RUT 2:6 - Sura' Madatu

⁶ Mebalimi tu taunna, tu umbandoro’i to massasa’ dalle sisikan, nakua: Iamote tu misa’ baine mangura lu dio mai Moab, tu sae sola Naomi dio mai padang marantena Moab.

RUT 2:6 ပူးပေါင်းရင်းမြစ်များ

KADADIAN 15:2

Ma’kadami Abram nakua: O PUANG Puangku, apara tu la Mikamaseanna’, belanna la tontong bangna’ susito, tang la keanak, na iatu Eliezer, to Damsyik, iamo la umpomana’ barang apangku?

KADADIAN 24:2

Ma’kadami tu Abraham lako ruranan matuanna lan banuanna sia umpoissan mintu’ apanna nakua: Padiongi to’ garonto’ pupungku tu limammu.

KADADIAN 39:4

naporaimi tu Yusuf, nasuai umparakai sia nadullu umpoissan mintu’ barang apa nasorong lako Yusuf.

MATIUS 20:8

Iatonna bongimo nakuami tu puangna tinde pa’lak anggoro’ lako bandoro’na: Tambaimi tu to mengkarang, benni tu sarona, randuk dio mai tu undi’-undi’na tama sae lako dolo’-dolo’na.

MATIUS 24:45

Mindara tu kaunan maruru’ sia kinaa, tu napakuasa puangna umpoissan mintu’ rurananna la umpapantanni kande ke attunnaomi?

RUT 1:16

Apa mebali tu Rut nakua: Da miparukuna’ la untampekomi sia la tibalik dio mai kalemi; belanna umba-umba tu la minii male, ia duka la kunii male, sia umba-umba tu la minii ma’bongi, ia duka la kunii ma’bongi’, iatu bangsami iamo bangsaku sia iatu Kapenombammi iamo Kapenombangku.

RUT 1:19

Tarru’mi lumingka sola duai sae lako Betlehem. Iatonna rampomo tama Betlehem, tirambanmi tu mintu’ tau lan kota diona Naomi sia ma’kada tu baine iato mai nakua: Iamoraka Naomi tu?

RUT 1:22

Susimoto tu Naomi sule sola Rut, to Moab, iamo tu minintunna, tu nasolan sae dio mai padang marantena Moab. Iatu tau iato rampo lako Betlehem tonna parandukmi tau medalle sisikan.

RUT 2:5

Ma’kadami Boas lako taunna tu umbandoro’i to massasa’ dalle sisikan, nakua: Mindara nanii torro te baine mangura?

RUT 2:7

Nakua ma’kada: Ma’dinra’ka urruruk sia urrampun buli dalle sisikan sikandappi’ pa’kutu’ dio lu boko’na to massasa’ dalle sisikan. Susimoto anna sae inde te sia mukkun bang randuk dio mai melambi’na sae lako totemo; iamo misa’ tau tu tae’ naunno’ko’ len dio lu banua.