RUT 3:18 - Sura' Madatu

¹⁸ Ma’kadami tu Naomi nakua: Kappa bangmoko ma’peagi, e anakku, sae lako muranginna, umba nakua dadinna te apa iate; belanna iatu tau iato tae’ narapa’, ke tae’pi naupu’ te apa iate lan allo ia bangsiamote.

RUT 3:18 ပူးပေါင်းရင်းမြစ်များ

YESAYA 28:16

Iamoto anna ma’kada tu Puangta PUANG susite Nakua: Kutanan lan Sion tu batu parandangan, misa’ batu mangka disudi, misa’ batu petau keangga’, tu mangka dibantangi parandanganna; na minda-minda umpatonganni, tae’ anna tigiang len.

YESAYA 30:7

Iatu pa’tunduanna to Mesir, tae’ bua’na sia tae’ gai’na, iamoto angku gente’i: Rahab tu mari’pi bang unno’ko’.

RUT 3:17

anna ma’kada nakua: Pennannan bakku’ te dalle sisikan nabenna’, belanna nakua: Da musule lo’bang lako matusammu.

RUT 4:1

Attu iato malemi tu Boas lako babangan, anna unno’ko’ dio. Siappa’ attu iato lendu’mi tu to mangla’bak tu napokada Boas. Ma’kadami nakua: E sangmane, lempangko mai sattu’ ammu unno’ko’ inde te. Lempangmi anna unno’ko’ dio.