RUT 3:10 - Sura' Madatu

¹⁰ Ma’kadami tu Boaz nakua: Napamasakke-sakkemoroko PUANG, e anakku, iatu pa’kaboro’mu tu mupasombo undinna mandu mala’bi’ na iatu dolona, belanna tang untuntunko to mangura, ba’tu to sugi’, ba’tu to bongko.

RUT 3:10 ပူးပေါင်းရင်းမြစ်များ

KADADIAN 24:31

Nakuami Laban: Tamakomi mai, to Napamasakke PUANG. Ma’apari mibendan bangra iti’ salian, namangkamo kupasakka’ tu inan sia inan la nanii tu mintu’ unta!

RUT 1:8

ma’kadami Naomi lako minintunna sola duai nakua: Malemokomi, mipantan sule lako banuanna indo’mi; na PUANGmora umpakitaikomi kamamasean, susitu mangka mipa’pekitanan lako tu mai to matemo sia lako kaleku.

RUT 2:11

Mebalimi tu Boas lako nakua: Napokada nasangmo tau lako kaleku tu mintu’ apa mangka mupogau’ lako matusammu to mangkanna mate tu muanemu, sia umba mukua untampe ambe’mu sia indo’mu sia tondok kadadiammu, ammu male lako misa’ bangsa, tu tae’pa mutandai dolona.

RUT 2:20

Ma’kadami Naomi lako minintunna, nakua: Napamasakke-sakkemira PUANG tu tau iato, tu tang undampa kamasokananNa lako to tuo sia to matemo. Sia nakuapa Naomi lako: Iatu tau iato, sangdadianta sia ia duka misa’ to mangla’bakta.

RUT 2:4

Ta’kala saemi tu Boas dio mai Betlehem, nama’kada lako to massasa’ dalle sisikan, nakua: Narondongmorokomi PUANG! Mebalimi tu tau iato mai lako nakua: Napamasakke-sakkemorokomi PUANG!

RUT 3:9

Mekutanami nakua: Mindarako? Mebalimi nakua: Akumo Rut, tu taummi: balla’i tu pani’mi dao te taummi, belanna kamumo tu to mangla’bak.

1 SAMUEL 15:13

Iatonna rampomo tu Samuel lako Saul, nakuami Saul lako: Napamasakkemorokomi PUANG! Iatu parentaNa PUANG kupalalomo.