sipatu la kula’bak, belanna tae’ kubelai ulla’bakki.

RUT 4:6 ပူးပေါင်းရင်းမြစ်များ

KADADIAN 38:8

Nakuami Yehuda lako Onan: Maleko lako to’ bainena kakammu ammu pobainei ussonda kakammu sia padenanni bati’ tu kakammu.

SURA’ KATOMINAAN 25:25

Iake kalala’mi tu siulu’mu, nadiparuku umpamalei tu misa’ barang apanna, la sae tu siulu’ marengke’na ulla’bakki, sia ia la ulla’bakki tu apa mangka napamale siulu’na.

PA’TOLE 25:7

Apa iake manokai tu muane iato unnala ipa’na la napobaine, la male tu ipa’na lako to’ babangan umpennoloi pekaamberan sia ma’kada nakua: Manoka tu ipa’ku umpatontong sanganna siulu’na lan Israel, belanna tae’ namorai umpobainena’ unturu’ rampanan kapa’na to siipa’.

PA’TOLE 25:8

Iamoto la natambai pekaamberanna kotana, anna sipa’kada. Ianna tontong manoka, anna ma’kada: Tae’ kuporai umpobainei –

PA’TOLE 25:9

la male tu ipa’na urreke’i dio pentirona pekaamberan, anna patassu’i tu sepatunna sia natudui tu lindona, anna messa’bi nakua: Susimoto la dipogau’ lako muane tu tae’ namorai umbangunan banuanna siulu’na.

RUT 2:20

Ma’kadami Naomi lako minintunna, nakua: Napamasakke-sakkemira PUANG tu tau iato, tu tang undampa kamasokananNa lako to tuo sia to matemo. Sia nakuapa Naomi lako: Iatu tau iato, sangdadianta sia ia duka misa’ to mangla’bakta.

RUT 3:13

Torromoko ma’bongi indete; masiangpa, ke morai siai la ulla’bakko, melo ke nala’bakko, apa iake tang naalai penaanna ulla’bakko, la lelukraka tuoNa PUANG, manassa la kula’bakko. Mamma’ bangmoko sae lako masiangna.

RUT 3:9

Mekutanami nakua: Mindarako? Mebalimi nakua: Akumo Rut, tu taummi: balla’i tu pani’mi dao te taummi, belanna kamumo tu to mangla’bak.