RUT 2:23 - Sura' Madatu

²³ Susimoto mareke’ bangmi lako baine to sumarona Boas mangruruk sae lako mutu’na tau medalle sisikan sia megandung. Torro bangmi sola matusanna.

RUT 2:23 ပူးပေါင်းရင်းမြစ်များ

KATASSURAN 9:31

Iatu mintu’ kame sia dalle sisikan napasiapanan uran batu, belanna iatu dalle sisikan membulimo sia iatu kame membungamo.

SARAMBU PEADA’ 13:1

Misa’ pia kinaa unturu’ bang peada’na ambe’na, apa misa’ to pa’tellean tang umperangii peta’tan.

SARAMBU PEADA’ 13:20

Minda-minda sikabiasa to kinaa, manassa la kinaa; apa minda-minda tu sikadamak tobaga, manassa la mengkadake.

MARKUS 14:66

Iatonna diong padang tu Petrus dio tarampak banua kombongan kalua’na Ada’, saemi misa’ baine rurananna Tominaa Kapua.

1 KORINTUS 15:33

Da mipusa: iatu ulelean ma’kapettok untumang gau’ melo.

PA’TOLE 16:9

La muia’ pitung minggu, iamotu pamulanna dipata’pai piso sae’ tu gandung, la munii randuk umbilangi pitung minggu.

RUT 1:22

Susimoto tu Naomi sule sola Rut, to Moab, iamo tu minintunna, tu nasolan sae dio mai padang marantena Moab. Iatu tau iato rampo lako Betlehem tonna parandukmi tau medalle sisikan.

RUT 2:22

Ma’kadami tu Naomi lako Rut, minintunna, nakua: Melo, e anakku, ke tassu’ko sola baine to sumarona Boaz, da nasussaiko to dio lu bela’ senga’.

RUT 3:1

Mangkato ma’kadami Naomi, matusanna, nakua lako: E anakku, ma’apai angku tang la undakarangko kamanamanan, ammu maupa’?