RUT 4:10 - Sura' Madatu

¹⁰ sia ia duka tu Rut, to Moab, bainena Mahlon kutarimamo angku pobainei, la umpatontongi tu sanganna to mate iato diona mana’na. Susimoto tu sanganna to mate iato tang la ka’tu dio mai mintu’ siulu’na sia dio mai babangan nanii ma’tondok. Kamumo tu la titanan sa’bi.

RUT 4:10 ပူးပေါင်းရင်းမြစ်များ

KADADIAN 29:27

Paganna’i pitung allo lako te anakku, angku ben dukako tu pia iato belanna pengkarangan la mukarang polepa dio kaleku pitung taun.

KADADIAN 38:9

Tu naissan Onan kumua tae’ na ia la umpobati’i, iamoto nabolloan salai rokko padang tu uai mentaunna tonna sangampa’ bainena kakanna, kumua da napadenanni bati’ tu kakanna.

PA’PUDIAN 109:15

Sangapaoi anna tontong dio pentiroNa PUANG tu mintu’nato, anna dipa’dei lan mai lino tu kadikilalaianna tau iato mai.

PA’PUDIAN 34:16

Iatu matanNa PUANG umpemantang to malambu’, sia natananni talinga tu peongli’na.

SARAMBU PEADA’ 18:22

Minda-minda umpobainemo misa’ baine, iamo ungkabu’tui ianan ballo, sia unnappa’ kamaturu-turuan dio mai PUANG.

SARAMBU PEADA’ 19:14

Iatu banua sia ianan iamo mana’ta dio mai to matua, apa iatu misa’ baine unnampui tangnga’ kinaa, iamo misa’ pa’kamasean dio mai PUANG.

YESAYA 48:19

sia iatu bati’mu la susi karangan sia tarukmu la sangtinti bungin; tae’ anna la diputtai tu sanganna ba’tu dipisanni dio oloKu.

HOSEA 12:12

Moi inan kakadakean tu Gilead, anna tae’ pissanmo gai’na tu pa’tondokanna; moi anna pemalaranni tau tu sapi laki dio Gilgal, ia duka tu inan pemalaranna la susimo batu ditombon diong kalo’ pa’lak.

HOSEA 3:2

Susi to kualli tu baine iato sangpulo lima sikele’ salaka sia dalle sisikan sangome’ sangtangnga.

ZAKHARIA 13:2

Sia allo iato, kadanNa PUANGna mintu’ ma’dandan maritik, la Kuputtai tu sanga dipa’deatainna lan mai tondok iato, naurunganni tae’ lenmo nala ungkilalai tau iato mai; sia ia duka tu mintu’ nabi sia penaa bulituk la Kupa’dei lan mai tondok.

MALEAKHI 2:14

Sia ma’kadakomi mikua: Ma’apai to? Iamotu belanna PUANGmo tu sa’bi lan alla’mu anna bainemu, tommu mangurapa, tu munii tang maruru’mo totemo, moi na iamo dodo’mu sia baine tonganmu.

EFESUS 5:25

E mintu’ muane, pakaboro’i tu bainemi, susi Kristus ungkamasei kombonganNa, sia ussorong Kalena belanna kombongan,

PA’TOLE 25:6

Iatu anak pa’bunga’na tu nadadian la direken anakna siulu’na, tu mangka mate, kumua da napa’de tu sanganna dio mai to Israel.

IBRANI 13:4

La mikasiri’ tu rampanan kapa’ sola nasang sia da mipolulluranni tu kasibalian; belanna iatu to ma’pangngan buni sia to pasandak salu lako rampanan kapa’ la Naukung Puang Matua.

YOSUA 7:9

Ianna rangi to Kanaan sia mintu’ to lan tondok iate, manassa la napatama limbukan sia naputtai tu sangangki dao mai kuli’na padang. Na apamora la Mipogauranni tu sanga pasareongamMi?

RUT 4:9

Mangkato ma’kadami tu Boas lako mintu’ pekaamberan sia lako mintu’ to buda, nakua: Allo iate kamumo sola nasang titanan sa’bi, kumua iatu mintu’ apanna Elimelekh sia iatu mintu’ apanna Kilyon sia Mahlon kuallimo dio mai Naomi;