RUT 4:4 - Sura' Madatu

⁴ Kusanga melo, iamoto angku somboangko, kumua: Melo ke muallii tu bela’ iato dio tingayona te to unno’ko’ inde sia pekaamberanna bangsata. Iammu la ulla’bakki, la’bakmi; apa iake tae’i mumorai ulla’bakki, pokadanna’, angku issanni, belanna tae’ misa’ tau la ulla’bakki sangadinna iko, namane aku. Mebalimi tu tau iato nakua: Akumo la ulla’bakki.

RUT 4:4 ပူးပေါင်းရင်းမြစ်များ

KADADIAN 23:11

Tae’ nasusi to! Perangiina’: iatu padang kubenkomi sia lo’ko’ lan kuben dukakomi, natingayoi mintu’ sangrara sangbukungku angku benkomi, peliang siai dio tu to matemi.

KADADIAN 23:18

diben nasangmo Abraham to, dio tingayona to Het sia to tama sun dio babangan tondok, la napoapa.

YEREMIA 32:25

Moi susito ma’kada dukaKomi lako kaleku, o Puangta PUANG, kumua allianni kalemu pa’lak iato, mubenni allinna, sia alanni sa’bi la ussa’bii, – anna iate kota iate disorongmo tama limanna to Kasdim!

ROMA 12:17

Da mipasipakkan kakadakean lako misa’ duka tau. Karitutui tu kameloan dio tingayona tau.

2 KORINTUS 8:21

Belanna ungkaritutuikanni sanga, tangia dio manna oloNa Puang, sangadinna dio duka tingayona tolino.

PA’TOLE 25:8

Iamoto la natambai pekaamberanna kotana, anna sipa’kada. Ianna tontong manoka, anna ma’kada: Tae’ kuporai umpobainei –

FILIPI 4:8

Senga’mito, e sangsiulurangku, mintu’na tu tonganna, mintu’na tu mala’bi’na, mintu’na tu malambu’na, mintu’na tu masallo’na, mintu’na tu maballona, mintu’na tu melona dirangi, to ke nanii kameloan sia ke nanii kadipudian, iamoto tu la mitangnga’ lan penaammi.

RUT 2:20

Ma’kadami Naomi lako minintunna, nakua: Napamasakke-sakkemira PUANG tu tau iato, tu tang undampa kamasokananNa lako to tuo sia to matemo. Sia nakuapa Naomi lako: Iatu tau iato, sangdadianta sia ia duka misa’ to mangla’bakta.

RUT 3:12

Iate aku tongannamo aku to mangla’bak, apa denpa misa’ to mangla’bak mandu marengke’ na aku.

RUT 3:9

Mekutanami nakua: Mindarako? Mebalimi nakua: Akumo Rut, tu taummi: balla’i tu pani’mi dao te taummi, belanna kamumo tu to mangla’bak.