RUT 2:10 - Sura' Madatu

¹⁰ Tukkumi tu Rut menomba rokko padang anna ma’kada lako nakua: Ma’apai mipa’pekitananni tu kamaturu-turuammi lako kaleku, miurunganni untirona’, moi angku misa’ to sae?

RUT 2:10 ပူးပေါင်းရင်းမြစ်များ

KADADIAN 18:2

Anna bangunan matanna, natiroi den muane tallu bendan dio tingayona; iatonna tiromi, ma’dondomi dio mai to’ ba’ba tendana male untammui tu tau iato mai, anna tukku rapa’ rokko padang.

2 SAMUEL 19:28

Moi anna mintu’ rapunna ambe’ku ussangai, kumua to la napatei nasang puangku datu, natarima dukamo’ puangku tama bilanganna to kumande sola puangku. Apapara la kutuntun sia kupokada lako datu?

2 SAMUEL 7:18

Malemi tama tu datu Daud anna unno’ko’ dio oloNa PUANG, anna ma’kada, nakua: O Puangku PUANG, mindara te taumMi sia mindara tu to lan banuangku, anna baara’ Puang sae indete?

2 SAMUEL 9:8

Tukkumi menomba anna ma’kada nakua: Tau apara te taummi, ammi la umpessaileiri, anna butungna’ to misa’ asu mate?

SURA’ KATOMINAAN 19:34

Iatu to sae misisolan la mipapada bangsiato ma’tondok dio lu kamu; la mukamasei susi batang kalemu, belanna mangkamokomi to sae lan tondok Mesir; Akumo tu PUANG, Kapenombammi.

MATIUS 25:35

Belanna iatongKu tangdia’, mipakandeNa’; ma’rangNa’ mipairu’Na’; torro to saeNa’, mitammuiNa’;

LUKAS 1:43

Matumbara’ na iatu indo’na Puangku sae umpellambi’ina’?

LUKAS 1:48

belanna Napemarangamo tu kamadionganna taunNa. Anna randuk pole te totemo nasiosso’i tau umpotule’-tuleranni umpokada rongko’na’,

ROMA 12:10

Lan kasialamaseammi sangsiulurammi, pantan la sipakaboro’komi sia da mididoloi sipekataberan.

RUT 2:11

Mebalimi tu Boas lako nakua: Napokada nasangmo tau lako kaleku tu mintu’ apa mangka mupogau’ lako matusammu to mangkanna mate tu muanemu, sia umba mukua untampe ambe’mu sia indo’mu sia tondok kadadiammu, ammu male lako misa’ bangsa, tu tae’pa mutandai dolona.

RUT 2:13

Ma’kadami tu Rut nakua: Napa’pekitanan tonganmo puangku lako kaleku tu kamaturu-turuanna, belanna mipakatanamo’ sia ma’kada melokomi lako te taummi, moi anna tae’ kupada susi misa’i tu mintu’ taummi.

RUT 2:19

ma’kadami tu matusanna lako, nakua: Umbara munii mangruruk te allo iate sia umbara munii mengkarang? Namaupa’mora tu to untiroko! Nauleleanmi lako matusanna tu naninna mengkarang, nakua: Iatu to kunii mengkarang allo iate disanga Boas.

RUT 2:2

Ma’kadami tu Rut, to Moab, lako Naomi nakua: Melo ke malena’ lako bela’ angku ruruk buli dalle sisikan dio boko’na to ungkaturu-turuina’. Ma’kadami tu Naomi lako nakua: Malemoko, e anakku.

RUT 2:9

Mutiromo tu bela’ dio tingayomu, tu nanii tau massasa’ dalle sisikan – undi bangmoko dio boko’na tu mai baine. Inang mangkamo kugagai tu mintu’ taungku, kumua da nasussaiko. Iake ma’rangko, maleko lako to’ busso ammu iru’i tu apa natimba tau iato mai.

1 SAMUEL 25:23

Iatonna tiromi Abigail tu Daud, salasami mengkalao dao mai keledainna anna menomba sia tukku sae rokko padang dio olona Daud,