RUT 1:6 - Sura' Madatu

⁶ Mangkato ke’de’mi sola tu minintunna baine da’dua anna sule dio mai padang marantena Moab, belanna denmo kareba narangi dio padang marantena Moab, kumua Nakilalaimo PUANG tu taunNa, anNa benni kande.

RUT 1:6 ပူးပေါင်းရင်းမြစ်များ

KADADIAN 21:1

Nabuaimi PUANG lako Sara to apa mangka Naalluranni sia Napogau’ PUANG lako susitu kadanNa.

KADADIAN 28:20

Mangallonammi tu Yakub nakua: Iake Narondong siana’ Puang Matua sia Narinding pala’na’ dio lalan, tu kuolai totemo te sia Nabenna’ la kukandena sia tamangkale la kupake,

KADADIAN 48:15

Napassakkemi Israel tu Yusuf, nakua: Iatu Puang Matua tu Naniimo lolang to doloku Abraham na Ishak tu oloNa, iamo Kapenomban ungkambi’na’ randuk dio mai dadingku sae lako te allo totemo,

KADADIAN 50:25

Nasuami Yusuf sumpa tu bati’na Israel nakua: Manassa la Nakamaseikomi Puang Matua, attu iato da mitang umbaai sun tu batang rabukku!

PA’PUDIAN 102:14

La ke’deKomi sia la ungkaturu-turui Sion, belanna iatu attu ungkaturu-turui, tu attu pura dilampak nalambi’mo!

PA’PUDIAN 111:5

Naben kande lako tu to ungkataku’I; sia Nakilalai tu basseNa tontong sae lakona.

PA’PUDIAN 132:15

La Kupamasakke kamemba’karan tu bura padangna, sia iatu to mase-masena la Kupabo’sai kande.

PA’PUDIAN 145:15

Mintu’ tau untayanKomi, amMi benni barra’ karoenna, ke attunnai.

PA’PUDIAN 146:7

To ussanda tonganni to dipandasa, sia umben kande to topo, PUANG urrampanan to dirante bassi.

PA’PUDIAN 147:14

Iamo umpaden karapasan lan mintu’ lili’mu, sia umpedia’iko gandung malapu’.

KATASSURAN 3:16

Malemoko ammu rampunni tu mintu’ to matua-tuanna Israel, sia ma’kada lako tau iato mai, kumua: Iatu PUANG, Kapenombanna nene’ to dolomi iamotu Kapenombanna Abraham, Ishak na Yakub paan lako kaleku sia Nakua: Kutiro tonganmokomi sia iatu mintu’ apa digaurangkomi dio tondok Mesir.

KATASSURAN 4:31

Napatonganmi to buda tu kadanna Musa sia iatonna rangimi, kumua Nakilalaimo PUANG sia Natiromo tu kamaparrisanna, tukkumi menomba.

SARAMBU PEADA’ 30:8

Pamambelai dio mai kaleku tu kakelokan sia kada tang tongan, da Mibenna’ kakalalaran sia kasugiran, sangadinna kaduttu’na’ kande, iamotu taa silasangku.

YESAYA 55:10

Belanna susi uran sia ambun makko lu dao mai langi’, anna tang sule langngan, sangadinna ussakka’i padang sia napopembura sia umpatuo tananan sia umpadenan lise’ to mangambo’ sia kande la nakande tau.

YEREMIA 29:10

Belanna nakua kadanNa PUANG: Iatu tonganna, ianna ganna’mo pitungpulo taunna dio Babel, la Kuto’longikomi sia la Kupalalo lako kalemi tu pangallu’ meloKu sia la Kupasulekomi lako inan iate.

YOËL 2:19

Mebalimi tu PUANG lako taunNa Nakua: Manassa la Kupasaeangkomi gandung, uai anggoro’ ba’ru sia minna’, ammi podia’i, sia tae’ lenmo Kula ussa’biangankomi natatta mintu’ bangsa.

ZEFANYA 2:7

Iatu randan tasik la napotaa to Yehuda torronapa, la nasolan tu domba inde to lako anna kande riu, lan lu banuanna to Askelon la nanii torro ma’bongi, belanna PUANG iamo Kapenombanna, la umparinaai sia la umpopembalii tu dalle’na.

MATIUS 6:11

Benkanni tu silasanna kikande allo iate

LUKAS 1:68

Mintu’na kadipangkeran lu lako nasang Puang Kapenombanna to Israel, belanna denmo mamaseNa umpemaranga to Napilei, Napadenanni kadila’bakan.

LUKAS 19:44

sia napemparrakangko rokko padang nasilullu’iko sola mintu’ anakmu lan lili’mu sia tae’mo batu la mettodo’ dao batu natampeangko lan lili’mu, belanna tae’ mupalan ara’i tu attunna kasaeanna pa’kamaseanNa Puang Matua lako kalemu.

1 TIMOTIUS 6:8

Iake denni kande sia pakean dio kaleta, taposilasan bangmi.

1 PETRUS 2:12

iatu gau’mi la melo dio lu to kapere’, dikua anna iatu napobannang umpalele bekokomi tau butung to umpogau’ kadake, tu belanna natiro tu penggauran melomi, anna pakala’bi’i tu Puang Matua ke alloNami Puang sae umpakilalai.

RUT 1:5

Attu iato mate dukami tu anakna sola duai, iamotu Mahlon sola Kilyon, naurungan torro bangmi tu baine iato sisayuran anakna da’dua sia muanena.

RUT 1:7

Iamoto tassu’mi lan mai inan, nanii mempue sola tu minintunna baine da’dua. Iatonna ma’tangnga lalanmo la sule lako tondok Yehuda,

1 SAMUEL 2:21

Natontongi rupami PUANG tu Hana, anna ma’tambuk pole’, nadadian pia muane tallu anna baine da’dua. Iatu Samuel, pia iato, sakapua-puana torro dio oloNa PUANG.