RUT 2:20 - Sura' Madatu

²⁰ Ma’kadami Naomi lako minintunna, nakua: Napamasakke-sakkemira PUANG tu tau iato, tu tang undampa kamasokananNa lako to tuo sia to matemo. Sia nakuapa Naomi lako: Iatu tau iato, sangdadianta sia ia duka misa’ to mangla’bakta.

RUT 2:20 ပူးပေါင်းရင်းမြစ်များ

2 SAMUEL 2:5

Mesuami Daud lako to Yabesh dio Gilead, nakua lako: Naparongko’morokomi PUANG, belanna kamaturu-turuan tu mipogau’ lako puangmi, iamotu Saul, tu mangkamo milamun.

2 SAMUEL 9:1

Ma’kadami tu Daud nakua: Denparaka torro tu bati’na Saul, angku pogau’ kamasokanan lako kalena belanna Yonatan?

AYUB 19:25

Apa kutandai, kumua iatu To mangla’bakku tuo, anNa ma’katampakanna la bendan dao to’ barra’-barra’.

SARAMBU PEADA’ 17:17

Misa’ sangmane tontong bang ma’pakaboro’, sia iatu kasiuluran payan lan kapussakan.

SURA’ KATOMINAAN 25:25

Iake kalala’mi tu siulu’mu, nadiparuku umpamalei tu misa’ barang apanna, la sae tu siulu’ marengke’na ulla’bakki, sia ia la ulla’bakki tu apa mangka napamale siulu’na.

FILIPI 4:10

Lendu’ parannunna penaangku lan Puang, belanna iate undinnate, mipabu’tuomo sule tu pengkilalammi lako kaleku. Tonganna iato lendu’na, mikilalai sia tu iannato, apa tae’ palambi’mi.

RUT 2:21

Ma’kadami tu Rut, to Moab, nakua: Sia nakuapa tu tau iato ungkuanna’: Mareke’ bangko lako taungku sae lako mutu’na tu mintu’ bela’ku dialai.

RUT 3:12

Iate aku tongannamo aku to mangla’bak, apa denpa misa’ to mangla’bak mandu marengke’ na aku.

RUT 4:14

Attu iato ma’kadami tu mintu’ baine lako Naomi nakua: Mintu’ kadipudian lu lako PUANG, tu tang umpadapai dio mai kalemi tu misa’ to mangla’bak; natarompo’mora tu sanganna dio lu to Israel.

RUT 4:4

Kusanga melo, iamoto angku somboangko, kumua: Melo ke muallii tu bela’ iato dio tingayona te to unno’ko’ inde sia pekaamberanna bangsata. Iammu la ulla’bakki, la’bakmi; apa iake tae’i mumorai ulla’bakki, pokadanna’, angku issanni, belanna tae’ misa’ tau la ulla’bakki sangadinna iko, namane aku. Mebalimi tu tau iato nakua: Akumo la ulla’bakki.

RUT 4:6

Ma’kadami tu to mangla’bak iato nakua: Iake susito tang kubela ulla’bakki, belanna la ussanggang kalenana’ mana’ku. Kamu bangmo ulla’bakki tu apa sipatu la kula’bak, belanna tae’ kubelai ulla’bakki.